Kontuen Ganberako presidenteak Audenasa enpresaren deskontuei buruzko txostena aurkeztu du Parlamentuan

Kontuen Ganberako presidentea Parlamentuko Ekonomia Batzordearen aitzinean agertu zen atzo, berriki Audenasa enpresaren deskontuei buruz eginiko txostena aurkezteko. Helio Robledak azaldu zuenez, 2003tik Nafarroako Gobernuak 138 milioi eman dizkio enpresari deskontuen konpentsazio gisa. Txostenak AP-15 errepidearen trafikoaz ere datuak ematen ditu. Alde horretatik, krisiaren eragina nabarmena izan da. Izan ere, 2007an 15 milioi ibilgailu zenbatu ziren bitartean, iaz 11,5 milioiraino jaitsi zen.