2010/17 Barañaingo Udala (2008)

Nafarroako Comptos Ganberak Barañaingo Udalaren 2008ko fiskalizazio txostena ezagutarazi du. Bertan aztertzen diren gaiak honakoak dira: aurrekontu kitapena, ondare egoera, legezkotasuna, udalaren finantza-egoera eta azken txostenetako gomedioen jarraipena.
Txostenak emaniko datuen arabera, Barañaingo Udalak eta haren erakunde autonomoek (Lagunak kiroldegia eta Luis Morondo Musika Eskola) 17,2 milioi euro gastatu eta beste horrenbeste bildu.
Gastu-sail nagusia langileriarena da (7,7 milioi), ondoren ohiko ondasun eta zerbitzuak (5,3 milioi) eta inbertsioak (2,4 milioi). Diru-sarrerei dagokienez transferentzien bidez lorturikoa da garrantzitsuena: 7,9 milioi. Zerga eta tasen bitartez beste 7 milioi lortu zituen.
Comptos Ganberak dioenez, Udalak aurkezturiko aurrekontu kitapenak ongi islatzen ditu ekonomia jarduera eta aurrekontu egoera. Salbuespen bakarra udal ondasun zerrenda da, 1992tik gaurkotu gabe baitago.
Legezkotasunaren gaineko azterketa ere Udalaren aldekoa da, oro har indarrean dagoen legedia bete egiten duelako.
Azkenik, txostenak udalaren finantza egoera aztertzen du. Comptos Ganberak dioenez, 2004tik gastuak gehiago handitzen ari dira diru-sarrerak baino, eta diruzaintzako gerakina ere urterokoa da (273.000 euro 2008an). Epe luzerako zorra ere handitu egin da, eta 3,3 milioikoa zen 2008ko amaieran. Alde horretatik, Comptos Ganberak azpimarratzen du zor maila zor muga baino handiagoa dela.
Azken urteotan bezala, txostenaren gomendio nagusia hauxe da: Udalaren bidegarritasuna ziurtatzeko plana egin behar da, hirigintzatik zetozen sarrerak agortu ondoren. Halaber, Baraberri hirigintza udal enpresari buruzko erabakia hartu behar da, duela 6 urte sortu bazen ere ez baitu lanik egin.