Helio Robledak gardentasuna eta eraginkortasuna eskatu dizkio administrazioetako arduradunei

Helio Robleda, Nafarroako Comptos Ganberako presidentea, bere karguaz jabetu da gaur eguerdian Parlamentuan eginiko ekitaldi batean.

Nafar agintari nagusiak eta kontu epaitegietako ordezkariak aurrean zituela, Helio Robledak kargua “ilusioz” hartzen duela azpimarratu du. Halaber, administrazio publikoen fiskalizatze lanetan erabateko independentzia erakutsiko duela nabarmendu du.

Helio Robledak martxoaren 17an hartuko du Comptos Ganberaren presidentzia, Nafarroako Parlamentuan eguerdiko ordu batean eginen den ekitaldian. Bertan izanen dira, besteak beste, Nafarroako agintari nagusiak eta kontu epaitegietako ordezkariak. Jakina denez, Robleda otsailaren 18ko osoko bilkuran aukeratu zuten lehendakari. 

Helio Robleda Comptos Ganberako laugarren presidentea da. Aurrekoak honakoak izan dira: Mariano Zufia (1981-1991), Patxi Tuñon (1991-1997) eta Luis Muñoz Garde (1997-2010).

Luis Muñoz Garde, Comptos Ganberako presidentea Elena Torres legebiltzarreko buruarekin elkartu da gaur goizean, 2008ko kontu orokorrei buruzko txostena aurkezteko. Txostenak Nafarroako Foru Administrazioaren finantza egoera aztertzen du. Egun gutxi barru, Parlamentuko Batzordekideei ere aurkeztuko zaie.

Heliodoro Robleda, Unibertsitate Publikoko Kontabilitate katedraduna da Comptos Ganberako lehendakari berria. Nafarroako Parlamentuaren osoko bilkuran aukeratu dute gaur goizean. UPNk aurkezturiko hautagaiak CDNren botuak ere jaso ditu, eta bigarren bozketan atera da garaile. Beste hautagaiak Karen Moreno (PSN) eta Lourdes Aldave (Nafarroa Bai) ziren.
Robleda Comptos Ganberako laugarren presidentea da. Aurrekoak honakoak izan dira: Mariano Zufía (1981-1991), Patxi Tuñón (1991-1997) y Luis Muñoz Garde (1997-2010)

Luis Muñoz Nafarroako Comptos Ganberako presidentea Parlamentuaren Osasun Batzordearen aitzinean agertu da gaur, Osasunbidearen itxaron-zerrendak  gutxitzeko onarturiko kontu-sailaren kudeaketari buruzko fiskalizazio txostena azaltzeko. 

Parlamentuko parlamentari taldeek hiru hautagai aurkeztu dituzte Comptos Ganberako lehendakaritzarako. UPNk Helio Robleda, Nafarroako Unibertsitate Publikoko katedraduna aurkeztu du. Nafarroa Bairen hautagaia Lourdes Aldave da, Nafarroako Gobernuko Justizia Zuzendaritzako legelaria. PSNk, bere aldetik, Karen Moreno Comptos Ganberako teknikaria aukeratu du.
Comptos Ganberako lehendakariaren aukeraketa Parlamentuari dagokio. Datorren otsailaren 18 osoko bilkuran eginen da bozketa.

Estatuko kontu epaitegietako presidenteak Iruñean elkartu dira gaur, diru publikoaren fiskalizazioari buruzko gai batzuk aztertzeko. Bileran Estatuko kontu erakunde guztietako ordezkariek hartu dute parte, baita Espainiako Kontu Epaitegiko presidenteak ere. Bilera amaituta, gainerako presidenteek omenaldi xume bat eskaini diote Luis Muñoz Comptos Ganberako lehendakariari, laster lehendakaritza utziko baitu, postuan hamabi urtez egin ondoren.  

Senatuko talde mistoko kideek Comptos Ganbera bisitatu dute gaur goizean. Egoitza ikusteaz gain, Comptos Ganerako presidentearekin elkartu dira, nafar erakundearen funtzioak eta lan egiteko modua ezagutu nahi zituztelako. Bileran Patxi Tuñon Ganberako presidente ohiak parte hartu du, gaur egun senatari autonomoa baita. Gainerako senatariak honakoak ziren: Pere Sampol i Mas,  Arturo Bagur, Narvay Quintero, Pedro Torres i Torres eta  Xosé manuel Pérez Bouza.

Nafarroako Udal nagusietako idazkari eta kontu-hartzaileak Comptos Ganberaren egoitzan elkartu dira. Comptos Ganberak antolaturiko bileraren helburua zen aurtengo fiskalizazio plana aurkeztea, bereziki udal arloan egin beharrekoa.

Luis Muñoz presidenteak ideia bat nabarmendu du: Comptos Ganberaren kontrola bitarteko egokia izan daitekeela kudeaketa hobetzeko. Ondoren, Pilar Sola auditoreak aurtengo planaren berri eman die eta, azkenik, Jose Luis Ezkerro legelaria diru publikoa erabiltzen dutenen erantzukizunaz mintzatu da.