Luis Muñoz Garde Comptos Ganberako presidente ohiak lan arloan eginiko merituak saritzen dituen urrezko domina jaso du. Muñoz Garderekin batera beste 34 lagun saritu ditu Espainiako Gobernuak. Sariaren xedea da edozein lan edo zerbitzutan eginiko ibilbide eredugarria nabarmentzea.
Muñoz Garde Etxalarren sortu zen 1939an. Merkataritza-ikasketak bururu ondoren, aholkulari fiskalen elkartean sartu zen eta Kontu-ikuskarien elkarteko kide ere izan zen.
Helio Robleda, Nafarroako Comptos Ganberako presidentea, Parlamentuko mahai eta bozeramaleen batzordearen aitzinean agertu da gaur goizean, datozen urteotako plan estrategikoa eta heldu den urteko fiskalizazio-planaren berri emateko.
Kontu Epaitegietako 150 auditore Iruñean elkartuko dira bihar eta etzi, diru publikoen kontrolaz eztabaidatzeko. Inaugurazio-ekitaldia INAPeko Pio Baroja aretoan eginen da, goizeko 9:30etan hasita, eta Alberto Catalan Parlamentuburua eta Helio Robleda, Kontuen Ganberako presidentea mintzatuko dira.
Ondoren auditoreak taldeka lanean hasiko dira, ondorengo gaiak aztertzeko: krisi garaiko fiskalizazioa, osasungintza eta irakaskuntzaren kontrola, toki erakundeen fiskalizazioa, auditoria-lanak hobetzeko neurriak eta txostenen eduki juridikoa.
Osasun Kontseilari Marta Vera Kontuen Ganberaren egoitzara etorri da gaur goizean. Egoitza bisitatzeaz gain, Vera Helio Robleda Kontuen Ganberako presidentearekin elkarrizketatu da. Kontuen Ganberak Osasunbideak klinika pribatuekin sinaturik dituen itunei buruzko bi txosten karrikaratuko ditu datozen asteotan.
Luis Muñoz Garde Kontuen Ganberako presidente ohiak Madrilgo Gobernuak emaniko urrezko domina jaso du gaur goizean, 53 urteko lan-ibilbidea saritzeko. Ekitaldia Gobernuaren ordezkaritzan egin da, Muñozen senide, lagun eta lankideohi aurrean zirela. Luis Muñoz 12 urtez aritu zen Kontuen Ganberaren lehendakaritzan: 1997tik 2010era. Aurretik 40 urteko ibilaldia egina zuen enpresen aholkularitzan. Muñoz Gardek gobernuari domina eman izanagatik eskerrak emateaz gain, emazte eta seme-alabak izan ditu gogoan. Kontuen Ganberako teknikarien profesionaltasuna ere goraipatu du.
Helio Robleda, Nafarroako Comptos Ganberako presidentea Parlamentuko Ekonomia eta Ogasun Batzordearen aitzinean agertu da gaur goizean, "itzalpeko ordainsaria"z eginiko txostena azaltzeko. Parlamentuak berak eskaturiko txostenak azpiegiturak finantzatzeko modu berria azaltzen du: enpresa pribatu batek ordaintzen ditu obra-lanak, eta Administrazioak urteroko kanona pagatzen dio. Hau da Bideko autobidean ez ezik, Nafarroako Ubidean eta Pirineoko autobidean erabilitako finantzaketa-sistema.
Helio Robleda, Comptos Ganberako presidentea Parlamentuko Hezkuntza batzordearen aitzinean agertu da Unibertsitate Publikoari buruzko azken txostena aurkezteko. Robledak azpimarratu duenez, unibertsitateak hainbat urtetarako finantziazio plana behar du. Bestalde, gardentasuna hobetu eta behar bezalako ikerkuntza plana ere behar luke.
Helio Robleda, Nafarroako Comptos Ganberako presidentea Santa Maria la Real etxekoandre elkarteko kideekin elkartu da Iruñeko Maisonnave hotelean. Robledak kurtso hasierako hitzaldia egin du. Comptos Ganberaren historiaz hitz egin ondoren, gaur egungo Comptos Ganberaren ezaugarri eta lan motak azaldu dizkie.
Helio Robleda Comptos Ganberako presidenteak hitzaldi bat eman du gaur goizean Londresen, Europako kontu epaitegien urteroko batzarrean. “Kontu epaitegiak krisiaren aurrean” lemapean eginiko batzarrean Helio Robledak diru publikoaren kudeaketaren eraginkortasuna hobetzea ezinbestekoa dela azpimarratu du. Robledak Estatuko hainbat tokitan eginiko kostuen gaineko azterketak aurkeztu ditu, horien artean Espainiako Udal eta Probintzien Federazioak bultzaturikoak.
Helio Robleda, Nafarroako Comptos Ganberako presidentea, udal nagusietako, Gobernuko Toki Administrazio Departamentuko eta Udal eta Kontzejuen Federazioko ordezkariekin elkartu da. Bileraren xedea da udal zerbitzu batzuei buruzko azterketa egitea, adierazle eta kostuak lortzeko. Helio Robledak karguaz jabetu eta beherala esan zuen udal administrazioen eraginkortasuna hobetzeko ezinbestekoa zela kostuen gaineko azterketak bultzatzea.