ASOCEX
Kontuen Ganberako, Nafarroako Gobernuko eta udaletako 50 bat teknikari gure egoitzan elkartu dira aurrekontu-egonkortasunari buruzko mintegian. Kontuen Ganberak FIASEP fundazioaren laguntzaz antolaturiko mintegiaren helburua da Madrilgo Diputatuen Kongresuak onartu berri duen aurrekontu-orekari buruzko lege proiektua aztertzea, bereziki defizita eta superabitaren kalkuluan izanen duen eragina. Esther Calvo eta Jesus Garcia IGAEko teknikariak dira hizlariak.
Kontuen Ganberak eta FIASEP fundazioak defizitaren kalkulua eta aurrekontu-egonkortasunari buruzko mintegia antolatu dute. Gogoratzekoa da Madrilgo Diputatuen Kongresuak gai hori arautzen duen lege proiektua onartu berri duela. Mintegia Kontuen Ganberaren aretoan eginen da, eta hizlariak IGAE institutuko Jesus Calvo eta Esther Garcia izanen dira.
Kontuen Ganberako presidentea Parlamentuko Toki Administrazio Batzordearen aitzinean agertuko da bihar, erakundeak plazaratu berri dituen zazpi txosten aukezteko. Helio Robledak aurkeztuko dituen txostenak honako udalei buruzkoak dira: Iruñea, Lizarra, Altsasu, Biana, Faltzes, Etxauri eta Berrioplano. Agerraldia arratsaldeko lauretan hasiko da.
Kontuen Ganberak Nafarroako udal nagusienetako idazkari eta kontu-hartzaileak bildu ditu, iazko fiskalizazioaz hitz egin eta urtekoa prestatzen hasteko. Jardunaldiaren barnean, hitzaldi bat antolatu da: Carlso Urgoiti Bilboko Udaleko Aurrekontu eta Zerbitzu Orokorretako zuzendariak Bilboko Udalak aurrekontu kudeaketak eginiko aldaketak aztertu ditu. Aipatzekoa da Bilboko Udalak iazko EPSA "European Public Service Awards" saria irabazi zuela, aurrekontu arloan eginiko aldaketei esker.
Luis Ordoki Kontuen Ganberako idazkari nagusiak Auditoría Pública aldizkariak ematen duen saria irabazi du “Contenido y alcance de la opinión de legalidad en los informes de fiscalización de los Órganos de Control Externo”, izenburuko artikuluari esker. Artikulua aldizkariaren 54. zenbakian argitaratu zen. Ordokik 6.000 euroko saria jasoko du, apirilean toledon eginen den ekitaldian.
Ordokik fiskalizazio erakundeen txostenak aztertu ditu, erakunde bakoitzak legezkotasunari ematen dion garrantziaz ohartzeko. Irizpide argirik ezean, batasunaren aldeko apustua egiten du.
Nafarroako Kontuen Ganberak "Osasungintzaren kudeaketa gaur egungo krisi ekonomikoan" izenburupean antolaturiko jardunaldiak arrakasta handia lortu zuen, partaideak berrehun bat izan baitziren. Ekimena Osasunbidea eta Nafarroako Unibertsitate Publikoaren laguntzaz egin zen, erizainen eskolako areto nagusian.
Nafarroako Kontuen Ganberak, Osasunbidea eta Unibertsitate Publikoarekin elkar lanean, "Osasungintzaren kudeaketa gaur egungo krisi ekonomikoan" izenburuko jardunaldia antolatu du. Jardunaldia martxoaren 21ean eginen da, arratsaldeko 4:30etan hasita, Unibertsitate Publikoko Erizainen Eskolako areto nagusian. Sarrera librea da.
Daniel Innerarity filosofoa eta Sixto Jimenez ekonomialariak hitzaldi bat eman dute Kontuen Ganberaren egoitzan. Bi hizlariek, nork bere ikuspegitik, gaurko krisia aztertu dute.
Nafarroako Kontuen Ganberak 2011ko memoria eta kontuak biltzen dituen txostena kaleratu du. Horren bitartez, Parlamentuari eta, oro har, nafar gizarteari iaz eginiko lanaren berri eman nahi dio, eta baita horretan gastaturikoa zehaztu ere.
Helio Robleda, Kontuen Ganberako presidentea, Parlamentuaren Lehendakaritza, Administrazio Publikoak eta Barne Batzordearen aitzinean agertuko da heldu den asteazkenean, otsailak 8, berriki argitaraturiko txosten batzuk aurkezteko, guztiak toki sektorekoak: Barañain, Egues Ibarra, Antsoain, Burlata, Berriozar, Tutera eta Atarrabiako udalei buruzko txostenak, hain zuzen. Saio berean Robledak 500 biztanletik beherako udalerrien egoeraz ere mintzatuko da, Kontuen Ganberak duela gutxi karrikaratu duen txotenaren datuekin oinarriturik.