ASOCEX
Nafarroako Kontuen Ganberak iazko kontu orokorrei buruzko txostena plazaratu du. Bertan, ohi denez, nafar ogasunaren egoera aztertzen da, ikuspegi orokorra eskainiz. Txostenak Gobernuaren kontuak ez ezik, elkarte eta fundazio publikoenak, eta Parlamentuaren eta haren menpeko erakundeenak ere biltzen ditu.
Txostenak dioenez, Nafarroako Gobernuak iaz 3.700 milioi gastatu zituen, eta diru-sarrerak oso antzekoak izan ziren.
Txostenak dioenez, Burlatako Udalak 14,9 milioi gastatu eta 16 bildu zituen, udalaren bi patronatuenak ere kontuan hartuz: Kirol eta Musika Patronatuak.
Gastu nagusiak langileria eta beste ohiko gastuak dira: %53 eta %39, hurrenez hurren. Inbertsioetan %4 besterik ez zen gastatu, eta finantza zaman ere portzentaje bera.
Nafarroako Kontuen Ganberak Mendigorriako Udalaren finantza egoera aztertu du. Azterketa Mendigorriako udalak berak eskatu zuen iazko ekainean, udalaren zor handia oso kezkagarria zela argudiatuta.
Kontuen Ganberak ospitaletako sukalde zerbitzuari buruzko txostena kaleratu du. Bildu eta Aralar Nafarroa-Bai parlamentu-taldeek eskatuta egin da azterketa, sukalde zerbitzua batu eta enpresa baten esku utzi zenetik atera daitezkeen konklusioak ezagutzeko: ea hitzarturiko baldintzak betetzen ari diren, enpresak zenbat kobratu duen eta Osasunbideak dirurik aurreztu ote duen.
Nafarroako Kontuen Ganberak Barañaingo Udalaren fiskalizazio txostena ezagutarazi du. Txostenak honako gai hauek aztertzen ditu : 2012ko aurrekontu kitapena, ondare egoera, legezkotasuna, udalaren finantza-egoera eta azken txostenetako gomendioen jarraipena.
Barañaingo Udalak bi erakunde autonomo ditu: Lagunak Udal Kirol Zerbitzua eta Luis Morondo Musika Eskola. Txostenak emaniko datuen arabera, udalak 13,7 milioi gastatu zituen iaz, eta 14,7 milioi bildu.
Nafarroako Kontuen Ganberak Iruñerriko Mankomunitateari buruzko txosten bat argitara eman du, Parlamentutik hiru eskaera jaso ondoren: bi PPk eginak, eta bestea PSNrena.Hiru eskaerek Mankomunitatearen kudeaketaren hainbat kontu aztertzeko eskatzen zuten: kontuak, langileen soldatak, eta garraio eta hondakinen kudeaketa, besteak beste.
Eguesibarko Udala hamar kontzejuk osatzen dute. Udalerriak dituen 19.000 biztanleetatik gehienak bi tokitan bizi dira: Sarriguren eta Gorraitzen, hain zuzen. Eguesibarko biztanleria nabarmen handitu da azken urteotan: 2006tik hirukoiztu egin da.
Eguesibarko Udalak bi sozietate ditu, biak hirigintzari lotuak: Andacelay eta Gestión y Promociones Egüés 21-11.
Kontuen Ganberak dioenez, udalak aurkezturiko kontu orokorrak ongi islatzen du urteko ekonomia jarduera. Salbuespen bakarra ondasun-zerrenda da, 1995etik gaurkotu gabe dagoelako.
Txostenak dioenez, Nafarroan 703 toki erakunde zeuden iazko urtarrilean: 272 udal, 348 kontzeju, 65 mankomunitate eta 18 udal elkarte. Beste 141 udal erakunde daude, udalek-eta sortuak: 66 erakunde autonomo, 50 enpresa, 17 partzuergo eta 9 fundazio.