Kontu-ikuskaritzaren gakoetako bat da diru publikoaren kudeaketan dauden arriskuei erreparatzea, horretan sakondu eta egin litezkeen irregulartasunak azalarazteko. Horixe aztertzen ari gara Kontuen Ganberan Julio Garcia Muñozen eskutik. Muñoz Gaztela Mantxako Unibertsitateko kontu hartzailea da, eta gai horretan aditua. Bihar arte iraunen duen ikastaroan era askotako arriskuak aztertuko dira: kontratazioan, langilerian edo nominen kudeaketa hobetzeko kontrol informatikoa.
Jorge Urdanoz filosofia irakasleak "Kontuen Ganberako topaketetan" parte hartuko du bihar. Ekimenaren helburua da arlo ezberdinetako profesionalak gure egoitzara ekartzea, hemengo teknikariekin hitz egin dezaten. Urdanoz Nafarroako Unibertsitate Publikoko irakaslea da eta politikari loturiko zenbait saiakera argitaratu ditu, azkena "Veinte destellos de ilustración electoral (y una página web desesperada)". Ekitaldia eguerdiko ordu batean hasiko da. .
Iruñeko Eskolapioen ikastetxeko bi talde Kontuen Ganberan bisitari izan ditugu gaur. Batxilergoko lehen kurtsoko ikasleek gure egoitza ezagutzeaz gain, Kontuen Ganberaren berri jaso dute. Amaieran etxeko patioan argazkia egin diegu.
Kontuen Ganberako presidente Helio Robleda Parlamentuko Sustapen Batzordean agertu da, “itzalpeko bidesari”aren bidez eginiko azpiegiturak aztertzen dituen txostena azaltzeko. Bilera hasi aurretik, komunikazio arduradunak horrela laburbildu du txostena.
Parlamentuko Sustapen Batzordeak "Itzalpeko ordainsari"ei buruzko txostena aztertuko du bihar, goizeko 10etatan hasiko den bileran. Iazko abenduan kaleratutako txostenaren helburua zen "itzalpeko ordainsari"aren bidez eginiko inbertsioen emaitza aztertzea. Hiru dira: Bideko autobidea, Piriniokoa eta Nafarroako urtegiaren eremuan ureztaturiko eremuak. Txostenak dioenez, 2007-2013 epean Nafarroak 260 milioi ordaindu zituen hiru azpiegituren kanona ordaintzeko. 2013ko kostua 67 milioikoa izan zen, ohiko gastuen %12.
Heldu den ostegunean, urtarrilak 29, Helio Robleda Parlamentura joanen da sindikatu eta enpresarien elkarteak jasotako diru-laguntzei buruzko txostena aurkeztera. Txostena Parlamentuak berak eskatu zuen, PP talde parlamentarioak eginiko eskaeraren ondorioz. Abenduan kaleratutako txostenak dioenez, UGT eta CCOO sindiaktuek eta CEN enpresarien elkarteak 2011tik 2013ra 54 milioiko diru-laguntzak jaso zituzten. Laguntza horiek enplegua bultzatzeko helburua zuten. Kontuen Ganberak 2012an antzeko txosten bat kaleratu zuen 2008 eta 2012 arteko laguntzak aztertzeko.
Heldu den ostegunean, Kontuen Ganberako presidentea Parlamentuan agertuko da Tasunbinsa eta Anfas-ek jasotako diru-laguntzei buruzko txostena aurkezteko. Bildu-Nafarroa taldeak eskatutako txostenak bi entitateek 2009-2013 epean jasotako laguntzak aztertu ditu. Iazko azaroaren amaieran argitaratu zen.
Iruñeko Maria Inmaculada Lanbide Heziketako ikasle talde bat gure egoitza bisitatzera etorri da gaur, Maite Yarnoz irakaslearekin. Kontuen Ganberaren egoitzaren berri jaso ondoren, instituzioaren zeregina azaldu zaie. Ondoren, hori dena azaltzen duen bideoa ikusi dute. Bisita amaitu aurretik, patioan elkartu ditugu argazkia ateratzeko.
Nafarroako Kontuen Ganberak heldu den urteko lan-zerrenda onartu du. 35 txosten eginen ditu gehi Parlamentuak urtean barna eskatuko dituenak.
Cuatrovientos institutuko ikasle talde bat gure egoitzara etorri da gaur goizean. Administrazio eta Finantza goi zikloko ikasleak ziren, auditoriaz ere zerbait ikasten dutenak. Erakundearen berri orokorra jaso ondoren, Ignacio Cabeza auditorearen azalpenak jaso dituzte. Amaieran, barneko patioan argazkia egin diegu.