1958ko abuztuaren 4a, duela 65 urteko argazkia. Uda hartan, Nafarroako Unibertsitateak kazetaritzari buruzko udako ikastaro bat antolatu zuen Kontuen Ganberan, uztailaren 1etik irailaren 20ra. Antonio Fontanek zuzenduriko ikastaroan hogeita hamar bat ikaslek parte hartu zuten. Bakoitzak bostehun pezeta (hiru euro) ordaindu zituen. Udako ikastaroaren harrera ikusita, Nafarroako Unibertsitateak Kazetaritza Institutua sortu zuen. 1958ko larrazkenean jarri zen martxan, Kontuen Ganberan, Fontanen zuzendaritzapean.
Aragoiko Kontu Epaitegiak ekaineko topaketa teknikotik atera diren konklusioak bildu ditu. Bileretan hamabi gai aztertu ziren, horien artean kontrol erakundeetako belaunaldi aldaketa, prestakuntza teknologikoa, etikaren azterketa eta komunikazioa. Topaketan Kontuen Ganberako teknikari talde zabal batek parte hartu zuen.
Ignacio Cabeza, Kontuen Ganberako lehendakaria, Unai Hualde Parlamentuko presidentearekin bildu da gaur goizean. Bilera Hualde bere karguaz jabetu ondoren egiten ari den protokolo-bisitetako bat da.
Saioa Navarro eta Irantzu Landivar, Kontuen Ganberako teknikariak, kontrol erakundeetako gazteen topaketan parte hartzen ari dira. Topaketa Kontu Epaitegiak antolatu du Madrilen, auditoretza publikoan ari diren gazteen arteko harremanak sendotzeko. Topaketa atzo hasi eta bihar amaituko da.
Kontuen Ganberako presidenteak, Ignacio Cabezak, Estatuko kontu epaitegietako ordezkarien bileran parte hartu du gaur goizean. Bilera Castilla Mantxakoaren Korteen egoitzan egin da.
Kontrol erakundeen Koordinazio Batzodearen gaurko bileran udalen energia aurrezte planak fiskalitzatzea erabaki dute. Azterketaren helburua da ikustea energia aurrezteko planak zenbateraino dauden planifikaturik Estatuko udaletan.
Irudian, kontu auzigietako ordezkariak Toledoko bilera amaitu ondoren.
Kontuen Ganberako lehendakari Ignacio Cabeza Unai Hualde Parlamentuko presidentearekin elkartu da gaur goizean, iazko kontuei buruzko txostena emateko.
Txostenak ontzat ematen ditu kontuak, ongi islatzen baitituzte ondare eta finantza egoera, eta baita 2022ko aurrekontu emaitza ere. Legezkotasunaz ere aldekoa da iritzia, Parlamentuaren kudeaketa ekonomikoa legediaren araberakoa baita.
Kontuen Ganberak eta Estatuko gainerako kontrol erakundeek ikasgeletako arrakala digitala murrizteko neurriak aztertuko dituzte, nork bere eremuan. Jakina denez, Pandemiari aurre egiteko banatu diren Next Generation diru-funtsen helburuetako bat zen, hain zuzen, ikasleen arteko arrakala hori murriztea, ikasle zaurgarriek ere teknologia berriak erabiltzeko aukera izan dezaten. Diru-laguntzei esker, 300.000 ikasleri eskuko ordenagailua emanen zaie, eta 240.000 ikasgeletan tresna digitalak paratuko dira.
Kontuen Ganberako komunikazio arduradun Fermin Erbitik Vicente Madoz, el psiquiatra humanista liburua aurkeztu du gaur goizean. Liburua Pamiela argitaletxeak argitaratu du. Liburua egiteko ideia "Kontuen Ganberako topaketak" ekimenari esker sortu zen. Horren helburua da Nafarroako hainbat arlotako pertsonaiak Kontuen Ganberara eramatea. Erbitik gonbidatuei elkarrizketa bat egiten die etxeko profesionalen aitzinean.
Kontu Epaitegiko presidente Enriqueta Chicanok Kontuen Ganbera bisitatu du bihar, egoitza ezagutu eta Ignacio Cabeza presidentearekin elkartzeko. Bilearen helburua zen bi erakundeen plan estrategikoaz eta datozen hilabeteotako helburuaz hitz egitea.
Kontu Epaitegiko presidente Enriqueta Chicanok Kontuen Ganbera bisitatuko du bihar, egoitza ezagutu eta Ignacio Cabeza presidentearekin elkartzeko. Chicano Kontu Epaitegiko beste hiru ordezkarirekin etorriko da: Miguel Angel Torres kontseilaria, Ana Cossio kabineteburua eta Yolanda Perez komunikazio arduradunarekin. Bilera amaiturik, bi erakundeetako ordezkariak Nafarroako Parlamentura joanen dira. Han Unai Hualde lehendakariarekin elkartuko dira.