ASOCEX
Kontuen Ganberan kontratazio publikoa izan dugu aztergai gaur goizean eginiko prestakuntza saioan. Hizlaria Javier Vazquez Matilla izan da, abokatua eta kontratazio publikoan aditua (Europar Batzordean gaiaz arduratzen den aditu taldeko kidea dugu). Kontrata motak aztertzeaz gain, oraingo foru legeaz mintzatu da, eta baita Europako direktibek eta foru lege berriak eskar ditzaketen eskakizunez. Esleipen-irizpideak ere aztertu ditu, eta kontratazio publikoaren erginkortasuna bermatzeko neurri zehatzak.
Datorren asteazkenean, Kontuen Ganberako lehendakari Asun Olaetxea Parlamentuko Osasun Batzordearen aitzinean agertuko da. Agerraldian Kontuen Ganberak berriki argitaratu duen txosten bat azalduko du: Nafarroako Ospitale Guneko botiken kudeaketa, hain zuzen. Bilera goizeko 9:30etan hasiko da.
Kontuen Ganberako lehendakaria Parlamentuan agertuko da gaur, Nafarroako erakundeen zorraren bilakaerari buruzko txostena aukezteko. Zorraren bilakaera aztertzen ari den ponentziak eskaturik egin da azterketa. Horren arabera, 2000an Nafarroako Gobernuaren zorra 2.845 milioi zen. 2015ean, berriz, 2.845 milioraino heldu zen. Enpresa publikoen eta fundazionea ere kontua hartuz, 3.322 zor publiko dago. Agerraldia eguerdiko ordu batean hasiko da.
Nafarroako Gobernuak, gaurko bileran, uko egin dio Madrilgo Kontu Auzitegiak eskaturiko informazioa emateari. Estatuko Kontu Auzitegiak, pasa den martxoan, aurrekontu egonkortasun eta finantza irakunkortasunari loturiko informazioa eskatu zion Nafarroako Gobernuari. Gobernuak, ordea, ez zion informaziorik bidali, Nafarroako kontu publikoen kontrola Kontuen Ganberari dagokiola argudiatuta.
Uxue Barkos lehendakaria kontu epaitegietako presidenteekin elkartu zen atzo, Nafarroako jauregian. Tronu Aretoan eginiko harreran, lehendakariak kontrol instituzioen lanaren balioa azpimarratu zuen, legezkotasuna ez ezik eraginkortasuna ere aztertu behar dela nabarmenduz. “Zuek eraginkortauna, efizientzia eta ekonomia aipatzen dituzue askotan. Behin letra horrekin jolasean hasita, etika eta ekologia ere aipatzen ahal ditugu, horiek ere gobernua batek kontuan hartu beharreko irizpideak baitira”.
Kontuen Ganberako lebendakari Asun Olaetxea Parlamentura joanen da etzi, ekainak 14, berriki kaleraturiko txosten bat aurkezteko: Sodena sozietate publikoak Davalor enpresari emaniko maileguaei buruzkoa. Txostena maiatzaren amaieran argitaratu zen, eta PP parlamentarioak Olaetxearen agerraldia eskatu zuen. Bilera Garapen Ekonomikoaren Batzordean izanen da, goizeko 9:30etan hasita.
Kontuen Ganberako lehendakari Asun Olaetxeak Ultzamako plantari buruzko ikerketa batzordeak eskaturiko zirriborroak ez bidaltzeko arrazoiak azaldu ditu gaur goizean Parlamentuan, batzordekideen aitzinean egin duen agerraldian. Olaetxeak berak eta Luis Ordoki legelariburuak azaldu dutenez, Kontuen Ganberaren iritzia behin betiko txostenak islatzen du, ez txostena egiteko erabili diren dokumentu edo zirriborroek. Hortaz, instituzioak ez du dokumentazio hori bidali behar, baina prest dago batzordearekin lanean segitzeko, edozein azalpen edo informazio gehigarri eskainiz.
Nafarroako Parlamentuko talde politiko guztiek, aho batez, Kontuen Ganberaren aldeko adierazpen instituzionala onartu dute gaur, Mahai eta Eledunen Batzordearen bileran. Adierazpena Madrilgo Kontuen Auzitegiak Gobernuaren kontuak fiskalizatzeko egin duen saioaren ondorioa da. Madrilgo instituzioak, pasa den martxoan, informazio ekonomikoa eskatu zion Aranburu Ogasun kontseilariari txosten bat egiteko. Aranburuk ezezkoa eman zuen, lan hori Kontuen Ganberari dagokiola argudiatuz.
Kontuen Ganberako lehendakaria Parlamentura joan da gaur, gizarte larrialdietarako diru-laguntzei buruzko txostena aurkeztera. Maiatzaren hasieran kaleratutako txostenak Gobernuak 2015eko amaieran egoera larrian dauden pertsonei emanko diru-laguntzen kudeaketa aztertu zuen. Diru-banaketa herrietako gizarte zerbitzuen bitartez egin zen.
Kontuen Ganberako lehendakaria Parlamentuan agertuko da bihar Ultzamako minden plantari buruzko txostena aurkezteko. Agerraldia Landa Garapena, Ingurumena eta Toki Administrazioa Batzordean izanen da, goizeko 11etan hasita.