Nafarroako Kontuen Ganberak 2014ko toki sektoreari buruzko txostena kaleratu du. Txostenaren helburua da gure lurraldeko udal eta gainerako toki erakundeen egoera orokorra aztertzea.

Txostenak dioenez, Nafarroan 715 toki erakunde daude: 272 udal, 347 kontzeju, 65 mankomunitate, 19 elkartze tradizional eta 12 partzuergo. Aurreko urteko datuekin alderatuz, 12 toki erakunde gehiago daude, denak toki partzuergoak.

Aipaturiko toki entitateek, beren aldetik, 128 erakunde, enpresa eta fundazio sortu zituzten zerbitzuak emateko.

Nafarroako Kontuen Ganberak Abiadura Handiko Trenari buruzko txosten bat argitaratu du. Parlamentuak eginiko eskaria da, Ezkerra taldeak bultzatua.

Txostenaren helburua da 2015eko abenduaren 31ko egoera aztertzea: inbertsioak Nafarroari eragin dion gastua, dirua aurreratzeko beharragatik; inbertsioen egutegia, interesen ordainketak, Estatuak itzulitako dirua eta itzultzeko dagoena; Castejon-Iruñea zatiaren azterketa; eta oraingo proiektua egin beharrean, europar trenbideen zabalera egokitzeko hirugarren erraila hobesteko aukera.

Nafarroako Kontuen Ganberak Eguesibarko Udalaren 2015eko kontuak aztertu ditu. Txostenak honakoaz ematen du iritzia: aurrekontu kitapena,legezkotasuna eta udalaren finantza egoera.

Eguesibarko Udala 10 kontzejuk, bost jaurerrik eta hiru lekuk osatzen dute. Leku horietako bitan dago biztanleriaren %85: Gorraitzen eta Sarrigurenen. Txostenak azpimarratzen duenez, Eguesibarko biztanle kopurua nabarmen handitu da azken urteetan. Gaur egun, 20.000 biztanle ditu, duela hamar urte halako hiru.

Nafarroako Kontuen Ganberak Berriozarko Udalaren 2014ko kontuak aztertu ditu. Bertan honako kontuei buruzko iritzia ematen da: aurrekontu kitapena, ondare egoera, legezkotasuna eta finantza-egoera ditu aztergai.

Txostenak dioenez, 2014an Berriozarko Udalak 6,2 milioi gastatu eta 6 milioi bildu zuen. Gastu nagusiak honakoak dira: langileria (3,2 milioi), beste ohiko gastu eta zerbitzuen gastuak (1,5 milioi), ohiko transferentziak (760.000 euro) eta inbertsioak (630.000 euro).

Nafarroako Kontuen Ganberak Antsoaingo Udalaren 2015eko txostena ezagutarazi du. Txostenak honako gai hauek aztertzen ditu: aurrekontu betetzea, ondare egoera, legezkotasuna eta Udalaren eta haren erakunde autonomoaren finantza-egoera. Antsoaingo Udalaren patronatu bakarra kirol eta kultur arloaz arduratzen den Gazte-Berria da. Antsoainek 10.830 biztanle ditu.

Antsoaingo Udalak, iaz, 6,8 milioi gastatu zuen. Diru-sarrerak, berriz, 7,6 milioi izan ziren.

Nafarroako Kontuen Ganberak Tafallako Udalaren 2015eko txostena plazaratu du. Txostenak honako gai hauek aztertzen ditu: kontu orokorra, legezkotasuna, finantza egoera eta azken urteotako txostenetan eginiko gomendioen jarraipena.

Tafallako Udalak hiru erakunde autonomo ditu: Musika Eskola, Kultura eta Kirol Patronatuak. Badu, halaber, sozietate publiko bat: Ciudad Deportiva Tafalla, kiroldegia eraiki eta kudeatzeko egina.

Nafarroako Kontuen Ganberak Zizur Nagusiko Udalaren kontuak aztertzen dituen txostena argitaratu du. Bertan, honako gai hauek aztertzen dira: 2014ko aurrekontu kitapena, ondare egoera, legezkotasuna eta udalaren finantza egoera.

Zizur Nagusikoa 14.250 biztanleko udalerria da. Udalaz gain beste hiru udal erakunde ditu: Musika Eskola, Kultur Patronatua eta Ardoi Kirol Patronatua. Guztira, 119 udal langile daude: 105 udalekoak eta gainerakoak Musika Eskolan ari direnak.

Nafarroako Kontuen Ganberak Ororbiako Kontzejuaren 2015eko kontuak aztertu ditu. Orobiako Oltza Zendeako 9 kontzejuetakoa da. Ororbiako Kontzejuak berak eskatu zuen auditoria.

2015ean, Ororbiako Kontzejuak 200.000 euro gastatu zituen. Diru-sarrerak 285.000 eurokoa izan ziren. Gastu nagusia ohiko ondasun eta zerbitzuen erosketa izan zen: 130.000 euro. Inbertsioek 49.000 euro egin zuten , eta langilerian 16.000 euro gastatu zen.

Diru-sarrerei dagokienez, tasei esker 182.000 euro gastatu zen, transferentziekin 60.000 euro eta ondare eta komunal bidezkoei esker 42.000 euro.

Nafarroako Kontuen Ganberak Zizur Nagusiko Udalaren kontuak aztertzen dituen txostena argitaratu du. Bertan, honako gai hauek aztertzen dira: 2015eko aurrekontu kitapena, ondare egoera, legezkotasuna eta udalaren finantza egoera.

Zizur Nagusia 14.493 biztanleko udalerria da. Udalaz gain beste hiru udal erakunde ditu: Musika Eskola, Kultur Patronatua eta Ardoi Kirol Patronatua. Guztira, 112 udal langile daude: 98 udalekoak eta gainerakoak Musika Eskolakoak.

Nafarroako Kontuen Ganberak Gazolazko Kontzejuaren 2015eko kontuak aztertu ditu, Kontzejuko presidenteak berak eginiko eskariari erantzunez. Eskaeran kontu zaharrago bat aztertzeko ere eskatu zitzaion Ganberari: 2008an kontzejuaren kontutik kobraturiko 9.000 euroko txekearekin zer gertatu zen.

Gazolatz Zizurko Zendeako kontzejua da, 135 biztanlekoa. 2015ean 66.000 euroko gastua izan zuen. Ez du langilerik. Kontzejuaren finantza egoera oso kezkagarria da, hirigintza operazio batek 1,7 milioiko zorra sortu baitio.