Nafarroako Unibertsitate Publikoko ikasle talde bat bisitan izan da Kontuen Ganbera, Kudeaketa Publikoa ikasgaiko irakasle Fermin Cabasesekin. Bisitaren helburua zen ikasleek Kontuen Ganberaren berri jasotzea: zereginak, txosten motak, beste erakundeekiko harremanak... Karen Moreno auditoreak hitzaldi bat eman die, hori guztia azaltzeko. Horrela, erakundeak egiten duen fiskalizatze lana ezagutu ahal izan dute.
Irudian, ikasleak eta irakaslea Kontuen Ganberako patioan.
Estatuko kontu auzitegietako ordezkariak Madrilen elkartu dira gaur, administrazio elektronikoa bultzatzeko sortu zuten batzordearen bilera egiteko. Espainiako Kontu Epaitegietako ordezkariek zein autonomietakoek parte hartu dute. Kontuen Ganberaren izenean, Ignacio Cabeza lehendakariak parte hartu du.
Bileran auditoretza lanetan tresna digitalak erabiltzeko bidearen jarraipena ere egin da. Tresna horien artean bi dira nagusiak: FISCALICEx eta FISCONEx. Prestakuntza arloan kolaboratzeko bideak ere aztertu dira.
Aste honetan, Kontuen Ganberak hiru txosten argitaratuko ditu, honako gai hauei buruz: Next generation diru-funtsen kudeaketarako harturiko neurriak, Fundapa fundazioa eta Valtierrako Udala.
Eva Sevigné Itoiz iruindarrak ekonomia zirkularrari buruzko prestakuntza-saioa eskaini digu. Sevigné ingeniari kimikoa da, ingurumenaren zientzia eta teknologietan doktore. Londresko Imperial College Unibertsitatean lanean aritu da urtetan eta berriki Iruñera itzuli da. Saioak hiru zati izan ditu: ekonomia zirkularra zen den; berak parte hartu duen bi kasuren azalpena; eta, azkenik, ekonomia zirkularraren egoera Nafarroan.
Javier Vázquez abokatuak kontratazio publikoaren joera berriez hitz digu Kontuen Ganberan eginiko prestakuntza-saio batean. Vazquez Zuzenbidean doktorea da NUPtik. Iruñeko Udaleko legelaria da, eszedentzian, eta kontratazio publikoan espezializaturiko bulegoa dauka. Erakunde publikoei aholkularitza eskaintzen die gaiaz. Europar Batzordeak kontratazio publikoaz sorturiko taldeko kide izan zen 2015etik 2019ra.
Kontuen Ganberako lehendakaria Parlamentuko Lurralde Kohesioa Batzordearen aitzinean agertu da, 2020ko toki administrazioari buruzko txostena aurkezteko. Agerraldia Geroa Bai taldeak eskatu zuen.
Kontuen Ganberako lehendakari Ignacio Cabeza Parlamentuko Osasun Batzordearen aitzinean agertu da Sodenak, CEN-ek eta Albyn enpresak musukoak erosteko egin zuten hitzarmenari buruzko txostena azaltzeko. Agerraldia Navarra Suma taldeak eskatua zuen.
Kontuen Ganberako lehendakaria Parlamentuko Eskubide Sozialetako Batrordearen aitzinean agertu da, berriki argitaraturiko txosten baten berri emateko: Gizain Fundazioari buruzkoa.
Kontuen Ganberako lehendakaria Parlamentuko Ekonomia eta Ogasun Batzordearen aitzinean agertu da, 2021eko kontu orokorrei buruzko txostena aurkezteko. Txostenaren konklusio nagusiak aipatzeaz gain, Cabezak ziurgabetasun ekonomikoak kontuetan izan dezakeen eraginaz ohartarazi die parlamentariei. Europako funtsen kudeaketa, laguntzen amaiera, interes tipoen igoera eta defizita eta Europak defizita eta zorra kontrolatzeko berriro martxan jarriko dituen arauak aipatu ditu, horiek guztiek kontuetan eragina izanen dutelakoan.
Kontuen Ganberako lehendakariak heldu den urteko fiskalizazio programaren proiektua aurkeztu du Parlamentuan, Mahai eta Eledunen Batzordearen aitzinean. Behin Parlamentuak egin ditzakeen eskaerak aztertuta, ofizial eginen da.
Ignacio Cabezak datozen egunetan argitaratuko diren txostenen berri ere eman du. Bi dira aste honetan berean argitaratuko direnak: Gizain Fundazioari buruzkoa eta pandemia garaian Sodenak, Enpresarien Elkargoak eta Albyn enpresak enpresa txiki, ertain eta autonomoendako maskarak erosteko egin zuten hitzarmenari buruzkoa.