"Lizitazio publikoa eta lehia askea" gaiari buruzko jardunaldi bat antolatu du Kontuen Ganberak, CNMCrekin (Lehia eta Merkatuen Nazio Batzordea) eta Nafarroako Gobernuarekin elkar lanean. Lizitazio publikoa eta lehia askea loturik beharko lukete beti. Izan ere, lehia gutxitzeko eginiko iruzurrak diru publikoaren kudeaketa gardenaren aurkakoak dira eta, bestetik, kalte ekonomikoa eragiten diete administrazioei eta, beraz, biztanle guztiei. Bi hizlarik parte hartuko dute: Susana Campuzano, CNMCko Sustapen zuzendaria eta Sergio Sinovas, CNMCko alboko zuzendari-ordea.
Kontuen Ganberako patioan bilduriko jendeak gozatu egin zuen atzo "Hego Haizeak" taldearen musikarekin. Aitor Urquizak, Arkaitz Ibarrak, Asier Agirrek eta Xabier Olazabalek osaturiko taldeak txistuaren doinu klasikoak eskaintzeaz gain, Irlandako doinuak ere jo zituen eta, amaitzeko, Sanferminetako musika alaia. "Hego Haizeak" taldearena da Kontuen Ganberak ekainean antolaturiko bigarren eta azken emandaldia. Jendearen erantzuna ikusita, heldu den urtean ere kultur ekimenek tokia izanen dute Ansoleaga karrikako egoitzan.
Kontuen Ganberak “formatu txikiko” kontzertu batzuk antolatu ohi ditu, bi helbururekin: XIII. mendeko egoitza ezagutaraztea eta, bide batez, gazteek osaturiko musika taldeei laguntzea.
Hurrengoa datorren ostegunean, ekainak 23, izanen da. Talde gonbidatua Hego Haizeak da. Lau musikarik osatzen dute: Aitor Urkiza, Arkaitz Ibarra, Asier Agirre eta Xabier Olazabal. Txistulariak hiru lehenak eta akordeoilaria azkena. Guztiak ikasketa profesionalak eginak eta musika eskoletako irakasleak.
Kontuen Ganberako lehendakaria Parlamentuaren Osasun batzordearen aitzinean agertuko da datorren asteartean, berriki kaleraturiko txosten bat azaltzeko. Txostenak laborategien bateratze-prozesua aztertu du. Agerraldia goizeko 9:30an hasiko da.
Jaleando taldeak kantaldia eskaini zuen atzo, Kontuen Ganberako egoitzan. Kantari eta talde ezagunen bertsioak abestu zituen, flamenko kutsua emanez. Jimena Ripa kantari aritu zen, Luis Gil gitarran eta Iñaki Lero perkusioan. Jendeak gozatu egin zuen hirukotearen kantuekin. Hurrengo kontzertua, ekainaren 23an, Euskal Herriko Txistulari Elkartearen eskutik.
Javier Eneriz Arartekoak, etzi, ekainak 10, Kontuen Ganberaren topaketetan parte hartuko du. Ekimenaren helburua da Nafarroako erakunde, gizarte eta kultur arloetako pertsonaiak Kontuen Ganberaren egoitzara eramatea, kontrol erakundeko teknikariek ezagutu ditzaten. Ohi denez, Javier Enerizi elkarrizketa egiten zaio eta ondoren galderak egiteko aukera izanen da.
Jaleando musika taldeak kontzertu bat eskainiko du Kontuen Ganberako patioan bihar zortzi, ekainaren 9an, arratsaldeko 8etan hasita. Ekimenaren helburua da Kontuen Ganberaren egoitza ezagutaraztea eta, bide batez, kulturarekin bat egitea. Jaleando taldea hiru gaztek osatzen dute: Luis Gil (gitarra), Jimena Ripa (kantaria) eta Iñaki Lero (perkusioa). Kantari eta talde ezagunen kantuak abesten dituzte, beti ere flamenkoaren ukitua emanez.
Kantaldia arratsaldeko 8etan hasiko da eta sarrera librea da aretoa bete arte.
Asun Olaetxea Kontuen Ganberako lehendakaria bere karguaz jabetu da, gaur eguerdian Parlamentuan eginiko ekitaldi batean. Bertan izan dira, besteak beste, Uxue Barkos lehendakaria, Ainhoa Aznarez Parlamentuko presidentea eta kontu epaitegietako ordezkariak.
Olaetxeak azpimarratu duenez, Kontuen Ganbera betiko irizpideen arabera ariko da datozen urteotan: independentzia, profesionaltasuna, beti ere alderdikerietatik kanpo. Konpromisoa agintarien aitzinean hartu badu ere, biztanle guztiak izan ditu gogoan, haei zor zaielakoan diru publikoaren kontrolik zorrotzena.
Iruñeko Julio Caro Baroja Institutuko ikasle talde bat Kontuen Ganberara etorri da gaur. Bisitaren helburua zen egoitza ezagutzea eta erakundearen zereginetan sakontzea. Dena den, argi dago gaia aurretik landua zutela Ana Beltran irakaslearekin. Izan ere, liburu eder bat ekarri digute opari "ABCDario de la Cámara de Comptos" izenburukoa, Kontuen Ganberari buruzko errefentziez beterik eta dotore ilustraturik.
Kontuen Ganberak urtero fiskalizatzen dituen udaletako idazkari eta kontu-hartzaileak gure egoitzan elkartu dira gaur, urtero egin ohi dugun bileran. Bileraren helburua zen iazko fiskalizatze lanen prozesua aztertu eta aurtengoa prestatzea. Horrez gain, toki Departamentuko zuzendari nagusi Xabi Lasak hitzaldi bat eman du, gobernuak udal mapa aldatzeko duen helburua ezagutarazteko.