Kontuen Ganberak Nafarroako Kontseiluaren kontuei buruzko txostena kaleratu du. Bertan aurrekontu kitapena, finantza-egoera eta legezkotasuna aztertzen dira.

Nafarroako Kontuen Ganberak Garesko Udalaren 2010eko fiskalizazio txostena kaleratu du. Txostena udalaren osoko bilkurak eskatu zuen.

Garesko Udalak bi erakunde autonomo zituen 2010ean: Musika eta Lurzoru Patronatuak, eta azken honen menpeko enpresa bat. Dena den, 2010ean berean Udalak bi erakundeak desegitea erabaki zuen. Bien diru-kontuak, eta batez ere Udalak bietan eginiko diru-sarrera argitzeko, fiskalizazio sakonagoa egin izan da.

Kontuen Ganberak Nafarroako Enplegu Zerbitzuari buruzko txostena kaleratu du. Kontuen Ganberak aurreikusia zuen fiskalizazioari Parlamentuak berak eginiko eskari bat erantsi zaio. Izan ere, Nafarroa Bai eta Bildu taldeek bultzaturik, Parlamentuak CEN enpresarien elkarteak eta UGT eta CCOO sindikatuek azken urteotako enplegu planaren barnean eginiko jarduera fiskalizatzeko eskatu zuen.

Nafarroako Comptos Ganberak Erriberriko Udalaren fiskalizazio txostena ezagutarazi du. Udal osoko bilkurak eskaturiko txostenak honako gai hauek aztertzen ditu: 2010eko aurrekontu kitapena, ondare egoera, legezkotasuna eta finantza egoera.

Txostenak dioenez, Erriberriko Udalak 5,5 milioi gastatu eta 7,5 bildu zituen. Inbertsioak dira gastuen diru-sail nagusia, bi milioirekin. Ohiko gastu eta zerbitzuetan milioi eta erdi gastatu zen, eta antzeko zerbait langilerian.

Nafarroako Comptos Ganberak Burlatako Udalari buruzko fiskalizazio txostena plazaratu du. Bertan, 2010eko kontu orokorra aztertzen da, eta baita legezkotasuna eta Udalaren finantza-egoera ere.

Txostenak dioenez, Burlatako Udalak17,8 milioi gastatu eta 19,1 milioi bildu zituen. Aurrekontu-emaitza doituak milioi bateko superabita eman zuen.

Nafarroako Kontuen Ganberak Tuterako Udalaren 2011ko fiskalizazio txostena argitaratu du. Txostenak honako gai hauek aztertzen ditu: aurrekontu-betetzea, ondare egoera, legezkotasuna eta udalaren finantza-egoera. Tuterako Udalak bi erakunde autonomo ditu: Uren Udal Batzordea eta Castel Ruiz Kultur etxea. Azken hau enpresa publika bihurtu zen iaz.

Txostenak emaniko datuen arabera, iazko gastuak 40,2 milioikoak izan ziren eta diru-sarrerak, berriz, 36,2 milioi.

Nafarroako Kontuen Ganberak Ribaforadako Udalaren fiskalizazio txostena plazaratu du. Txostena Nafarroako Parlamentuak eskatu zuen, Nafarroa Bai talde parlamentarioaren eskariaren ondorioz. Fiskalizazioak 2010eko kontu orokorra, legezkotasuna eta finantza egoera aztertu ditu.

Txostenak dioenez, Ribaforadako Udalak lau milioi gastatu eta zenbateko berdintsua bildu zuen. Udalaren kontuak ez ezik, udal bi erakundeenak ere sarturik daude diru-sarrera eta gastuotan: Musika Eskola eta Kirol Patronatua.