Nafarroako Comptos Ganberak Antsoaingo Udalari buruzko 2003ko fiskalizazio txostena ezagutarazi du. Txostenak honako gai hauek aztertzen ditu: aurrekontu betetzea, ondare egoera, legezkotasuna eta Udalaren eta haren erakunde autonomoen finantza-egoera.

Antsoaingo Udalak 8.854 biztanle ditu eta hiru erakunde autonomo eginak ditu: Gazte Berriak Kultur eta Kirol patronatua, euskara patronatua eta hezkuntza sexualaren aldeko patronatua.

Nafarroako Comptos Ganberak iazko kontu orokorrei buruzko fiskalizazio txostena ezagutarazi du. Jakina denez, txostenak foru administrazioaren ekonomia egoerari buruzko ikuspegi zabala eskaintzen du.

Comptos Ganberak txostenaren hasieran azaltzen duenez, foru administrazioa zazpi departamentuk, bederatzi erakunde autonomok eta 29 enpresak osatzen dute.

Nafarroako Comptos Ganberak Berriozarko Udalaren 2003ko fiskalizazio txostena ezagutarazi du. Bertan aurrekontu kitapena, ondare egoera, legezkotasuna eta finantza-egoera aztertzen dira.

Txostenak dioenez, azterturiko ekitaldian udalak 8 milioi euro gastatu eta 6,8 bildu zituen. Urte amaieran 1,2 milioiko defizita bazuen ere, egin beharreko kontu egokitzeak egin ondotik 137.000 euroko superabita izan zuen. 2003ko abenduaren 31ko zorra 1,1 milioi eurokoa zen.

Nafarroako Comptos Ganberak Arartekoaren 2003ko kontuei buruzko fiskalizazio txostena ezagutarazi du. Txostenak honako gai hauek aztertzen ditu: aurrekontu kitapena, ondare egoera eta legezkotasuna.

Txostenak dioenez, Arartekoak 762.000 euro gastatu zituen iaz. Dirutzaren zati nagusia (440.000 euro) langileriaren soldatetan gastatu zen; ohiko ondare eta zerbitzuetan 212.000 euro gastatu ziren eta inbertsioek 86.000 euro egin zuten.

Aurrekontu kitapenak ongi islatzen du urteko ekonomia jarduera. Egoera balantzea ere finantza eta ondare egoeraren isla da.

Nafarroako Comptos Ganberak Atarrabiako Udalaren 2002ko fiskalizazio txostena ezagutarazi du. Bertan honako gai hauek aztertzen dira: aurrekontu kitapena, ondare egoera, legezkotasuna eta finantza egoera.

Txostenak dioenez, Atarrabiako Udalak 2002ko ekitaldian 6,6 milioi euro gastatu zituen eta 6,9 bildu. Datu horiek udalaren diru iturri eta gastuak ez ezik, Kirol Patronatoarenak ere biltzen ditu.

Nafarroako Comptos Ganberak Baztango Udalari buruzko fiskalizazio txostena ezagutarazi du. Jakina denez, udalerri honek antolaketa berezia dauka, udalak, Bailarako Batzorde Nagusiak eta herrietako batzarrek osaturikoa.

Txostena egiteko honako gai hauek aztertu dira: 2002ko aurrekontu kitapena, ondare egoera, legezkotasuna eta udalaren eta haren erakunde autonomoen finantza-egoera.

Nafarroako Comptos Ganberak Eguesko udalaren hirigintzari buruzko txostena ezagutarazi du. Txostenak Parlamentuak berak eskatu zuen eta helburua zen hirigintzaren kudeaketa aztertzea, eskaerak berak zehazten zituen hamar gaitan.

Txostenak hamar gai horiei erantzuna ematen die, eta Eguesko hirigintza arloan zer ikusia izan dutenen alegazioak ere bildu ditu. Aurkezturiko alegazioak Juan Bautista Flores enpresako buruarena, alkate ohiarena eta gaur egungo alkatearenak dira.

Azkenik, txostenak Comptos Ganberak alegazioei eginiko erantzunak biltzen ditu.

Nafarroako Comptos Ganberak Etxegarateko obrei buruzko fiskalizazio txostena ezagutarazi du. Inbertsioaren helburua 7,1 kilometroko autobia egitea zen, bide zaharrak arrisku handikoa izateaz gain trafiko oso handia zuelako.

Nafarroako Comptos Ganberak Toki sektoreari buruzko txostena ezagutarazi du. Bertan udal, kontzeju eta gainerako toki erakundeen egoerari buruzko ikuspegi orokorra eskaintzen da. Datuak 2001ekoak dira.

Txostenak dioenez, 2001eko amaieran udal eta kontzejuek 7,8 milioi euroko aurrekontu defizita izan zuten. Zor maila, berriz, %1,2 handitu zen aureko urteko datuekin konparatuz. Alde horretatik, aipatzekoa da Nafarroako toki erakundeen zor bizia 282 milioi euroraino heldu dela. Horrek erran nahi du biztanleko zorra 486 eurokoa dela.

La Cámara de Comptos de Navarra ha remitido al Parlamento un informe sobre la partida presupuestaria "Ayudas a la adquisición de libros de texto y material escolar" del ejercicio de 2003. Se trata de un trabajo realizado a instancias del grupo parlamentario socialista que, en la petición presentada ante la Mesa del Parlamento, calificaba de sorprendente que de una partida de 601.000 euros sólo se hubiera gastado 221.710 y que, además, en dicho ejercicio no se hubiera aprobado convocatoria para dichas ayudas.