ASOCEX
Saioa Navarro eta Irantzu Landivar, Kontuen Ganberako teknikariak, kontrol erakundeetako gazteen topaketan parte hartzen ari dira. Topaketa Kontu Epaitegiak antolatu du Madrilen, auditoretza publikoan ari diren gazteen arteko harremanak sendotzeko. Topaketa atzo hasi eta bihar amaituko da.
Adela Cortina filosofoak eman zuen hasierako hitzaldia. Etika sektore publikoan izan zuen hizpide. Ondoren, auditoretza publikoarekin zer ikusia duten hainbat gai aztertu ziren: kontrol erakundeen plan estrategikoak, zibersegurtasuna, datuak kudeatzeko tresnak eta sare sozialen erabilera, besteak beste.
Bihar, kontrol erakundeen erronka berriak, etorkizuneko lidergoa eta adimen emozionala aztertuko dituzte.
Irudian, topaketan parte hartzen ari diren teknikariak, Kontu Auzitegiko presidente Enriqueta Chicano eta Adela Cortina filosofoarekin.