ASOCEX
Nafarroako Unibertsitate Publikoko errektorea Kontuen Ganberara etorri da gaur goizean Asun Olaetxea gure lehendakariarekin elkarrizketatzeko. Ramón Gonzalo, Joaquín Romero NUPeko kudeatzailearekin etorri da. Biak Olaetxea eta José Luis Ezquerro idazkari nagusiarekin bildu dira. Bileran, Kontuen Ganberak azken urteotan Nafarroako Unibertsitate Publikoari eginiko txostenak izan dituzte izpide.
Irudian, Asun Olaetxea eta Ramón Gonzalo gure egoitzako barneko patioan.
Kontuen Ganberako idazkari ohi Luis Ordokik erakundearen domina jaso du gaur goizean, Parlamentuan eginiko ekitaldi batean. Ekitaldiaren helburua zen Kontuen Ganberaren 40. urteurrena ospatzea. Izan ere, gaur bezalako egun batean, duela berrogei urte, Parlamentuak Kontuen Ganbera berriro martxan jarri zuen araua onartu zuen. Ekitaldian nafar agintari nagusiek parte hartu dute, Maria Chivite lehendakaria buru.
Chivite: “Eskuduntzak hartzeak onura ekartzen dio gizarteari”
Luis Ordoki Urdazik Kontuen Ganberaren domina jasoko du. Hala erabaki du erakundeko lehendakari Asun Olaetxeak berriki sinaturiko ebazpen batean. Kontuen Ganberaren domina 1992an sortu zen, erakundearen alde aritu diren pertsona edo erakundeak saritzeko. Lehenbizikoa Mariano Zufia Kontuen Ganberako lehendakari ohiak jaso zuen urte hartan. Maria Puy Huici historialariari eman zitzaion bigarrena, handik hiru urtera, Kontuen Ganbera egoitza historikora itzuli zenean. Nafarroako Parlamentuak ere jasoa du saria. 2005ean eman zitzaion, Parlamentuak Kontuen Ganbera martxan jarri zueneko 25.
Kontuen Ganberak eta Nafarroako Udal eta Kontzejuen Federazioak barne kontrolari buruzko jardunaldi bat antolatu dute. Gaur goizean UNED-en egoitzan egiten ari den jardunjaldian Gironako udalendako eginiko gida bat aurkeztu da. Egileak Gironako Diputazioko kontu-hartzaile nagusi Nuria Josa eta zerbitzu horretako buru Inma Molas dira. Biak mintzatu dira gaurko jardunaldian. Entzuleen artean, nafar udaletako kontu-hartzaileak eta Kontuen Ganberako teknikariak zeuden.
Kontuen Ganberak heldu den urteko lan programa onartu du. Zerrendan daude, besteak beste, empresa pribatuek Gobernutik jasotzen dituzten diru-laguntzei buruzkoa. Osasunbideko Itxaron-zerrendak ere aztertuko dira, eta Gobernuaren ordainketa telematikoa. Nafarroako Parlamentuaren, Arartekoaren eta Nafarroako Kontseiluaren kontuak ere aztertuko dira, eta baita Unibertsitate Publikoaren kontabilitate analitikoaren egoera ere.
Klikatu hurrengo linkan zorion txartela ikusteko:
Maria Chivite lehendakaria Kontuen Ganberan izan zen atzo visitan, “Kontuen Ganberako topaketak” ekimenean parte hartzen. Horren bitartez, politika, gizarte eta kultur arloetako jendea gure etxera gonbidatzen dugu, haiek ezagutu eta haien iritzia ezagutzeko. Dena elkarrizketa baten bidez egin dugu. Horixe egin genuen atzo Chiviterekin: haren haurtzaroaz hitz egin zigun, ikasle garaiaz eta pil-pilean dauden hainbat gairi buruz.
Asun Olaetxea, Kontuen Ganberako lehendakaria, Parlamentuko Ekonomia eta Ogasun Batzordearen aitzinean agertu da gaur, iazko kontu orokorrei buruzko txostena aurkezteko. Jose Luis Ezquerro idazkaria nagusiarekin eta txostenaren egile Karen Moreno auditorearekin joan da.
Kontuen Ganberako lehendakari Asun Olaetxeak eta Tuterako Valle del Ebro institutuko zuzendari Izaskun Ciriza kolaborazio hitzarmen bat sinatu dute ikasleen artean ekonomia arloko ikerketa proiektuak bultzatzeko. Aipatzekoa da Tuterako institutuak beste erakunde batzuekin antzeko hitzarmenak sinatu dituela, horien artean UNED edo Reina Sofia ospitalea. Kontuen Ganberako lehendakaria zein institutuko zuzendaria pozik agertu dire, orain abiatuko direna bide oparoa izanen delakoan.
Iruñeko Maria Inmaculada Lanbide Heziketako ikastetxeko talde bat bisitan izan dugu gaur gure egoitzan. Administrazio kudeaketako taldea Maite Yarnoz irakaslearekin etorri da. Etxea ikusi nahi zuten, eta erakundeak egiten duen lanaren berri jaso. Ondoren, erakundearen bideoa ikusi dute. Eta, amaitzeko, barneko patioan argazkia egin dugu.