NUPko Zuzenbideko talde batek, lehen kurtsokoak, Kontuen Ganberaren egoitza bisitatu du. Neska-mutilak Aritz Romeo Administrazio-Zuzenbideko irakaslearekin etorri da. Egoitza ikustez gain, Kontuen Ganberaren berri eman diegu. Azkenik, saio praktikoa izan dute etxeko bi teknikarirekin: Ainara Rodriguez legelaria eta Amaia San Martin auditoretzako teknikariarekin. Biek txostenak egiteko modua azaldu diete, legelarien zereginean sakonduz.
Irudian, NUPko taldea Kontuen Ganberaren egoitzako patioan.
Kontuen Ganberako hiru lehendakari ohiak, auditore batek 2024ko kontu orokorrei buruzko txostenari aurkezturiko desadostasun-klausula ezagututa, Ignacio Cabeza presidentearen eta erakundearen aldeko idazkia plazaratu dute.
KOntuen Ganberako lehendakariak "Kanpoko kontrola eta independentzia" aztertu duen topaketan parte hartu du. Kontu Epaitegiak antolaturiko jardunaldia atzo hasi eta gaur eguerdian amaitu da. Kontu epaitegietako ordezkariez gain, unibertsitatetako adituak eta hainbat erakundetako buruak izan dira, horien artean Munduko Bankuko, FMI eta OCDEko ordezkariak.
Irudian, jardunaldian parte hartu dutenak.
Kontuen Ganberako lehendakari Ignacio Cabeza eta Karen Moreno auditorea NUPko Gizarte Kontseiluko kideekin elkartu dira. Bileraren helburua zen Kontuen Ganberak NUPren kontuez berriki argitaratu duen txostena aurkeztea.
Asocex-en otsaileko buletina argitaratu berri da. Beti bezala, Estatuko kontu epaitegien albisteak eta azken hilabeteotako txostenak biltzen ditu.
Kontuen Ganberako auditore Karen Morenok Mexikoko Auditoretza Akademiak antolaturiko jardunaldi batean hizlari aritu da. Aipaturiko akademia 1994an sortu zen, auditoretza aztertu eta zabaltzeko. Jardunaldiaren helburua da auditoretza operatiboa aztertzea, kasu zehatz batzuk erabiliz. Horregatik, Morenok Kontuen Ganberak eginiko txosten batzuk aurkeztu ditu. Horietako bi, enplegua bultzatzeko neurrien eraginkortasuna eta lehen mailako osasun arretaren eskuragarritasuna.
Kontuen Ganberako presidente Ignacio Cabeza Parlamentuan agertu da gaur, Foru Hobekuntzaren aldaketa aztertzen ari den ponentziaren aitzinean. Foru Hobekuntzaren 18. artikulua aipatu du, bertan zehazten baita Kontuen Ganberaren zeregina. Horren arabera, nafar erakundea da hemengo diru publikoa fiskalizatzen duena. Cabezak gogoratu duenez, Madrilgo Kontu Epaitegitik, noizean behin, hemengo diru publikoa kontrolatzeko saioak egin izan dira.
Elizondoko Lanbide Eskolako talde batek gure egoitza bisitatu du. Kudeaketa Administratiboa ikasten ari diren gaztetxoei etxe erakutsi diegu. Ondoren, Kontuen Ganberaren historia eta istorioak kontatu dizkiegu. Hori dena azaltzen duen bideoa ere ikusi dute. Azkenik, argazkia egin diegu barneko patioan. Hortxe daude ikasle eta irakasleak. Esker mila bisitagatik!!! U
IGAEko Enrique Amunategui eta Leonor Lois kontu-hartzaile eta auditoreak "Ebidentzia auditoretza publikoan" gaiari buruz aritu dira Kontuen Ganberan. Auditore publikoei eskatu beharrezko independentzia, profesionaltasuna eta objetbotasuna azpimarratu dituzte, eta irizpide horiek arriskuan jar ditzaketeen kontuak.
Irudian, bi hilariak eta Kontuen Ganberako lehendakari Ignacio Cabeza.
Kontuen Ganberako lehendakari Ignacio Cabeza Parlamentuaren Mahai eta Eledunen Batzordearen aitzinean agertu da gaur goizean, heldu den urteko lan-programaren berri emateko.