Nafarroako Kontuen Ganberak 500 biztanletik beherako udalerrien egoerari buruzko txostena kaleratu du. Horren bitartez, Nafarroako udal txikienen egoeraren berri emateaz gain, kudeaketa-arazo nagusiak ere ezagutu nahi zituen.
Txostenak udalen arlo gehienak aztertu ditu, hala nola zerbitzuak, langileria, zergak eta hirigintza. Informazio orokorraz gain, eranskin moduan udal bakoitzari dagokion fitxa dakar. Bertan udalerri bakoitzaren aurrekontu datu nagusiak, azken urteotako eboluzioa eta bataz bestekoarekiko konparazioa bildu dira.
Nafarroako Kontuen Ganberak Eguesibarreko Udalaren 2010eko fiskalizazio txostena kaleratu du. Txostenak kontu orokorra, legezkotasuna, udalaren finantza-egoera eta azken urteotan eginiko gomendioen jarraipena aztertu ditu.
Eguesibarreko Udalerriko biztanleria nabarmen handitu da azken urteotan. Duela bost urte 5.000 biztanleko udalerria zen eta gaur egun 16.000 langun bizi dira hango herrietan, gehienak Sarrigurren eta Gorraitzen.
Nafarroako Kontuen Ganberak Atarrabiako Udalaren fiskalizazio txostena ezagutarazi du. Txostenak 2011ko aurrekontu kitapena, ondare egoera, legezkotasuna eta finantza egoera aztertu ditu.
Txostenak dioenez, Atarrabiako Udalak 8,2 milioi gastatu eta 8,4 bildu zituen. Gastu nagusiak honakoak dira: langileria (%55), ohiko gastu eta zerbitzuak (%31), inbertsioak (%8) eta finantza-zama (%6). Diru-sarrerei dagokienez, %55 transferentziak dira, %43 zergen bidezko sarrerak eta %2 ondarearen salmentatik lortu da.
Kontuen Ganberak Garinoaingo Udalari buruzko txostena kaleratu du. Fiskalizazioa Parlamentuak eskatu zuen urte hasieran, PSNk, Nafarroa Baik, Bilduk eta Ezkerrak aurkezturiko eskariaren ondorioz. Txostenak 2011ko kontuak eta azken lau urteotako finantza egoeraren bilakaera aztertzen ditu.
Nafarroako Kontuen Ganberak Altsasuko Udalari buruzko fiskalizazio txostena plazaratu du. Txostena UPN parlamentari taldeak eskatu zuen, Kontuen Ganberak haur eskolaren espedientea azter zezan. Eskaera ikusirik, Kontuen Ganberak lanaren helburua zabaldu eta 2010eko kontuak aztertzea erabaki zuen.
Txostenak dioenez, Altsasuko Udalak 8,9 milioi euro gastatu eta beste horrenbeste bildu zuen 2010eko ekitaldian. Udalaren kontuak ez ezik, bi erakunde autonomoenak ere sarturik daude zenbateko horietan: Musika Eskola eta Aita Barandiaran Zahar-Etxearenak.
Nafarroako Kontuen Ganberak Barañaingo Udalaren 2010eko fiskalizazio txostena ezagutarazi du. Bertan aztertzen diren gaiak honakoak dira: aurrekontu kitapena, ondare egoera, legezkotasuna, udalaren finantza-egoera eta azken txostenetako gomendioen jarraipena.
Nafarroako Comptos Ganberak Berriozarko Udalaren 2011ko fiskalizazio txostena kaleratu du. Txostenak honakoa aztertu du: aurrekontu kitapena, ondare egoera, legezkotasuna eta finantza-egoera aztertzen dira.
Nafarroako Kontuen Ganberak Zizur Nagusiko Udalaren iazko fiskalizazio txostena argitaratu du. Txostenak honako gai hauek aztertu ditu: aurrekontu kitapena, ondare egoera, legezkotasuna eta udalaren finantza egoera.
Zizur Nagusikoa ia 14.000 biztanleko udalerria da. Udalaz gain beste hiru udal erakunde ditu: Musika Eskola, Kultur Patronatua eta Ardoi Kirol Patronatua. Udal langileak 123 dira.
Nafarroako Kontuen Ganberak Etxauriko Udalaren 2010eko fiskalizazioa aurkeztu du. Herriko lau zinegotzik eskaturiko txostenak honakoa aztertu du: 2010eko kontu orokorra, legezkotasuna eta udalaren finantza-egoera.
Txostenak dioenez, Etxauriko Udalak 734.000 euro gastatu zituen eta 644.000 bildu. Datuoi kultura, kirola eta festa ekimenen ardura duen Denak Bat erakunde autonomoarenak gehitu behar zaizkie: 61.000 euroko diru-sarrerak eta 72.000 euroko gastuak.
Nafarroako Kontuen Ganberak 2010eko kontu orokorrei buruzko txostena plazaratu du. Bertan, ohi denez, nafar ogasunaren egoera aztertzen da. Txostenak Gobernuaren kontuak ez ezik, elkarte eta fundazio publikoenak, eta Parlamentuaren eta haren menpeko erakundeenak ere biltzen ditu.
Txostenak emaniko datuen arabera, Foru Administrazioak iaz 4.300 milioi gastatu zituen. Diru-sarrerak 4.410 milioi izan ziren. Aurreko urteko datuekin alderatuz, gastuak %1,6 gutxitu eta diru-sarrerak %4,5 handitu ziren.