Kontu-ikuskaritzari buruzko aurtengo kongresua Palman eginen da, azaroaren 12tik 14ra. Antolatzaileak bertako Kontu Epaitegia eta Fiasep fundazioa dira. Honez gero, oso aurreratua daukate antolamendua eta izena eman nahi dutenek egin dezakete. Kongresuan Mariano Zufia saria ere emanen da. Sariaren helburua da diru publikoaren kontrolean ibilbide oparo eta luzea egina duen norbaiten lana nabarmentzea
Iruñeko Itsu Elkarteko kide batzuk gure egoitzara etorri dira gaur goizean. Barneko patioa eta lehen solairua bisitatu ondotik, erakundearen berri jaso dute. Bisita amaitu aurretik, patioan argazkia egindiegu. ONCE elkartekoena 2013-2014 kurtsoko azkena izan da. Hurrengo ikasturtekoak irailean hasiko dira. Gure egoitza ezagutu nahi dutenek hitzordua eska dezakete telefonoz (848 421 400) edo mezu elektroniko bidez: camara.comptos@navarra.es
Helio Robleda, Kontuen Ganberako presidentea, parlamentuaren aitzinean agertuko da bihar irrati lizentzien auziak eragindako gastu publikoaz mintzatzeko. Txostena Parlamentuak berak eskatu zuen, Manu Ayerdi Geroa Baiko parlamentariaren eskariaren ondorioz. Agerraldia goizeko hamarretan hasiko da.
Kontuen Ganberako presidentea Parlamentura joanen da bihar, berriki plazaraturiko txosten bat aurkeztera: Gobernuak baso-ustiapenean ari ziren enpresa batzuen bidez eginiko inbertsioak, hain zuzen. Fiskalizazioa Parlamentuak berak eskatu zuen, Ezkerra taldeak bultzatuta. Agerraldia goizeko 10etan hasiko da.
Iruñeko San Cermin ikastetxeko ikasle talde bat gure egoitzara etorri da gaur. Maria Jose Jimenez irakasleak lagundurik, batxilergoko lehen kurtsoko neska-mutikoek barneko patkioa eta lehen solairua bisitatu dituzte. Kontuen Ganberan egiten ziren nafar txanponen erakusketa ikusi dute, eta baita instituzioari buruzko bideoa ere. Irudian, neska-mutilak gure egoitzako barneko patioan.
Donapeako Administrazio eta Finantzak zikloko ikasle talde bat etorri zaigu gaur Kontuen Ganberara. Egoitza bisitatu ondotik, Karen Moreno auditorearekin bildu dira, fiskalizaztze-lanaren kontu praktikoak ezagutu nahi zituztelako.
Iruñeko Padre Ciriano elkarteko kide batzuk Kontuen Ganberaren etorri dira, gure egoitza ezagutu nahi baitzuten. Barneko patioan erakundearen historioaren berri eman diegu. Ondoren, lehen solairuan, gaurko zereginak azaldu dizkiegu. Amaitzeko, hori dena azaltzen duen bideioa ikusteko parada izan dute. Etxetik joan aurretik, horietako batzuek argazkia egin nahi izan dute.
Helio Robleda Kontuen Ganberako presidenteak administrazioen gardentasunari buruzko jardunaldi batean parte hartu zuen atzo, Madrilen. Jordi Sevilla ministro ohiak koordinaturiko jardunaldian hogei bat lagun izan ziren, kontu epaitegietako ordezkariak batzuk, beste administrazioetakoak eta unibertsitateetako ordezkariak. Gure administrazioa gardena da? galderari erantzun zioten, nork bere ikuspegitik, eta proposamenak eginez administrazioen kudeaketa gardentasuna eta eraginkortasunean oinarritu dadin.
Estatuko kontu epaitegietako ordezkariak Palencian elkartu ziren atzo elkarren arteko koordinazioa bultzatzeko. Bileran lurraldeetako kontu epaitegietako presidenteak eta Espainiako Kontu Epaitegiko burua izan ziren. Kontuen Ganberako ordezkaria Helio Robleda presidentea izan zen.
Iruñeko Udaleko gerenteak hitzaldi bat eman du gaur Kontuen Ganberaren egoitzan, udalak kudeaketa hobetzeko egin dituen pausuen berri emateko. Jose Vicente Valdenebrok administrazio elektronikoak eskaintzen dituen alde onak azpimarratu ditu, eraginkorragoa, merkeagoa eta gardentasun handiagokoa dela azpimarratuz. Irudian, Iruñeko Udaleko gerentea solasean, aurrean Kontuen Ganberako teknikariak dituela.