Nafarroako Kontuen Ganberak Egues Ibarreko Udalaren 2011ko fiskalizazio txostena argitaratu du. Txostenak aurrekontu-kitapena, legezkotasuna, finantza-egoera eta azken urteotako gomendioen jarraipena aztertu ditu.

Kontuen Ganberak udalak bizi duen “egoera nahasia” aipatzen du hasieran, udal kudeaketarako ez baita batere egokia.

Nafarroako Kontuen Ganberak Arartekoaren 2011ko kontu orokorrari buruzko txostena plazatu du. Parlamentuaren menpeko erakundearen kontuak Nafarroako kontuetan daude sarturik.

Txostenak dioenez, erakundeak iaz 932.000 euro gastu zituen. Gastu nagusia langileriarena izan zen (622.000 euro), bigarrena ohiko ondasun eta zerbituzen erosketa (228.000 euro), inbertsioetan 47.000 gastatu zituken eta 34.000 ohiko transferentzietan.

Nafarroako Kontuen Ganberak Odol Bankuaren egoerari buruzko txostena kaleratu du, aurreko txostenetan eginiko gomendioak zenbateraino bete dituen aztertzeko. Fiskalizazioa Nafarroa Bai taldeak eskatu zuen.

Txostenak dioenez, Kontuen Ganberak 2010ean eginiko fiskalizazioak argi esan zuen Oso Bankua aurreko txostenetan eginiko gomendioak betetzen ari zela.

Nafarroako Kontuen Ganberak Zizur Nagusiko Udalaren 2010eko fiskalizazio txostena argitaratu du. Txostenak honako gai hauek aztertu ditu: aurrekontu kitapena, ondare egoera, legezkotasuna eta udalaren finantza egoera.

Zizur Nagusikoa 13.000tik gora biztanle dituen udalerria da. Udalaz gain beste hiru udal erakunde daude: Musika Eskola, Kultur Patronatua eta Ardoi Kirol Patronatua.

Nafarroako Kontuen Ganberak toki sektoreari buruzko txosten orokorra plazaratu du, Nafarroako udal eta gainerako toki erakundeen egoera aztertzeko. Datuak 2010ekoak dira.

Txostenaren arabera, Nafarroan 707 toki entitate daude: 272 udal, 351 kontzeju, 66 mankomunitate eta 18 elkarte. Zenbateko honi toki erakundeek sorturiko 136 enpresa, fundazio eta partzuergoak gehitu behar zaizkio.

Toki sektorearen diru-sarrerak 953 milioikoak izan ziren, %50 transferentzien bidez lortuak, Aurreko urteko datuekin alderatuz, diru-sarrerak %14 murriztu ziren.

Nafarroako Kontuen Ganberak etxe babestuen moduluari buruzko txostena kaleratu du. Txostenaren helburua zen moduluaren eboluzioa aztertzea eta merkatu-kostuen araberakoa ote den jakitea. Eskaera Ezkerra talde parlamentarioak egin zuen.

Nafarroako Gobernuak finkatzen duen moduluak etxebizitza babestuaren gehienezko prezioa markatzen du. Txostenak gogoratzen duenez, 2004an 931 euroko modulua onartu zen (metro koadroko), aurrekoa %14 igoz. Aurtengoa 1.246 eurokoa da, eta horrek esan nahi du zortzi urteotan %34 igo dela.

Nafarroako Kontuen Ganberak Tuterako Udalaren 2010eko fiskalizazio txostena argitaratu du. Txostenak honako gai hauek aztertzen ditu: aurrekontu-betetzea, ondare egoera, legezkotasuna eta udalaren finantza-egoera. Tuterako Udalak bi erakunde autonomo ditu: Uren Udal Batzordea eta Castel Ruiz Kultur etxea. Azken hau enpresa publika bihurtu zen iaz.

Txostenak emaniko datuen arabera, iazko gastuak 45 milioikoak izan ziren eta diru-sarrerak, berriz, 57 milioi.

Nafarroako Comptos Ganberak Burlatako Udalari buruzko fiskalizazio txostena plazaratu du. Bertan, 2011ko kontu orokorra aztertzen da, eta baita legezkotasuna eta Udalaren finantza-egoera ere.

Txostenak dioenez, Burlatako Udalak 18,2 milioi gastatu eta 26 bildu zituen. Dena den, egin beharreko doikuntzak eginak, superabita 800.000 eurokoa izan zen.