Nafarroaren eta Estatuaren arteko hitzarmen ekonomikoari buruz ostiralean antolaturiko jardunaldia oso arrakastatsua izan zen, bat bildu zuen jende kopuruari erreparatuta, eta baita hitzaldien kalitatea kontuan hartuta. 250 bat lagunek parte hartu zuten Nafarroako Gobernuak eta Kontuen Ganberak bultzaturiko ekimenean. Hasieran, Roldan Jimeno historialaria aurrekariez eta aurreko hitzarmenez mintzatu zen. Ondoren, Ogasuneko buru Javier Zabaletak hitzarmenak zergetan duen eragina azaldu zuen.

Luis Ordoki Kontuen Ganberako idazkari nagusiak hitzaldi bat emanen du etzi, otsailak 16, Nafar Foru Zuzenbideari buruzko hirugarren ikastaroan. Aipaturiko ikastaroa Nafarroako Unibertsitateak eta Iruñeko Abokatuen Elkargoak antolatzen dute. Ordokik Kontuen Ganberaren jatorria, zereginak eta erronkak aztertuko ditu. Aurretik, Jose Antonio Razquin Gobernuko legelariak Foru Hobekuntzaren iragana eta orainaz hitz eginen du. Jardunaldia arratsaldeko 5etan hasiko da, Nafarroako Unibertsitateko Lagunak Eraikinaren M1 gelan.

Nafarroako Goberrnuak eta Kontuen Ganberak Nafarroaren eta Estatuaren arteko Hitzarmenari buruzko jardunaldia antolatu dute. Datorren ostiralean izanen da, goizeko 9etan hasita. Bertan Nafar Ogasuneko arduradun nagusiak ariko dira hizlari: Mikel Aranburu kontseilari; Luis Esain Ogasuneko zuzendaria; Maite Dominguez, Hitzarmen Ekonomikoaren zerbitzu burua; eta Javier Zabaleta, Arautegi eta Babes Juridikoaren zerbitzu burua. Roldan Jimeno historialariak hitzarmenaren bilakaera aztertuko du.

Jose Luis Ezquerro Kontuen Ganberako legelariak Auditoría Publica aldizkariak urtean eginiko lanik hoberenari ematen dion saria lortu du. Ezquerrok kontrol instituzioen eta Parlamentuko ikerketa batzordeen arteko harremanak aztertu zituen artikuluan, Ultzamako biogas plantari buruzko batzordean gertaturikoa oinarritzat harturik.

Erabakia kontu auzitegietako presidenteek hartu berri dute, haiek osatzen baitute aldizkariko kontseilua. Sari emate ekitaldia Oviedon eginen da maiatzean. Nafarrak 4.000 euroko saria jasoko du.

Nafarroako Unibertsitate Publikoko Esperientziaren Gelako bi ikasle talde gure etxe ezagutzera etorri dira gaur goizean. Egoitzaren berri eman diegu barneko patioan; ondoren, solairu nagusian Kontuen Ganberaren zereginak azaldu dizkiegu; amaitzeko bisitariei paratzen diegu bideoa ikusi dute. Bisita amaitu aurretik, argazkia egin diegu etxeko patioan.

Asun Olaetxea Kontuen Ganberako lehendakaria Parlamentura joanen da datorren asteazkenean, urtarrilak 1, Nafarroako zor publikoa aztertzeko sortu den ponentzian parte hartzeko. Olaetxeak nafar sozietate publikoen zorra eta huts eginiko abalez hitz eginen du, iaz Kontuen Ganberak eginiko txostenean oinarriturik. Olaetxearen agerraldia eguerdiko 12etan hasiko da.

Iruñeko Cuatrovientos Lanbide Heziketako ikastetxeko ikasle talde bat gurean izan da bisitan. neska mutikoak administrazio eta finantzen goiko zikloa ikasten ari dira. Etxea ikusi ondoren, kontu praktikoak landu dituzte Kontuen Ganberako bi teknikarirekin: Ainara Rodriguez eta Nuria Sarasarekin. Bisita amaitu aurretik, argazki bat egin diegu etxeko patioan, Manu Zugarrondo irakaslearekin. 

Asun Olaetxea lehendakariak Parlamentuko Ogasun eta Finantza Politika Batzordearen aitzinean agertuko da bihar, abenduak 20, 2016ko kontu orokorrei buruzko txostena aurkezteko. Berriki argitaraturiko txostenak nafar Ogasunaren egoera aztertzen du. Agerraldia goizeko 10etan hasiko da.

Kontuen Ganberako lehendakari Asun Olaetxea Parlamentuan agertuko da datorren asteartean, urtarrilak 16, 2016ko Toki Sektoreari buruzko txostena aurkezteko. Txostenak Nafarroako udal eta gainerako toki erakundeen egoera aztertzen du. Agerraldia landa Garapen, Ingurumen eta Toki Administrazioko Batzordearen aitzinean eginen da, eguerdiko 12etan hasita.

Iruñeko Maria Ana Sanz ikastetxeko bi talde bisitan izan dira gure etxean. Kontuen Ganberaren egoitza ikusteaz gain, gure lanaren berri eman diegu. Bisita amaitu aurretik, argazkia egin dugu etxeko patioan.