Nafarroako Kontuen Ganberak Tuterako Udalaren 2011ko fiskalizazio txostena argitaratu du. Txostenak honako gai hauek aztertzen ditu: aurrekontu-betetzea, ondare egoera, legezkotasuna eta udalaren finantza-egoera. Tuterako Udalak bi erakunde autonomo ditu: Uren Udal Batzordea eta Castel Ruiz Kultur etxea. Azken hau enpresa publika bihurtu zen iaz.
Txostenak emaniko datuen arabera, iazko gastuak 40,2 milioikoak izan ziren eta diru-sarrerak, berriz, 36,2 milioi.
Nafarroako Kontuen Ganberak Ribaforadako Udalaren fiskalizazio txostena plazaratu du. Txostena Nafarroako Parlamentuak eskatu zuen, Nafarroa Bai talde parlamentarioaren eskariaren ondorioz. Fiskalizazioak 2010eko kontu orokorra, legezkotasuna eta finantza egoera aztertu ditu.
Txostenak dioenez, Ribaforadako Udalak lau milioi gastatu eta zenbateko berdintsua bildu zuen. Udalaren kontuak ez ezik, udal bi erakundeenak ere sarturik daude diru-sarrera eta gastuotan: Musika Eskola eta Kirol Patronatua.
Nafarroako Comptos Ganberak Arartekoaren 2008ko kontu orokorrari buruzko txostena plazatu du. Txostenak dioenez, gastuak 978.000 eurokoak izan ziren. Diru sail nagusia langileria izan zen (600.000 euro) eta bigarrena ohiko ondasun eta zerbitzuak: 300.000 euro.
Arartekoak 11 langile ditu: sei arartekoak berak harturiko aholkulariak dira eta beste bostak, berriz, Parlamentuko langileak. Kontabilitate, kontu-hartzailetza eta kontratazio arloetan Parlamentuak bete beharreko eskakizunak ezartzen zaizkio. Arartekoaren kontuak Nafarroako kontu orokorretaan sartzen dira.
Nafarroako Comptos Ganberak Tafallako Udalaren 2007ko fiskalizazio txostena plazaratu du.
Txostenak emaniko datuen arabera, Tafallako Udalak 13,4 milioi gastatu zituen. Diru sarrerak, berriz, 12 milioikoak izan ziren. Zenbateko horietan Udalarenak zein Udalaren menpeko hiru erakunde autonomoenak daude sarturik: Musika Eskola, Kultura Patronatua eta “Ciudad Deportiva Tafalla” udal enpresa.
Tafallako Udalaren gastu nagusiak langileriarenak izan ziren: 5,6 milioi. Inbertsioetan 3 milioi gastatu ziren eta funtzionamendu gastuek 2,6 milioi egin zuten.
Nafarroako Comptos Ganberak Herriberriko Udalaren 2006ko fiskalizazio txostena ezagutarazi du. Txostenak honako gai hauek aztertzen ditu: kontu orokorra, aurrekontu kitapena, legezkotasuna eta Udalaren finantza egoera. Herriberriko Udalak erakunde autonomo bat dauka: Kirol Patronatua.
Nafarroako Comptos Ganberak Castejoneko Udalaren 2006ko fiskalizazio txostena ezagutarazi du. Txostenak honako gai hauek aztertzen ditu: kontu orokorra, aurrekontu kitapena, legezkotasuna eta Udalaren finantza egoera.
Castejoneko Udalak bi erakunde autonomo ditu: Solidaridad Zahar Etxea eta Udal Musika Eskola. Udalak ez ditu kontu bateratuak aurkezten, ezta galdu-irabazien kontua ere, ez Udalarena, ez erakunde autonomoena.
Nafarroako Comptos Ganberak 2009ko kontu orokorrei buruzko txostena plazaratu du. Txostenak Nafarroako Gobernuaren finantza-egoera aztertzen du, honako gai zehatz haiei buruzko iritzia emanez: urteko kontuak, legezkotasuna, finantza-egoera eta azken urteotako gomendioen jarraipena.
Comptos Ganberak dioenez, 2009ko gastuak 4.372 milioi izan ziren eta diru-sarrerak, berriz, 4,221 milioi. Gastu nagusiak honakoak dira: ohiko transferentziak (1.642 milioi), langileria (1.176 milioi) eta kapital transferentziak (624 milioi).
Nafarroako Comptos Ganberak Berriozarko Udalaren 2008ko fiskalizazio txostena kaleratu du. Bertan aurrekontu kitapena, ondare egoera, legezkotasuna eta finantza-egoera aztertzen dira.
Txostenak dioenez, azterturiko ekitaldian udalak 9,7 milioi euro gastatu zituen eta 8,7 milioi bildu. Hala ere, aurrekontu-emaitza doituak 1,1 milioiko superabita eman zuen.
Comptos Ganberak Nafarroako Kontseiluaren kontuei buruzko txostena kaleratu du. Bertan aurerkontu kitapena, finantza-egoera eta legezkotasuna aztertzen dira.
Txostenak dioenez, Nafarroako Kontseiluak iaz 358.000 euro gastatu zituen. Diru-sail handiena (200.000 euro) ohiko ondasun eta zerbitzuetan gastatu zen eta beste 128.000 euro langilerian. Kontseiluaak 49 txosten egin zituen, eta 19 bilera egin zituen.