Uda amaiturik, bisita gidatuen programari ekinen dio berriro Kontuen Ganberak. Interesaturik dauden era guztietako taldeak etor daitezke: ikasleak, unibertsitariak, jubilatuak. Etxea ikusteaz gain, Kontuen Ganberaren historia eta gaurko egungo zereginen berri ematen zaie. Bisitariek bideo bat ere ikus dezakete. Kontuan hartzekoa da Kontuen Ganberaren etxea Iruñeko zaharrena dela eta gotuiko zibiletik gelditzen den bakarra. Beraz, ikuspegi artistikotik ere badu interesik. Zita hartzeko honako telefono-zenbaki honetara deitu behar da: 848 421 400.
Kontuen Ganberako presidenteak toki administrazioko langileendako ikastaro batean parte hartuko du bihar, Madrilen. Ogasun Ministeritzak eta Administrazio Publikoetako Institutuak antolaturiko ikastaroaren helburua da kostuen gaineko azterketak bultzatzea, hori baita administrazioen bidegarritasuna bermatzeko bide nagusienetakoa. Robledak kostuak kontuan hartzen dituen "kontabilitate analitiko"a aztertuko du biharko saioan.
Kontuen Ganberako presidenteak Egues Ibarreko udal sozietateen kudeaketaz hitz eginen du Parlamentuan heldu den astean, irailaren 11n. Izan ere, erakundeak ekainean plazaratu zuen txosten batek gogor gaitzesten zuen Egues Ibarreko Udalaren hirigintza kudeaketa. Txostena jaso ondoren, Parlamentuak Robledaren agerraldia eskatu zuen, eginiko lanaren berri eman dezan. Agerraldia, esan bezala, gaur zortzi eginen da, goizeko hamarretan hasita, Udal Administrazio Batzordearen aitzinean.
Helio Robleda Kontuen Ganberako presidenteak etzi, irailak 3, ospitaleetako sukalde zerbitzuari buruzko txostena aurkeztuko du Parlamentuan. Agerraldia Osasun Batzoarearen aitzinean izanen da, goizeko 10etan hasita. Robledak Kontuen Ganberak ekainean kaleraturiko txostenaren konklusio nagusiak azalduko ditu.
Kontuen Ganberako presidente Helio Robledak kontrol instituzio eredua aldatu beharra dagoela azpimarratu du, gaur El Paísen argitaraturiko artikulu batean. Helio Robledaren ustetan, kontu epaitegien independentzia indartu behar da, izaera teknikoari eutsiz. Herritarren intereseko gaiak aztertzeaz gain, gardentasunean ereduagarriak izan behar direla nabarmendu du. http://bit.ly/1kcrWxI
Kontu-ikuskaritzari buruzko aurtengo kongresua Palman eginen da, azaroaren 12tik 14ra. Antolatzaileak bertako Kontu Epaitegia eta Fiasep fundazioa dira. Honez gero, oso aurreratua daukate antolamendua eta izena eman nahi dutenek egin dezakete. Kongresuan Mariano Zufia saria ere emanen da. Sariaren helburua da diru publikoaren kontrolean ibilbide oparo eta luzea egina duen norbaiten lana nabarmentzea
Iruñeko Itsu Elkarteko kide batzuk gure egoitzara etorri dira gaur goizean. Barneko patioa eta lehen solairua bisitatu ondotik, erakundearen berri jaso dute. Bisita amaitu aurretik, patioan argazkia egindiegu. ONCE elkartekoena 2013-2014 kurtsoko azkena izan da. Hurrengo ikasturtekoak irailean hasiko dira. Gure egoitza ezagutu nahi dutenek hitzordua eska dezakete telefonoz (848 421 400) edo mezu elektroniko bidez: camara.comptos@navarra.es
Helio Robleda, Kontuen Ganberako presidentea, parlamentuaren aitzinean agertuko da bihar irrati lizentzien auziak eragindako gastu publikoaz mintzatzeko. Txostena Parlamentuak berak eskatu zuen, Manu Ayerdi Geroa Baiko parlamentariaren eskariaren ondorioz. Agerraldia goizeko hamarretan hasiko da.
Kontuen Ganberako presidentea Parlamentura joanen da bihar, berriki plazaraturiko txosten bat aurkeztera: Gobernuak baso-ustiapenean ari ziren enpresa batzuen bidez eginiko inbertsioak, hain zuzen. Fiskalizazioa Parlamentuak berak eskatu zuen, Ezkerra taldeak bultzatuta. Agerraldia goizeko 10etan hasiko da.
Iruñeko San Cermin ikastetxeko ikasle talde bat gure egoitzara etorri da gaur. Maria Jose Jimenez irakasleak lagundurik, batxilergoko lehen kurtsoko neska-mutikoek barneko patkioa eta lehen solairua bisitatu dituzte. Kontuen Ganberan egiten ziren nafar txanponen erakusketa ikusi dute, eta baita instituzioari buruzko bideoa ere. Irudian, neska-mutilak gure egoitzako barneko patioan.