.

Kontuen Ganberak Gobernuaren informatika gastuak aztertu ditu kaleratu berri duen txostenean. Txostenaren helburua da gastu hori zehaztea eta enpresa pribatu zein publikoekin informatika arloan eginiko kontratuak aztertzea.

Kontuen Ganberak dioenez, Gobernuak hiru bide erabiltzen ditu informatika arloan: Foru Administrazioko langileria, enpresekin eginiko kontratuak eta enpresa publikoei ematen dizkien enkarguak.

Kontuen ganberak sozietate publikoen zorra eta huts eginiko abalak aztertu ditu gaur ezagutarazi duen txosten batean. Nafarroako zor publikoa aztertzen ari den Parlamentuko batzordeak eskaturik, Kontuen Ganberak egina zuen horretaz txosten bat.

Nafarroako Kontuen Ganberak Baztango Udalaren kontuen gaineko azterketa egin berri du. Baztan antolakuntza tradizionaleko udalerria da, udalak, Batzar Nagusiak eta herrietako batzarrek osatua.

Udalak bi erakunde autonomo ditu: Baztan Ikastola eta Francisco Joaquin de i

Iriarte zahar eta jubilatuen etxea. Giltxaurdi, S.L. sozietate publikoa ere aipatu behar da. 2012an sortu zen, haranaren garapen ekonomiko eta soziala sustatu eta udalerriko ondarea bultzatzeko.

Nafarroako Kontuen Ganberak Sodena sozietateak Davalor enpresari emaniko maileguei buruzko txostena kaleratu du. Txostena Parlamentuak eskatu zuen, PP taldearen ekimenez. Lanaren helburua da maileguen egokitasuna eta horretarako erabili diren txostenak aztertzea.

Txostenak gogoratzen duenez, Sodena enpresa-proiektuak bultzatzen dituen sozietate publikoa da. Bere zereginetako bat da diruz larri dabiltzan enpresei laguntza ematea, maileguak emanez edo enpresaren kapitalean sartuz.

2016an, 12 bat milioiko inbertsioa egin zuen Nafarroako 36 enpresatan.

Nafarroako Kontuen Ganberak Ultzamako biometanizazio plantari buruzko txostena kaleratu du. Inbertsioa bertako Udalak bultzatu zuen 2007an Iraizozko Elordi industrialdean, abeltzainen hondakinen kudeaketa errazteko. Hiru milioitik gorako inbertsio publikoa egin ondoren, azpiegitura abandonaturik dago.

Txostenak gogoratzen duenez, duela hamar urte Ultzamako Udala azpiegitura bultzatzen hasi zen. Handik urte betera, Nafarroako Gobernuaren diru-laguntzak lortu zituen, bi bidetatik: industria inbertsioetarako eta abeltzainen ustiategien hobekuntzarako. Guztira, 2,5 milioi.

Nafarroako Kontuen Ganberak Arangurengo Udalaren kontuak aztertu ditu. Arangurengoa Iruñerriko zortzi herrik osaturiko udalerria da: Aranguren, Labiano, Taxoare, Zolina, Ilundain, Gonzora, Lakidain eta Mutiloa.

Txostenak azpimarratzen duenez, Arangurengo biztanleria asko handitu da azken urteotan. Duela 15 urte, 4.000 biztanle zituen eta orain 9.400. Horri loturik dago, noski, inbertsioak izan duen gorakada. Izan ere, 2006tik 2015era Arangurengo Udalak 87 milioiko inbertsioak egin ditu.

Nafarroako Kontuen Ganberak Berriobeitiko Udalari buruzko txostena kaleratu du. Bi kontu nagusi aztertu dira bertan: 2016ko kontuak eta jarduera ekonomikoaren legezkotasuna.

Berriobeitiko Udalak hamar kontzeju ditu: Aitzoain, Añezkar, Artika, Ballariain, Berriogoiti, Berriobeiti, Elkarte, Larrageta, Lotza eta Oteitza.

Azken urteotan, nabarmen hazi da Berriobeitiko biztanleria. 2001ean 1.200 biztanle zituen eta iaz 6.700raino heldu zen. Artika da gehien handitu den herria eta biztanle gehien biltzen duena: 4.200.

Nafarroako Kontuen Ganberak Izabako Udalaren iazko kontuak aztertu ditu. Txostena udalbatzak berak eskatu zuen.

Izaba 473 biztanleko udalerria da. Udalaz gain, energia sortzeko udal zerbitzu bat dago, eta enpresa publiko bat: Distribuidora Eléctrica Isaba izenekoa. Aipaturiko zerbitzua iraupen-eskiaren eskola kanpainaz ere arduratzen da.

Nafarroako Kontuen Ganberak Iruñeko Udalaren iazko kontuak aztertu ditu. Txostenak 2016ko kontuak, legezkotasuna eta finantza egoerari buruzko iritzia ematen du. Kontuen Ganberak azken txostenetan eginiko aholkuen jarraipena ere egin du.

Iruñeko Udalak bi erakunde autonomo ditu (Hirigintza Gerentzia eta Haur Eskolak), bost enpresa publiko (Comiruña, Mercairuña, Animsa, Pamplona Centro Histórico eta Asimec) eta Gaiarre Fundazioa. Miserikordi Etxean ere ordezkaturik dago.

Erakunde autonomoen datuak ere kontuan hartuz, Iruñeko Udalak 196 milioi gastatu eta 209 milioi bildu zituen.