Nafarroako Kontuen Ganberak Iruñeko Udalaren iazko kontuak aztertu ditu. Txostenak 2015eko kontuak, legezkotasuna eta finantza egoerari buruzko iritzia ematen du. Kontuen Ganberak azken txostenetan eginiko aholkuen jarraipena ere egin du.

Iruñeko Udalak bi erakunde autonomo ditu (Hirigintza Gerentzia eta Haur Eskolak), bost enpresa publiko (Comiruña, Mercairuña, Animsa, Pamplona Centro Histórico eta Asimec) eta Gaiarre Fundazioa. Miserikordi Etxean ere parte hartzen du, nahiz eta erakunde pribatua izan. Txostenak udalaren eta aipaturiko guztien datuak ematen ditu.

Nafarroako Kontuen Ganberak 2015eko kontu orokorrei buruzko txostena kaleratu du. Bertan, ohi denez, nafar ogasunaren egoera aztertzen da, ikuspegi orokorra eskainiz. Txostenak Gobernuaren kontuak ez ezik, elkarte eta fundazio publikoenak, eta Parlamentuaren eta haren menpeko erakundeenak ere biltzen ditu.

Txostenak dioenez, Nafarroako Gobernuak iaz 3.914 milioi gastatu eta 3.847 milioi bildu zituen. Aurreko urteko datuekin alderatuz, gastuak 53 handitu ziren. Diru-sarreren igoera txikiagoa izan zen: %1, hain zuzen.

La Cámara de Comptos ha hecho público el informe de fiscalización del Ayuntamiento de Estella-Lizarra de 2015. El informe analiza la cuenta general, el cumplimiento de la legalidad, la situación financiera y el cumplimiento de las recomendaciones de anteriores fiscalizaciones.

El Ayuntamiento de Estella-Lizarra tiene un organismo autónomo –Patronato de Música Julián romano- y una sociedad municipal –Gedemelsa-, esta última sin actividad económica desde su constitución en 2006. Por este motivo, la Cámara de Comptos propone su desaparición.

Nafarroako Kontuen Ganberak Ospitale guneko botiken kudeaketa aztertu du. Txostenak botiken gastuaren bilakaera, horren kudeaketa eta legezkotasuna aztertu ditu.

Osasunbidearen ospitaletan iaz 93 milioi gastatu ziren botiketan, 2015ean baino 4 milioi gehiago. Diru sail horretatik, Iruñeko Ospitale gunean 80 milioi gastatu ziren, Tuterako Reina Sofian 11,5 eta Lizarrako García Orcoyen-en 2 milioi.

Nafarroako Kontuen Ganberak Arartekoaren 2016eko kontu orokorrari buruzko txostena plazaratu du.

Arartekoaren zeregina da biztanleriaren eskubideak defendatzea, bereziki administrazioen gehiegikerietatik. Parlamentuak aukeratzen du, sei urterako, eta Javier Eneriz da gaur egungoa Parlamentuak 2007an aukeratu zuen eta, beraz, 2013an amaitu zitzaion agintaldia. Geroztik, jardunean segitzen du.

Arartekoak iaz 667.000 euro gastatu zuen. Gastu nagusia langileriarena izan zen (479.000 euro) eta bigarrena ohiko ondasun eta zerbitzuen erosketak (148.000 euro).

Nafarroako Kontuen Ganberak 2016ko kontu orokorrei buruzko txostena kaleratu du. Bertan, ohi denez, nafar ogasunaren egoera aztertzen da, ikuspegi orokorra eskainiz. Txostenak Gobernuaren kontuak ez ezik, elkarte eta fundazio publikoenak, eta Parlamentuaren eta haren menpeko erakundeenak ere biltzen ditu.

Txostenak dioenez, Nafarroako Gobernuak iaz 3.967 milioi gastatu zituen. Hiru kontu-sail nagusiak honakoak dira: transferentziak (1.428 milioi), langileria (1.172 milioi) eta ondasunen eta zerbitzuen gastu arruntak (581 milioi).

.

.

Nafarroako Kontuen Ganberak Atarrabiako Udalaren 2015eko kontuak aztertu ditu. Txostenak kontu orokorrak, legezkotasunaz eta udalaren finantza egoeraz iritzia ematen du.

Atarrabiako Udalak 2015ean sorturiko sozietate publiko bat du: Kirol Martiket, herriko kiroldegia kudeatzeko martxan jarria.

Txostenak dioenez, Atarrabiako Udalak 7,8 milioi gastatu zuen, eta 8,3 bildu. Gastu nagusiak honakoak dira: langileria (4,5 milioi), ohiko gastuen eta zerbitzuen erosketa (1,9 milioi) eta ohiko transferentziak (537.000 euro). Inbertsioetan 400.000 euroko gastua egin zen.

Nafarroako Kontuen Ganberak gizarte-larrialdietarako diru-laguntzei buruzko txostena kaleratu du. UPNk eskaturiko txostenaren helburua da Eskubide Sozialetako Departamentuak 2015ean emaniko gizarte-larrialdietarako laguntzak aztertzea.

Txostenak dionez, 2015ean 66 milioi bideratu ziren egoera larrian dauden nafar familiei laguntzeko. Horren zati nagusia (64 milioi) Gizarteratzeko Errenta eta antzeko laguntzetara bideratu zen. Gainerakoa, dirurik ez duten pertsonendako ez ohiko laguntzetan gastatu zen.