Kontuen Ganberako presidentea Parlamentuko Toki Administrazio Batzordearen aitzinean agertu da gaur goizean, erakundeak berriki karrikaraturiko sei udali buruzko txostenak aurkezteko: Altsasu, Etxauri, Faltzes, Lekunberri, Ribaforada eta Bianako Udalei buruzkoak, hain zuzen.

Erriberriko Bianako Printzea eskolako lehen hezkuntzako 5. eta 6. mailetako ikasleek bisita egin digute gaur goizean.Raquel Echecon, Miriam Marco  eta Jesus Blasco irakasleek lagundurik, gure egoitzara etorri dira Kontuen Ganberaren berri jasotzeko asmoz. Bisita amaitu aurretik, barneko patioan argazki bat egin dugu. Irudian 6. mailako neska-mutikoak.

Kontuen Ganberako, Nafarroako Gobernuko eta udaletako 50 bat teknikari  gure egoitzan elkartu dira aurrekontu-egonkortasunari buruzko mintegian. Kontuen Ganberak FIASEP fundazioaren laguntzaz antolaturiko mintegiaren helburua da Madrilgo Diputatuen Kongresuak onartu berri duen aurrekontu-orekari buruzko lege proiektua aztertzea, bereziki defizita eta superabitaren kalkuluan izanen duen eragina. Esther Calvo eta Jesus Garcia IGAEko teknikariak dira hizlariak.

Kontuen Ganberak eta FIASEP fundazioak defizitaren kalkulua eta aurrekontu-egonkortasunari buruzko mintegia antolatu dute. Gogoratzekoa da Madrilgo Diputatuen Kongresuak gai hori arautzen duen lege proiektua onartu berri duela. Mintegia Kontuen Ganberaren aretoan eginen da, eta hizlariak IGAE institutuko Jesus Calvo eta Esther Garcia izanen dira.

Kontuen Ganberako presidentea Parlamentuko Toki Administrazio Batzordearen aitzinean agertuko da bihar, erakundeak plazaratu berri dituen zazpi txosten aukezteko. Helio Robledak aurkeztuko dituen txostenak honako udalei buruzkoak dira: Iruñea, Lizarra, Altsasu, Biana, Faltzes, Etxauri eta Berrioplano. Agerraldia arratsaldeko lauretan hasiko da.

Kontuen Ganberak Nafarroako udal nagusienetako idazkari eta kontu-hartzaileak bildu ditu, iazko fiskalizazioaz hitz egin eta urtekoa prestatzen hasteko. Jardunaldiaren barnean, hitzaldi bat antolatu da: Carlso Urgoiti Bilboko Udaleko Aurrekontu eta Zerbitzu Orokorretako zuzendariak Bilboko Udalak aurrekontu kudeaketak eginiko aldaketak aztertu ditu. Aipatzekoa da Bilboko Udalak iazko  EPSA  "European Public Service Awards" saria irabazi zuela, aurrekontu arloan eginiko aldaketei esker.

Nafarroako Comptos Ganbera lanean ari da kanpoko fiskalizazio erakundeen topaketaren antolaketan. Izena emateko epea amaiturik, aurreikuspenik hoberenak bete egin dira, 150 lagunek parte hartuko dutelako. Gehienak fiskalizazio erakundeetako teknikariak dira, baina badira, halaber, administrazioetako kudeatzaileak eta auditoria enpresetako ordezkariak. Topaketa intereseko gaiak aztertuko dituzten lan taldeen bitartez eginen da: krisi garaiko fiskalizazioa, hezkuntza eta osasungintzaren fiskalizazioa, azken urteotako esperientziarik aipagarrienak...  

Gaur goizean, Nafarroako Parlamentuko Lehendakari berria, Alberto Catalán Higueras, Comptos Ganberara etorri da. Egoitza honetan bere Lehendakariarekin, Helio Robleda, eta beste teknikari batzuekin elkartu da.

Comptos Ganberak amaiera eman dio 2010-2011 ikasturteko bisitaldi-zikloari. Urritik hona 50 talde etorri dira gure egoitzara, batez ere ikasleak, kultur taldetakoak, unibertsitariak, jubilatuen elkartekoak…Guztira mila lagun inguruk ezagutu dute Antsoleaga karrikako egoitza.

Hurrengo ikasturtean Comptos Ganberaren egoitza ezagutu nahi duten guztiek zita har dezakete 848 421 400 telefonora deituta edo hurrengo helbide elektronikoan: mp.garcia.martinez@navarra.es

Nafarroako Comptos Ganberako presidenteak Unibertsitateen araubide juridikoari buruzko ikastaroan parte hartuko du gaur arratsaldean. Nafarroako Unibertsitatean egiten ari den ikastaroa atzo hasi zen eta bihar amaituko da. Helio Robledak unibertsitateen kanpo kontrola aztertuko du bere hitzaldian. 

Ikastaroan aztertzen ari diren gaiak honakoak dira, besteak beste: etika, zuzenbidea eta ikerketa: ikerketaren kudeaketa; eta lan erreforma eta unibertsitatea.  Eugenio Simon Acosta katedradunaren hitzaldiak amaiera emanen dio bihar ikastaroari.