Nafarroako Comptos Ganberak Ikus-entzunezko Kontseiluari buruzko txostena ezagutarazi du. Bertan honako gai hauek aztertzen dira: aurrekontu kitapena, ondare egoera eta legezkotasuna.

Txostenak dioenez, kontseiluak 243.000 euro gastatu zituen iaz. Ondasun arruntetan 115.000 euro gastatu zituen eta langilerian 115.000. Inbertsioek 15.000 euro egin zuten.

Comptos Ganberak Nafarroako Kontseiluaren fiskalizazio txostena ezagutarazi du. Bertan bi gai aztertzen dira: Kontseiluak berak aurkezturiko gastuen aurrekontu kitapena eta legeztasuna. Datu guztiak 2003koak dira.

Txostenak dioenez, Nafarroako Kontseiluak iaz 350.000 euro gastatu zituen. Dirutzaren % 57 gastu arruntetan gastatu zen, %30 langilerian eta %13 inbertsioetan. Nafarroako Kontseiluak Parlamentuak eta Gobernuak izendaturiko kontseilukideez gain bi langile ditu: legelaria eta idazkaria. Administrariaren plaza bete gabe dago.

Nafarroako Comptos Ganberak Gizarte Ongizate Institutuaren eta Aspace Fundazioaren arteko kontzertuei buruzko txostena kaleratu du. Txostena Parlamentuak eskatu zuen, egunkarietan Gobernuaren barne txosten bat argitaratu eta gero. Txostenak Aspace Fundazioaren kudeaketa gaitzezteaz gain, direktibo batzuen soldatak oso handiak zirela salatzen zuen.

Nafarroako Comptos Ganberak San Adriango Udalari buruzko fiskalizazio txostena plazaratu du. Bertan aurrekontu betetzea, ondare egoera, legezkotasuna eta udal finantza egoera aztertzen dira.

Azterturiko urtea 2001koa da. Izan ere, horiek dira udalak itxirik dituen azken kontuak eta, beraz, Comptos Ganberak ezin izan du besterik egin. Txostenak arazo hori aipatzen du, kontabilitatea oso atzeratuta dagoela azpimarratuz. Hori dela eta, ekonomia jarduera aurrekontu kontrolik gabe burutzen da. Kontabilitatea eginiko jarduera aurkeztera mugatzen da.

Nafarroako Comptos Ganberak Zintronikoko Udalari buruzko fiskalizazio txostena ezagutarazi du. Bertan aurrekontu kitapena, ondare egoera, legezkotasuna eta finantza egoera aztertzen dira. Datu guztiak 2002koak dira.

Txostenak dioenez, Udalak 7,9 milioi euro gastatu zituen 2002ko ekitaldian. Dirutzaren zati nagusia (6,5 milioi) udalak berak gastatu zuen eta gainerakoa udal bi erakunde autonomoek: Ur Partzuergoa eta Asisko San Frantzisko Udal patronatuak. Dirusarrerei dagokienez, bilduriko zortzi milioitik 6,6 udalak berak bildu zituen eta gainerakoa aipaturiko bi erakundeek.

Nafarroako Comptos Ganberak Iruñeko Udalaren 2002ko fiskalizazio txostena ezagutarazi du. Txostenak honako gai hauek aztertzen ditu: aurrekontu egoera, ondare egoera, legezkotasuna eta finantza egoera. Aurreko urtean bezala, azterturiko espedienteen artean ez dago Gaztelu Plazako obreei buruzkoa, gaia auzitegietan dagoelako.

Nafarroako Comptos Ganberak 2002ko kontu orokorrei buruzko txostena jakinarazi du. Txostenak Foru Administrazioaren finantza egoera orokorra islatzen du.

Legez urtero egin beharreko txostenak honako gai hauek aztertzen ditu: gastu eta dirusarreren aurrekontu kitapena, ondare egoera, legezkotasuna eta Foru Administrazioaren finantza egoera. Aurreko txostenetan emaniko gomendioak zenbateraino bete diren aztertzen duen atal bat ere biltzen du.

Nafarroako Comptos Ganberak Altsasuko Udalari buruzko fiskalizazio txostena ezagutarazi du. Bertan honako gai hauek aztertu dira: aurrekontu kitapena, ondare egoera, legezkotasuna eta finantza egoera. Datu guztiak 2002koak dira.

Azken urteotan Comptos Ganberak 10.000 biztanletik gorako udal guztien fiskalizazioa urtero egin ohi zuen. Iaztik urtero fiskalizaturiko udalak 5.000 biztanletik gorakoak dira eta, beraz, hemendik goitik Altsasuko Udala urtero fiskalizatuko da. (Azken erroldaren arabera, Altsasuk 7.281 biztanle ditu).

Nafarroako Comptos Ganberak Barañaingo Udalari buruzko fiskalizazio txostena ezagutarazi du. Azterturiko ekitaldia 2002koa da eta bertan honako gai hauek aztertu dira: aurrekontu kitapena, ondare egoera, legezkotasuna eta udalaren finantza-egoera.

Txostenak emaniko datuen arabera, Barañaingo Udalak eta haren erakunde autonomoek (Lagunak kiroldegia eta Luis Morondo Musika Eskola) 13,8 milioi euro gastatu zituzten eta 12,6 bildu.

Nafarroako Comptos Ganberak Berriozarko Udalaren fiskalizazio txostena ezagutarazi du. Bertan aurrekontu kitapena, ondare egoera, legezkotasuna eta finantza-egoera aztertzen dira. Datu guztiak 2002koak dira.

Txostenak dioenez, azterturiko ekitaldian udalak 6,6 milioi euro gastatu eta 7,6 bildu zituen. Beraz, urte amaieran superabita milioi bat eurokoa izan zen. Dena den, emaitza ez ohiko dirusarrerei esker lortu zen, udalak lur sail batzuk saldu zituelako.