Nafarroako Kontuen Ganbarak Bardeetako Komunitatearen fiskalizazio txostena argitaratu du. Txostena Ezker Batua eta Ezker Abertzalea talde parlamentarioek eskatu zuten eta eskaerak zehazten zuen bezala, Kontuen Ganbarak azken bost urteotako kontuak aztertu ditu.
Bardeetako Komunitatea tokiko erakunde tradizionala da. Erribera aldeko hemeretzi herri, Erronkari eta Sarautzi balleak eta Olibako Monastegia biltzen ditu. Toki erakundearen xede nagusia Bardeetako lurren probetxamendua kudeatzea da.
Nafarroako Kontuen Ganbarak Uharteko Udalari buruzko fiskalizazio txostena kaleratu du. Txostenean ematen diren datuak 1998ko ekitaldikoak dira. Kontuen Ganbarak honako gai hauek aztertu ditu: aurrekontu betetzea, ondare egoeraren isla, legezkotasuna eta Udalaren egoera ekonomikoa.
Uhartek 2.800 biztanle ditu eta Udalaz gain bi udal erakunde autonomo daude: Musika Patronatoa eta Kirol Patronatoa. Horietaz gain, iazko azaroan Udalak hirigintza proiektuak bultzatzeko elkarte anominoa martxan jarri zuen.
Nafarroako Kontuen Ganbarak Burlatako Udalari buruzko fiskalizatze txostena plazaratu du. Txostenak 1998ko aurrekontu betetzea, ondare egoera, legezkotasuna, Udalaren egoera ekonomikoa eta azken txostenean eginiko gomendioen betetzea aztertzen ditu.
Burlatako Udalak hiru erakunde autonomo ditu: Hilarion Eslava Musika Eskola, Festa eta Kultura Patronatoa eta Kirol Patronatoa. Azken hiruotako langileria kontuan hartuz, Burlatako Udalak 251 langile ditu.
Nafarroako Kontuen Ganbarak Antsoaingo Udalari buruzko fiskalizazio txostena argitaratu du. Txostenean honako gai hauek aztertu ditu: aurrekontu betetzea, ondare egoeraren isla, legezkotasuna eta egoera ekonomikoa.
Antsoaingo populazioa nabarmen handitu da azken urteotan. Izan ere, 1995ean 5.100 biztanle zituen eta iazko abenduaren 31ko datuen arabera 6.500 biztanle ditu.
Udalak hiru erakunde autonomo sortu ditu hainbat zerbitzu eskaintzeko: Kultur eta Kirol Patronatoa, Euskara Patronatoa eta Familia Plangintzarako Patronatoa.
Nafarroako Kontuen Ganbarak Iruñeko Bideko Ama Ospitaleari buruzko fiskalizazio txostena ezagutarazi du. Txostenak 1998ko aurrekontu-betetzea, legezkotasuna eta ekitaldirako sinaturiko kontratu-programa zenbateraino bete zen aztertzen ditu.
Nafarroako Kontuen Ganbarak Lizarrako Udalari buruzko fiskalizazio txostena kaleratu du. Txostenean udalaren dirusarrera, gastuak, barne kontrola eta egoera ekonomikoa aztertu dira.
Aurrekontu kitapenari dagokionez, Kontuen Ganbarak dio ongi islatzen dituela urteko jarduera ekonomikoa eta urte amaierako aurrekontu egoera.
Kontuen Ganbarak emaniko datuen arabera, Lizarrak 1.257 milioi gastatu eta 1.509 bildu zituen. Gastuetan funtzionamendu gastuak dira garrantzitsuenak (ehuneko 70) eta inbertsiotan ehuneko 26 gastatu zuen.
Nafarroako Kontuen Ganbarak 1998ko kontu orokorrei buruzko txostena argitaratu du. Txostenean Diputazioaren kontuak aztertzen dira eta azterketa horren oinarritzat honako gaiak: aurrekontuaren betetzea, ondasun egoera, legezkotasuna eta egoera ekonomikoa.
Txostenak dioenez, 1998ko aurrekontu kitapenak ongi islatzen ditu urteko gastu eta dirusarrerak. Dena den, badira salbuespen batzuk, zenbait kasutan kontabilizazio desegokia egin baita.
La Cámara de Comptos de Navarra ha remitido al Parlamento el informe sobre la regularidad de las contabilidades electorales correspondientes a las elecciones del pasado 13 de junio. El trabajo de la Cámara de Comptos se ha limitado a analizar los gastos atribuidos a las elecciones al Parlamento de Navarra ya que la relativa a gastos de las elecciones locales corresponde al Tribunal de Cuentas.
Nafarroako Kontuen Ganbarak \"Turismoaren garapenerako\" aurrekontu programari buruzko txostena kaleratu du. Txostenean aurrekontua, administrazio prozedurak eta programaren bitartez lorturiko eraginkortasuna aztertu dira. Txostenak emaniko datuak 1998koak dira.