2005/12 Ararteko (2004)

Nafarroako Comptos Ganberak Arartekoaren kontuei buruzko fiskalizazio txostena kaleratu du. Txostenak 2004ko kontuak aztertu ditu. Comptos Ganberak emaniko datuen arabera, urteko gastuak 900.000 eurokoak izan ziren. Langileriak hartzen du gastuen zati nagusia: 518.000 euro. Beste 300.000 euro ohiko ondasun eta zerbitzuetan gastatu zen.

Comptos Ganberak dioenez, aurrekontu kitapenak ongi islatzen du urteko ekonomia jarduera. Egoera balantzea ere ondare eta finantza egoeraren isla da, eta erakundeak haren ekonomia jardueran indarran dagoen legedia bete egiten du.