Datozen asteotan, Kontuen Ganberak bi txosten ezagutaraziko ditu. Batetik, Pertsona Fisikoen Errentaren gaineko Zergaren kudeaketa, 2015etik 2019ra arteko datuekin. Bestetik, Nafarroako Gobernuaren ordainketa telematikoa aztertzen duena.
Jose Maria Fernandez Pirla, Espainiako Kontuen Epaitegiko lehendakari ohia pasa den astean hil zen, 96 urte zituela. Fernandez Pirla Madrilgo Complutenseko katedraduna zen. 1982tik 1988ra, Espainiako Kontu Epaitegia zuzendu zuen. Kargua hartu zuen urtean berean hasi zen lanean Kontuen Ganbera, Estatuko lehen kontu epaitegi autonomikoa. Kontuen Ganberak harreman estua izan zuen Pirlarekin. 1983an Kontuen Ganbera ezagutarazteko jardunaldiak egin ziren, garai hartako punta puntako adituekin. Fernandez Pirlak ere parte hartu zuen.
Kontuen Ganberako lehendakari Asun Olaetxea Javier Vidorreta NUPko Gizarte Kontseiluko buruarekin elkartu da. Kontuen Ganberaren egoitzan eginiko bileraren helburua zen elkarri informazio ematea, erakunde bakoitzaren zeregin eta etorkizuneko helburuez. Bileran kolaborazio bideak ere aztertu dira, bereziki prestakuntza arloan. Presidenteek ez ezik, bi erakundeetako idazkariek ere parte hartu dute eguerdiko bileran: Jose Luis Ezkerro Kontuen Ganberakoa eta Santiago Iraburu NUPeko Gizarte Kontseilukoa.
Amaitu dira Ansoleaga karrikako pabimentazio lanak. Txukun gelkditu da gure eraikinaren ingurua. Pena bakarra: ikasle eta bestelako taldeen bisitak bertan behera utzi behar izan ditugula. Pandemia amaiturik hasiko dira berriro.
Estatuko kontu erakundeetako ordezkariek bilera egjin dute gaur goizean, guztien intereseko gai batzuk aztertzeko. Hasteko, erakunde guztiak egiten ari diren pare bat gairen jarraipena: mendekotasun legea eta unibertsitate publikoetako kontabilitate analitikoa. Covd-19ren kudeaketari buruz bakoitzak egitekoa duena ere aztertu da. Eta pandemia hizpide harturik, kontu erakundeek duten erronka ere azpimarratu da. Izan ere, Europak zein gainerako erakundeek krisiari aurre egiteko emanen duten diruaren erabilpena aztertzeko ardura dute.
Kontuen Ganberak aurtengo lan programa onartu du. 2021eko lan zerrendak hamar txosten biltzen ditu. Foru Administrazioari dagokionez, lau txosten daude: kontu orokorrak; itzalpeko ordainsariaren bidez emaniko lanak (Bideko eta Pirinioetako Autobideak eta Nafarroako Ubideko zona ureztagarriak); Gobernuak Tracasa Instrumental empresari eginiko enkarguak; eta Miguel Servet Fundazioa.
Toki administrazio arloan, Iruñeko Udalaren kontuak aztertuko dira, eta bi txosten orokor ere eginen dira: udal administrazioari buruzkoa eta kontu-hartzaileek arkezturiko erreparoak.
Kontuen Ganberako lehendakari Asun Olaetxea bitan agertu da gaur Parlamentuan. Batetik, iazko kontu orokorrak aurkezteko. Bestetik, Nafarroako Berdintasunerako Institutuari buruzko txostenaren berri emateko. Kontuei dagokienez, azken bi urteotako bilakaera ona azpimarratu du. Aurrezkia, aurrekontu emaitza, zorra eta gainerako adierazleak hobetu egin dira. Zorra 3.000 milioitik behera jaitsi bada ere, zenbateko hori oso kontuan hartzekoa dela esan du. Gainera, gehiena 2025erako amortizatu beharra dago. Azkenik, Olaetxeak Covid-19ak kontuei eginen dien kaltea ere aipatu du.
Estatuko kontu epaitegietako lehendakariak atzo elkartu ziren, telematikoki. Heldu den urteko lan programaru dagokionez, bada guztiak kezkatzen dituen gai bat: Covid-19aren krisia. Erakunde guztiek eginen dute txostenen bat gai horretaz. Bestalde, guztiak batzen dituen Asocex elkartean batzorde berria sortzea erabaki zuten: Prestakuntza Batzordea, kontu epaitegietako teknikariek ahalik eta prestakuntzarik hoberena eskaintzeko asmoz.
Kontuen Ganberako lehendakariak udal administrazioari buruzko txostena aurkeztu du Parlamentuan, Lurralde Kohesiorako Batzordean, hain zuzen. Asun Olaetxeak adierazi duenez, 2018ko amaieran ona zen udalen finantza egoera. Nafarroako Udalek 92 milioiko aurrezkia lortu zuten, eta 250 milioiko diuzaintzako soberakina. Zorra 207 milioikoa zen. Datu horiek onak izan arren, Olaetxeak Covid-19aren eraginaz ohartarazi die parlamentariei, pandemiak udalen kontuei ere kalte eginen baitie.
Asun Olaetxea Kontuen Ganberako lehendakaria Parlamentuko Osasun Batzordearen aitzinean agertu da gaur goizean, osasun mentalaren kudeaketari buruzko eginiko txostena aurkezteko. Nafarroako Gobernuak, iaz, 58 milioi gastatu zituen arlo horretan. Olaetxeak azaldu duenez, azken urteotan gora egin du gastuak, duela bost urte 44 lau milioikoa baitzen.