Kontuen Ganberak Sodenak eta Nafarroako Enpresarien Elkarteak maskarak erosteko sinatu zuten kontratua ikertu eta gaiaz txosten bat eginen du. Gobernuko Kontu-artzaietzak kontratuaz egin duen txostenaren arabera, operazioak galera ekonomiko handia ekar liezaioke sozietate publikoari. Txostena ezagutu ondoren, Sodenako kontseiluak Pilar Irigoyen zuzendari-kudeatzailea kargutik kentzea erabaki zuen.
Kontuen Ganbera udako oporretatik bueltan ezagutaraziko dituen hiru txostenekin ari da lanean. Batetik, Gobernuak enplegua bultzatzeko ematen dituen diru-laguntzei buruzkoa. Hondakinen kudeaketa ere aztertzen ari gara eta, azkenik, irakaskuntzari lotutako bat: behar bereziak dituzten ikasleen egoera. Txostenak irailean ezagutaraziko dira.
Espainiako ekonomilarien kontseilu orokorrak Kontabilitate eta auditoretza publikoaren esku-liburua argitaratu berria du. Talde lanaren bidez eginiko liburua da. Izan ere, aditu batzuk elkartu dituzte nork bere arloari buruzko testua egin zezan. Horien artean dago Ignacio Cabeza, Kontuen Ganberako lehendakaria. Cabeza auditoretzari buruzko testuaren egilea da.
Emilio Ontiveros ekonomialari ospetsua hil da. Madrilgo Unibertsitate Autonomoko katedradun emeritoa, ekonomia eta finantza kontuen aholkularitzan dabilen Afi enpresa sortu eta hil arte zuzendu du.
Vicente Madoz psikiatrak Kontuen Ganberako topaketetan parte hartu du. Ekimenaren helburua da gizarte, politika, ekonomia eta kultur arloko pertsonaiak gure egoitzara ekartzea. Madoz duela bi urteko martxoan gonbidatu genuen, pandemiak bete-betean harrapatu gintuen astean. Madoz bera izan da ekimena berreskuratzeko antolatu dugun saioaren protagonista.
Madozek haren bizitzaz, psikiatrian izan duen esperientziaz eta hainbat arlotan duen konpromiso sozialaz hitz egin digu. Gogoratzekoa da, alde horretatik, Medicus Mundi eta Nafar Ateneoko presidente izan dela.
Nafarroako Kontuen Ganberak segurtasun eskema nazionalaren ziurtagiria jaso du. Ziurtagiriak administrazio digitalaren segurtasuna bermatzen du. Haren helburu nagusia da biztanleriaren eta administrazioaren arteko harreman digitaletan konfiantza sortzea.
Kontuen Ganbera da ziurtagiria jaso duen Estatuko lehen kontu epaitegia da.
Estatuko kontu epaitegietako ordezkariak Alcalako Unibertsitatean elkartu dira gaur goizean, Europak pandemiari aurre egiteko emanen duen diru-funtsaren kontrola aztertzeko. Bertan izan da, Kontuen Ganberaren izenean, Ignacio Cabeza lehendakaria. Kontu Epaitegiko lehendakari Enriqueta Chicano presidentea eta Fiskalizazio arloko buru Maria Dolores Genaro ere bertan izan dira, Estatuko autonomietako kontu epaitegietako ordezkairekin batera. Bilera amaiturik, Kontu Epaitegiaren legearen 40.urteurreneko ekialdia egin da.
Karen Moreno eta Miguel Angel Aurrekoetxea, Kontuen Ganberako kontu-ikuskariak, Gasteizen izan dira gaur, bertako Herri Kontuen Euskal Epaitegiko teknikariei prestakuntza saioa bat emateko. Saioaren helburua zen auditoretzako irizpide eta arauez hitz egitea, horiek ikuskaritza-gidetan nola txertatzen diren azalduz.
Kontuen Ganberako lehendakaria Maria Iraburu Nafarroako Unibetsitateko errektorearekin elkartu da gaur goizean. Bere karguaz jabetu zenetik, Cabeza Nafarroako erakunde nagusietako ordezkariekin bildu da. Horixe zen gaurko bileraren helburua. Bi erakundeen erronkez hitz egiteaz gain, biena arteko loturaz ere mintzo dira. Izan ere, Nafarroako Unibertsitatearen lehen egoitza Kontuen Ganberarena izan zen. Ansoleaga karrikako eraikinean martxan jarri zuten, zuzenbideko ikasketekin. 1958an, Kazetaritza Institutua sortu zen bertan.
Ignacio Cabeza Kontuen Ganberako lehendakariak Jose Contreras izendatu du erakundeko idazkari nagusi. Orain artekoa Jose Luis Ezquerro zen.
Idazkari nagusia lehendakariak izendatzen du, beti ere etxeko legelarien artean. Bi zeregina nagusi ditu: talde juridikoa zuzentzea eta langileri-buru izatea.