Kontuen Ganberak Nafarroako enpresa publikoek gobernutik jasotzen dituzten enkarguei buruzko txostena argitaratu berri du. 2011ko mandatuak aztertzen dituen txostena Parlamentuak eskatu zuen, Nafarroa Bai taldearen ekimenaren ondorioz.
Kontuen Ganberak gradu ondoko bekei buruzko txosten bat kaleratu, Ezker Batua talde parlamentarioak eskatua. Aipaturiko bekak Nafarroako Nazioarteko Planaren barruan daude. Nafarroako unibertsitateetako ikasle hoberenei atzerriko punta-puntako ikastetxetan gradu ondokoak ikasteko aukera ematea da beken helburua, ondoren jasotako jakinduriak hemen eragina izan dezan.
Kontuen Ganberak Menpekotasun Legearen aplikazioari buruzko txostena kaleratu du. Ezker Batua parlamentari taldeak eskaturiko txostena 2010-2012 epea aztertu du.
Txostenak gogoratzen duenez, menpekotasun legean aldaketa garrantzitsuak izan dira azken urteotan, bai Estatu mailan bai eta Nafarroan ere. Aldaketa nagusiena da, batetik, laguntzak gutxitu egin direla eta, bestetik, laguntza eskatzen denetik jasotzeko eskubidea sortu arteko epea handitu egin da.
Nafarroako Kontuen Ganberak Antsoaingo Udalaren 2011ko fiskalizazioa ezagutarazi du. Txostenak honako gai hauek aztertzen ditu: aurrekontu betetzea, ondare egoera, legezkotasuna eta Udalaren eta haren erakunde autonomoaren finantza-egoera. Antsoaingo Udalaren patronatu bakarra kirol eta kultur arloaz arduratzen den Gazte-Berria da.
Nafarroako Kontuen Ganberak Bianako Udalaren 2010eko fiskalizazio txostena kaleratu du. Udal osoko bilkurak berak eskaturiko txostenean honako gai hauek aztertu dira: kontu orokorra, legezkotasuna, finantza-egoera eta azken txostenetan emaniko gomendioen jarraipena.
Fiskalizaturiko urtean, Bianako Udalak 5,8 milioi gastatu eta 5,9 bildu zituen. Gastuen %40 inbertsioak dira, ohiko gastuak %30 eta langilerian %23 gastatu zen. Diru-sarrerei dagokienez, %55 transferentziak dira eta zergen bidezkoak %29.
Nafarroako Kontuen Ganberak 2011ko kontu orokorrei buruzko txostena plazaratu du. Bertan, ohi denez, nafar ogasunaren egoera aztertzen da. Txostenak Gobernuaren kontuak ez ezik, elkarte eta fundazio publikoenak, eta Parlamentuaren eta haren menpeko erakundeenak ere biltzen ditu.
Nafarroako Kontuen Ganberak Foru Ogasunaren egoerari buruzko txostena argitaratu du. Nafarroa Bai, Bildu eta Ezkerra taldeek eskaturiko fiskalizazioaren helburua zen aurtengo ekainaren amaierako egoera ezagutzea. Honakoak dira, hain zuzen, azterturiko kontuak: diru-sarreren egoera urteko bigarren seihilabetean, gastuen betetzea eta zorraren egoera. Txostenak horiek guztiak zehazten ditu, eta baita Foru Ogasunaren finantza egoera ere, Parlamentuak ahalik eta ikuspegi zabalena izan dezan.
Nafarroako Kontuen Ganberak Osasunbideak ospitaletako sukalde zerbitzuaz eginiko azterketei buruzko txostena kaleratu du. Txostenak azaltzen duenez, iazko urrian Osasun kontseilariak azterketa bat aurkeztu zuen sukalde zerbitzuaren ingurukoa. Horren arabera, zerbitzua enpresa bati emanez gero, Osasunbideak urtean 3,3 milioiko aurrezkia lortuko luke. Nafarroa Bai taldeak bultzaturik, Parlamentuak azterketari buruzko txostena eskatu zion Kontuen Ganberari.
Nafarroako Kontuen Ganberak Gobernuak San Juan de Dios ospitalearekin duen itunari buruzko txostena egin du. Sarreran gogoratzen denez, Kontuen Ganberak itunari buruzko beste txostena egina du. Bertan esandakoen artean honakoa zen azpimarragarrienetakoa: ituna egiteko beharra ez zegoela inon justifikaturik. Bestalde, kostuen gaineko azterketa eskatu zitzaion Osasunbideari. Helburua zen itunak finkaturiko prezioak eta Osasunbideak dituen kostuak ezagutzea, arrazoituriko erabakiak hartu ahal izateko.