Txostenak jasotzen duenez, Lizarrako Udalak 2006 eta 2007an bederatzi hirigintza hitzarmen sinatu zituen Oncinedako lur-sailen jabeekin. Hitzarmenek, guztira, 90.000 metro koadro hartzen zuten.
Nafarroako Kontuen Ganberak Arartekoaren 2017ko kontu orokorrari buruzko txostena plazaratu du.
Arartekoaren zeregina da biztanleriaren eskubideak defendatzea, bereziki administrazioen gehiegikerietatik. Parlamentuak aukeratzen du, sei urterako, eta Javier Eneriz da gaur egungoa. Parlamentuak 2007an aukeratu zuen eta, beraz, 2013an amaitu zitzaion agintaldia. Geroztik, jardunean segitzen du.
Arartekoak 658.000 euro gastatu zuen iaz. Gastu nagusia langileriarena izan zen (485.000 euro) eta bigarrena ohiko ondasun eta zerbitzuen erosketak (136.000 euro).
Kontuen Ganberak Nafarroako Kontseiluari buruzko txostena kaleratu du. Bertan 2017ko kontuak eta erakundearen finantza jardueraren legezkotasuna aztertzen dira.
Nafarroako Kontseilua gure lurraldeko aholku-emaile gorena da. Bost kidek osatzen dute. Legeak dioenez, denak Parlamentuak proposatuta aukeratzen dira, ospe handiko legelarien artean. Sei urterako izendatzen dira, eta ez dute karguan errepikatzeko aukerarik. Bost kideek osatzen duten osoko bilkuran hartzen dira erabakiak, presidentearen eta idazkariaren izendapena horien artean.
Nafarroako Kontuen Ganberak oinordetza eta dohaintzen gaineko zergaren kudeaketa aztertu du. Txostenaren helburua zen, batetik, zergen diru-sarrerak aztertzea, eta prozedura zein kontrolaz ere iritzia ematea. Zergaren arduraduna Nafarroako Zerga Ogasuna da.
Oinordetza eta dohaintzen gainekoak pertsona fisikoak lorturiko ondare gehikuntzari ezartzen dio zerga. Oinordetza, beti ere, emailea hil ondoren gertatzen da. Dohaintza, berriz, emailea bizirik dagoen bitartean eginikoa da. Bietan ondasun, eskubideak zein aseguru kontratuak kontuan hartzen dira.
Nafarroako Kontuen Ganberak Zangozako Udalaren 2016ko kontuei buruzko txostena kaleratu du. 5.000 biztanleko udalerria da, bi kontzeju dituena: Gabarderal eta Rokaforte. Udalak hiru erakunde autonomo sortu ditu: Juan Frances de Iribarren Musika Eskola, San Vicente Paul Zahar Etxea eta Kirol Patronatua.
2016an, Zangozako Udalak 5,6 milioi gastatu eta 6,3 milioi bildu zituen. Langileriaren gastuak dira nagusiak, bi milioirekin. Transferentzietan 400.000 euro gastatu ziren eta 200.000 euro inbertsioetan.
Nafarroako Kontuen Ganberak abal eta mailegu publikoen legezkotasuna aztertu du. Parlamentuak egin zuen txostenaren eskaera, PP-k proposatuta.
Txostenak dioenez, 2014tik abal eta mailegu publikoak foru lege bidez baimendu behar dira. Abal eta maileguen gehienezkoa zenbatekoak ere zehazten dira, ekitaldi bakoitzerako. Aurrekontu legeak finkaturiko arrisku biziaren %5etik gorako zenbatekoa pertsona edo enpresa bakar bati ematea ere debekaturik dago, Parlamentuak kontrakorik esaten ez duen bitartean. Legeak abal eta maileguen gaineko kontrol sistema ere zehaztu zuen.
Nafarroako Kontuen Ganberak udal nagusiei eginiko gomendioen jarraipena egin du. 9.000 biztanletik gorako udalak hartu ditu, azken urteotan eginiko gomendioak zenbateraino bete diren aztertzeko. Iruñeko Udala ez da taldean sartu, jarraipen hori urteroko txostenean egiten baita. Beraz, honako udal hauen azterketa egin da: Antsoain, Aranguren, Barañain, Berriozar, Burlata, Eguesibar, Lizarra, Tafalla, Tutera, Atarrabia eta Zizur Nagusia.
Nafarroako Kontuen Ganberak Barañaingo Udalaren kontuei buruzko txostena argitaratu du. Txostenak honako gai hauek aztertzen ditu: 2017ko aurrekontu kitapena, ondare egoera, legezkotasuna, udalaren finantza-egoera eta azken txostenetako gomendioen jarraipena.
Barañainek 20.124 biztanle ditu. Udalak bi erakunde autonomo ditu: Lagunak Udal Kirol Zerbitzua eta Luis Morondo Musika Eskola. Udal fundazio bat ere badu herriko auditorioa kudeatzeko.
Txostenak dioenez, Barañaingo Udalak iaz 14,6 milioi gastatu eta 15 milioi bildu zituen.
Nafarroako Kontuen Ganberak Iruñeko Salestarren Ikastetxeren inguruko hirigintza operazioa aztertu du. Gaur bertan argitaratutako txostena Parlamentuak eskatu zuen, Ezkerra taldearen eskaerari erantzunez.
Txostenak operazioaren jatorria azaltzen du: Salestarrek Iruñeko Lanbide Heziketako ikastetxea lekuz aldatu nahi zuten, instalazioak-eta oraingo beharretara moldatzeko. Horretarako, Egues Ibarreko Olatz herriko lur sail bat aukeratu zuten.
Nafarroako Kontuen Ganberak Iruñeko Udalari buruzko txostena argitaratu du. 2017ko kontuak aztertzeaz gain, legezkotasuna eta finantza egoeraz ere iritzia ematen du. Azken txostenetan eginiko aholkuen jarraipena ere egin du.
Iruñeko Udalak bi erakunde autonomo ditu: Hirigintza Gerentzia eta Haur Eskolak). Udal enpresak lau dira: Comiruña, Mercairuña, Animsa eta Pamplona Centro Histórico. Aipatzekoa da iaz bat desagertu zela: Asimec. Izan ere, Udalak enpresak egiten zuen etxez-etxeko arreta zerbitzua bere gain hartzea erabaki zuen.