Nafarroako Comptos Ganberak Corellako 2002ko kontuei buruzko txostena kaleratu du. Horretaz gain, herriko kiroldegiaren eraikuntzari buruzko txosten berezia ere egin du.
Lehenbiziko txostenak honako gai hauek aztertzen ditu: aurrekontu kitapena, ondare egoera, legezkotasuna eta udal finantza egoera.
Txostenak dioenez, Corellako Udalak 5 milioi euro gastatu eta 5,9 milioi bildu zituen. Egin beharreko kontu egokitzeak egin ondotik, urteko superabita 12.000 eurokoa izan zen.
Nafarroako Comptos Ganberak Araseko Udalari buruzko txostena kaleratu du. Lana Nafarroako Gobernuak eskatu zuen, Udalak bidali zizkion kontuek finantza-egoera argitzen ez zutelakoan. Behin Gobernuak eskaera egin ondoren, Nafarroako Parlamentuak baiezkoa eman zion eta Comptos Ganberak lanari ekin zion. Txostenak azterturiko datu gehienak 2002koak dira, baina aurreko bi ekitaldietako jarduera ere aztertu da.
Nafarroako Kontuen Ganbarak Iruñeko Udalaren fiskalizazio txostena kaleratu du. Txostenak honako gai hauek aztertzen ditu: 2000ko aurrekontu kitapena, ondare egoera, legezkotasuna, finantza-egoera eta azken urteotako txostenetan eginiko gomendioen jarraipena.
Txostenak Udalaren beraren datuak ez ezik, beste udal erakundeenak ere aztertu ditu, horien artean Hirigintza Gerentzia, Udal Eskolen Patronatua, Gayarre Fundazioa eta udal enpresenak.
Nafarroako Kontuen Ganbarak Toki Sektoreari buruzko txostena argitara eman du. Txostenak Nafarroako udal, kontzeju eta gainerako toki erakundeen egoera orokorra aztertzen du. Lanak ematen dituen datu guztiak 1999ko abenduaren 31koak dira.
Txostenak dioenez, Nafarroan 799 toki erakunde daude: 272 udal, 366 kontzeju, 74 erakunde autonomo, 59 mankomunitate, 8 partzuergo, eta 11 udal elkarte. Aurreko urteko datuekin alderatuz, 18 udal erakunde gehiago daude: 14 erakunde autonomo, hiru mankomunitate eta udal elkarte bat gehiago.
Nafarroako Kontuen Ganbarak Mendigorriako Udalaren fiskalizazio txostena argitaratu du. Txostenak honakoa aztertzen du: aurrekontuaren betetzea, ondare-egoera, legezkotasuna eta Udalaren finantza-egoera.
Kontuen Ganbarak emaniko datuen arabera, Mendigorriako Udalak iaz 82,4 milioi gastatu eta 125 milioi bildu zituen. Txostenak dioenez, aurrekontu kitapenak ongi islatzen ditu urteko gastu eta diru-sarrerak.
Nafarroako Kontuen Ganbarak Atarrabiako Udalari buruzko fiskalizazio txostena argitaratu du. Txostenak honako gai hauek aztertzen ditu: 1999ko aurrekontu-betetzea, ondare-egoera, legezkotasuna eta Udalaren finantza egoera.
Kontuen Ganbarak emaniko datuen arabera, 1999ko ekitaldian Udalak 979 milioi gastatu eta 1.037 milioi bildu zituen. Gastuetan garrantzitsuenak langileriarenak dira. Atarrabiako udalak 86 langile ditu eta azterturiko ekitaldian beraien soldatetan Udalak 419 milioiko dirutza gastatu zuen.
Nafarroako Kontuen Ganbarak Yesako Udalari buruzko fiskalizazio txostena plazaratu du. Txostenak 1999ko aurrekontu-betetzea, ondare-egoera, legezkotasuna eta finantza-egoera aztertu ditu.
Nafarroako Kontuen Ganbarak Aezkoako udalei buruzko fiskalizazio txostena ezagutarazi du. Txostena bikoitza da, alde batetik herri guztien egoera aztertzen du eta, bestetik, bailarak eskaintzen dituen zerbitzuen antolaketari buruzko azterketa dakar.
Aezkoak 9 udalerri ditu eta herri horietan, guztira, 1.154 biztanle bizi dira. Kontuen Ganbarak emaniko datuen arabera, Aezkoako udal erakundeek 208 milioi gastatu zituzten iaz. Dirusarrerak 336 milioikoa izan ziren.
Nafarroako Kontuen Ganbarak Aezkoako udalei buruzko fiskalizazio txostena ezagutarazi du. Txostena bikoitza da, alde batetik herri guztien egoera aztertzen du eta, bestetik, bailarak eskaintzen dituen zerbitzuen antolaketari buruzko azterketa dakar.
Aezkoak 9 udalerri ditu eta herri horietan, guztira, 1.154 biztanle bizi dira. Kontuen Ganbarak emaniko datuen arabera, Aezkoako udal erakundeek 208 milioi gastatu zituzten iaz. Dirusarrerak 336 milioikoa izan ziren.