ASOCEX
Nafarroako udal nagusietako idazkari eta kontu-hartzaileak Comptos Ganberaren egoitzan elkartu dira gaur goizean, erakundeak berak deiturik. Bileraren helburua zen datozen asteotan hasiko diren fiskalizazio lanen berri ematea, aztertu beharreko arloak eta epeak ere zehazteko. Helio Robleda Comptos Ganberako presidenteak eta Begoña Urrutia Toki Administrazioko Ekonomia zerbitzu buruak udalen kudeaketa hobetzeko har litezkeen neurriez hitz egin diete bilduriko funtzionarioei. Bi hizlariek kudeaketa-adierazleak martxan jartzeko beharra azpimarratu dute.
Helio Robleda, Comptos Ganberako presidentea Parlamentuko Ekonomia Batzordean agertu da gaur goizean, 2008ko kontu orokorrei buruzko txostena aurkezteko. Robledak azaldu duenez, duela bi urteko kontuetan nabarmenak dira krisiaren ondorioak. Izan ere, dirusarrerak %3 gutxitu ziren, gastuek gora egin zuten bitartean. Dirusarreren jeitsierak aurrezki gordina ere nabarmen gutxitu zuen eta zorra, berriz, handitu egin zen, 977 milioiraino helduz.
Angel Gonzalez-Malexetxebarria, nazioarteko finantza-kudeaketan aditua, Comptos Ganberaren egoitzan izan da. Helio Robleda presidentearekin elkartzeaz gain, erakundeko beste teknikari batzuekin ere bildu da, Comptos Ganberaren barne funzionamendua eta profesionalendako formakuntza plana ezagutu nahi zituelako.
Helio Robledak gardentasuna eta eraginkortasuna eskatu dizkio administrazioetako arduradunei
Helio Robleda, Nafarroako Comptos Ganberako presidentea, bere karguaz jabetu da gaur eguerdian Parlamentuan eginiko ekitaldi batean.
Nafar agintari nagusiak eta kontu epaitegietako ordezkariak aurrean zituela, Helio Robledak kargua “ilusioz” hartzen duela azpimarratu du. Halaber, administrazio publikoen fiskalizatze lanetan erabateko independentzia erakutsiko duela nabarmendu du.
Helio Robledak martxoaren 17an hartuko du Comptos Ganberaren presidentzia, Nafarroako Parlamentuan eguerdiko ordu batean eginen den ekitaldian. Bertan izanen dira, besteak beste, Nafarroako agintari nagusiak eta kontu epaitegietako ordezkariak. Jakina denez, Robleda otsailaren 18ko osoko bilkuran aukeratu zuten lehendakari.
Helio Robleda Comptos Ganberako laugarren presidentea da. Aurrekoak honakoak izan dira: Mariano Zufia (1981-1991), Patxi Tuñon (1991-1997) eta Luis Muñoz Garde (1997-2010).
Luis Muñoz Garde, Comptos Ganberako presidentea Elena Torres legebiltzarreko buruarekin elkartu da gaur goizean, 2008ko kontu orokorrei buruzko txostena aurkezteko. Txostenak Nafarroako Foru Administrazioaren finantza egoera aztertzen du. Egun gutxi barru, Parlamentuko Batzordekideei ere aurkeztuko zaie.
Heliodoro Robleda, Unibertsitate Publikoko Kontabilitate katedraduna da Comptos Ganberako lehendakari berria. Nafarroako Parlamentuaren osoko bilkuran aukeratu dute gaur goizean. UPNk aurkezturiko hautagaiak CDNren botuak ere jaso ditu, eta bigarren bozketan atera da garaile. Beste hautagaiak Karen Moreno (PSN) eta Lourdes Aldave (Nafarroa Bai) ziren.
Robleda Comptos Ganberako laugarren presidentea da. Aurrekoak honakoak izan dira: Mariano Zufía (1981-1991), Patxi Tuñón (1991-1997) y Luis Muñoz Garde (1997-2010)
Luis Muñoz Nafarroako Comptos Ganberako presidentea Parlamentuaren Osasun Batzordearen aitzinean agertu da gaur, Osasunbidearen itxaron-zerrendak gutxitzeko onarturiko kontu-sailaren kudeaketari buruzko fiskalizazio txostena azaltzeko.
Parlamentuko parlamentari taldeek hiru hautagai aurkeztu dituzte Comptos Ganberako lehendakaritzarako. UPNk Helio Robleda, Nafarroako Unibertsitate Publikoko katedraduna aurkeztu du. Nafarroa Bairen hautagaia Lourdes Aldave da, Nafarroako Gobernuko Justizia Zuzendaritzako legelaria. PSNk, bere aldetik, Karen Moreno Comptos Ganberako teknikaria aukeratu du.
Comptos Ganberako lehendakariaren aukeraketa Parlamentuari dagokio. Datorren otsailaren 18 osoko bilkuran eginen da bozketa.
Senatuko talde mistoko kideek Comptos Ganbera bisitatu dute gaur goizean. Egoitza ikusteaz gain, Comptos Ganerako presidentearekin elkartu dira, nafar erakundearen funtzioak eta lan egiteko modua ezagutu nahi zituztelako. Bileran Patxi Tuñon Ganberako presidente ohiak parte hartu du, gaur egun senatari autonomoa baita. Gainerako senatariak honakoak ziren: Pere Sampol i Mas, Arturo Bagur, Narvay Quintero, Pedro Torres i Torres eta Xosé manuel Pérez Bouza.