Azken bi egunotan, Asturiaseko Kontu Epaitegiak antolatuta teknologiari buruzko jardunaldiak egin dira Oviedon. Azterturiko gai nagusiak honakoak dira: adimen artifiziala, datu azterketa, afrtxibo elektronikoa eta segurtasun eskema nazionala.
Kontuen Ganberako bi teknikari izan dira bertan: Javier Martinez de Estibariz eta Maria Dolores Saiz, Informatikako teknikariak biak.
Kontuen Ganberak Jardunbide Egokien eta Ustelkeriaren kontrako Bulegoaren 2023ko kontuei buruzko txostena aurkeztuko du bihar. 2023ko kontuak dira azterturikoak, Buleguak aurkeztu dituen lehenak.
Ustelkeriaren kontrako Bulegoa 2018an sortu zen, Nafarroako Parlamentuak bultzatua. Bulegoko burua Edurne Eginoa da, 2022an izendatua.
Kontuen Ganberako lehendakari Ignacio Cabeza Parlamentuan agertu da gaur goizean, Corellako Udalari buruzko txostena aurkezteko. Txostenak era askotako irregulartasunak antzeman zituen, bereziki langileriaren kudeaketan eta kontratazioan. Talde guztietako ordezkariek larritzat jo dute Kontuen Ganberak salatutakoa, bereziki UPNk, PPk eta Voxek.
Cabezak dei bat egin dio udalari legearen araberako kudeaketa egin dezan.
Kontuen Ganberako lehendakari Ignacio Cabezak EURORAIk Bruselan antolaturiko mintegi batean parte hartu du.
Mintegiaren helburua zen pil-pilean dauden bi gai aztertzea. Batetik, aurrekontuak murriztu behar diren garaian zein den kontu epaitegien zeregina. Bestetik, gizartaren urgentziazko erronkei aurre egiteko zer egin dezaketen.
Kontuen Ganberako lehendakaria Parlamentuko Osasun batzordearen aitzinean agertu da gaur, Lehen Arretarako irisgarritasunari buruzko txostena aurjkezteko.
Ignacio Cabezak esan duenez, Lehen Arretarako irisgarritasunak okerrera egin du, hainbat arrazoirengatik, bereziki mediku falta eta biztanleriaren zahartzeagatik.
Kontuen Ganberako lehendakaria Parlamentuko Osasun batzordearen aitzinean agertuko da bihar, Lehen Arretarako irisgarritasunari buruzko txostena aurkezteko. Kontuen Ganberak ekainean argitaratu zuen txostena. Horren konklusio nagusienetakoa da Lehen Arretarako irisgarritasuna okertu egin dela.
Agerraldia goizeko 9:30ean hasiko da.
Raquel Castro Vilaeta Sara Ferreras,Estatuko Kontu-Hartzailetzako kontu-ikuskari eta kontu-hartzaileek hitzaldi bat eman dute gaur gure egoitzan. Hitzaldiaren helburua zen Estatuko Kontu-Hartzailetzak Estatuaren menpeko erakundeak nola kontrolatzen dituen jakitea. Ideia bat argi utzi dute: Estatuko administrazioa uste baino zabalagoa da. Gobernuaz gain, badira erakunde autonomo, fundazio eta sozietate publiko asko. Horien gaineko etengabeko kontrola nola egiten duten azaldu digute.
Ignacio Cabeza Kontuen Ganberako lehendakariak agerraldia egin du gaur goizean Parlamentuko Lurralde Kohesioko Batzordearen aurrean, Nafarroako despopulazioari buruzko txostena azaltzeko.
Heldu den asteartean, irailak 3, Ignacio Cabeza Parlamentuko Lurralde Kohesioko Batzordearen aitzinean agertuko da despopulazioari buruzko txostena aurkezteko. Kontuen Ganberak maiatzean argitaratu zuen txostenak dioenez, Nafarroako 166 udalerrik dute despopulatze-arriskua. Arrisku handien duten eremuak Pirineo, Pirinio aurreko, Zangozako eta Lizarraldea dira. Txostenak despopulazioaren aurkako foru lege bat onartzeko eskatzen du, neaurri ekonomiko, fiskal eta administratiboekin, herri kaltetuenetan biztanleriaren galera gelditzeko.
Kontuen Ganberak bi txosten mota berri martxan jarriko ditu laster: auditoretza expres izenekoak eta kudeaketa publikoaren azterketak.
Orain arte, Kontuen Ganberak hiru fiskalizazio txosten mota egin izan ditu: finantzarioa, legezkotasun-txostenak eta eraginkortasun eta efizientziari buruzkoak. Horiek guztiek hilabete batzuetako epea behar dute argitaratu arte.