Kontuen Ganberako legelari Gemma Sanchezek "Kontratazio publiko berria: merkatua eta ingurumena"ri buruzko jardunaldietan parte hartuko du. Bihar eta etzi eginen diren jardunaldiak Nafarroako Unibertsitate Publikoak antolatu du. Sanchezek etzi hitz eginen du, kontratazio publiko sozial eta berdearen kontrolaz antolaturiko mahai-inguru batean. Beste hizlariak honakoak dira: Maria Jose Santiago, Andaluziako Kontratu Publikoen Epaitegi Administratiboko burua eta Natividad Goñi NUPko irakasle eta Lehiaren Euskal Agintaritzako kidea.
Nafarroako Kontuen Ganberaren historia eta gaur egungo egoera aztergai izanen da irailaren 29an, SEHN-ek (Nafarroako Ikasketa Historikoen Elkargoa) antolaturiko hitzaldi ziklo baten barruan. Hiru hizlarik parte hartuko dute: Iñigo Mugueta, NUPko irakaslea, Juan Jose Martinena, Historiaren Erret Akademiaren kidea eta Luis Ordoki Kontuen Ganberako idazkari nagusia. Moderatzailea Nafarroako Unibertsitateko irakasle Agustin Gonzalez Enciso izanen da. Mahai-ingurua Iruñeko Iturramako Civivox aretoan eginen da, arratsaldeko 7etan hasita.
Kontuen Ganberako lehendakari Asun Olaetxea Parlamentuan izan da gaur, azken urteotako enplegu publikoaren eskaintzen berri emateko. Olaetxeak esan duenez, Estatuak lan publikoa eskaintzeko aukera mugatu egin du azken urteotan. Dena den, Nafarroako Gobernuak Estatuak utzitako aukera ere ez du behar bezala kudeatu, lanpostu gutxiago atera dituelako, eta zenbait kasutan deialdia gaizki egin eta Madrildik geldiarazi dutelako. Kontuen Ganberako lehendakariak dei bat egin du kontu hau hobeki bideratzeko. Beti ere, helburua lanpostu finkoen aldeko apustua da.
"Lizitazio publikoa eta lehia askea" gaiari buruzko jardunaldia Iruñeko Medikuen Ikastetxean (Nafarroa Beherea etorbidea, 47) eginen da, heldu den ostiralean, goizeko 9etan hasita. Printzipioz Nafarroako Administrazio Publikoen Institutuaren egoitzan zen egitekoa, baina uste baino jende gehiagok izena eman du eta, beraz, toki zabalagoa bilatu behar izan dugu.
"Lizitazio publikoa eta lehia askea" gaiari buruzko jardunaldi bat antolatu du Kontuen Ganberak, CNMCrekin (Lehia eta Merkatuen Nazio Batzordea) eta Nafarroako Gobernuarekin elkar lanean. Lizitazio publikoa eta lehia askea loturik beharko lukete beti. Izan ere, lehia gutxitzeko eginiko iruzurrak diru publikoaren kudeaketa gardenaren aurkakoak dira eta, bestetik, kalte ekonomikoa eragiten diete administrazioei eta, beraz, biztanle guztiei. Bi hizlarik parte hartuko dute: Susana Campuzano, CNMCko Sustapen zuzendaria eta Sergio Sinovas, CNMCko alboko zuzendari-ordea.
Kontuen Ganberako patioan bilduriko jendeak gozatu egin zuen atzo "Hego Haizeak" taldearen musikarekin. Aitor Urquizak, Arkaitz Ibarrak, Asier Agirrek eta Xabier Olazabalek osaturiko taldeak txistuaren doinu klasikoak eskaintzeaz gain, Irlandako doinuak ere jo zituen eta, amaitzeko, Sanferminetako musika alaia. "Hego Haizeak" taldearena da Kontuen Ganberak ekainean antolaturiko bigarren eta azken emandaldia. Jendearen erantzuna ikusita, heldu den urtean ere kultur ekimenek tokia izanen dute Ansoleaga karrikako egoitzan.
Kontuen Ganberak “formatu txikiko” kontzertu batzuk antolatu ohi ditu, bi helbururekin: XIII. mendeko egoitza ezagutaraztea eta, bide batez, gazteek osaturiko musika taldeei laguntzea.
Hurrengoa datorren ostegunean, ekainak 23, izanen da. Talde gonbidatua Hego Haizeak da. Lau musikarik osatzen dute: Aitor Urkiza, Arkaitz Ibarra, Asier Agirre eta Xabier Olazabal. Txistulariak hiru lehenak eta akordeoilaria azkena. Guztiak ikasketa profesionalak eginak eta musika eskoletako irakasleak.
Kontuen Ganberako lehendakaria Parlamentuaren Osasun batzordearen aitzinean agertuko da datorren asteartean, berriki kaleraturiko txosten bat azaltzeko. Txostenak laborategien bateratze-prozesua aztertu du. Agerraldia goizeko 9:30an hasiko da.
Jaleando taldeak kantaldia eskaini zuen atzo, Kontuen Ganberako egoitzan. Kantari eta talde ezagunen bertsioak abestu zituen, flamenko kutsua emanez. Jimena Ripa kantari aritu zen, Luis Gil gitarran eta Iñaki Lero perkusioan. Jendeak gozatu egin zuen hirukotearen kantuekin. Hurrengo kontzertua, ekainaren 23an, Euskal Herriko Txistulari Elkartearen eskutik.
Javier Eneriz Arartekoak, etzi, ekainak 10, Kontuen Ganberaren topaketetan parte hartuko du. Ekimenaren helburua da Nafarroako erakunde, gizarte eta kultur arloetako pertsonaiak Kontuen Ganberaren egoitzara eramatea, kontrol erakundeko teknikariek ezagutu ditzaten. Ohi denez, Javier Enerizi elkarrizketa egiten zaio eta ondoren galderak egiteko aukera izanen da.