San Frantzisko Eskolako Lehen Hezkuntzako 2. mailako neska-mutilak bisitan izan ditugu gaur goizean. Barneko patioan harrera egin ondoren, gure egoitzaren berri eman diegu, Iruñeko etxerik zaharrena dela azpimarratuz. Ondoren, lehen solairura joan gara bertan dauden margolan, idatz makina zaharrak, kontabilitate liburuak eta bestelakoak ikustera.
Eskolara itzuli aurretik patioan argazkia egin dugu, bisitaren oroigarri.
Cuatrovientos Institutuko ikasle talde bat gure egoitza bisitatzera etorri da gaur goizean. Ikasleak Lanbide Heziketako Administrazio eta Finantzak ikasketak egiten ari dira. Egoitza ikusteaz gain, Kontuen Ganberaren lanaren berri jaso nahi zuten. Azalpen orokorra amaiturik, Karen Moreno auditoreak kontu zehatzagoak azaldu dizkie eta, azkenik, egoitzako patioan argazkia egin dugu, bisitaren oroigarri.
Koldo Saratxagaren Fiskalizazio Erakundeetako teknikarien topaketaren amaierako ekitaldian parte hartuko du. Kooperatibetan aritua, Saratxagak Irizar enpresa egoera zailetik atera eta multinazional arrakastatsu bihurtu zuen. Langileriaren kudeaketan iraultzaile, orain enpresa-aholkularia da eta haren kudeaketa-sistema ezagutarazten saiatzen da.
Hitzaldia 13:15etan hasiko da, INAPeko Pio Baroja aretoan.
Koldo Saratxagaren Fiskalizazio Erakundeetako teknikarien topaketaren amaierako ekitaldian parte hartuko du. Kooperatibetan aritua, Saratxagak Irizar enpresa egoera zailetik atera eta multinazional arrakastatsu bihurtu zuen. Langileriaren kudeaketan iraultzaile, orain enpresa-aholkularia da eta haren kudeaketa-sistema ezagutarazten saiatzen da.
Hitzaldia 13:15etan hasiko da, INAPeko Pio Baroja aretoan.
Estatuko epaitegietako 150 ordezkari Iruñean bildu dira gaur, kanpo fiskalizazioak dituen erronkak aztertzeko. Inaugurazio ekitaldian Alberto Catalan legebiltzarburuak eta Helio Robleda Kontuen Ganberako presidenteak parte hartu dute.
Catalanek fiskalizazio erakundeen betebeharra funtsezkoa dela adierazi du. Alde horretatik, Nafarroakoa Estatuko zaharrena dela nabarmendu du. Catalanek dei bat luzatu die auditore guztiei hemendik aurrera ere lan tekniko hori egiten jarrai dezaten, beti ere auditoreei eskatu beharreko independentziari eutsiz.
Kontu Epaitegietako 150 auditore Iruñean elkartuko dira bihar eta etzi, diru publikoen kontrolaz eztabaidatzeko. Inaugurazio-ekitaldia INAPeko Pio Baroja aretoan eginen da, goizeko 9:30etan hasita, eta Alberto Catalan Parlamentuburua eta Helio Robleda, Kontuen Ganberako presidentea mintzatuko dira.
Ondoren auditoreak taldeka lanean hasiko dira, ondorengo gaiak aztertzeko: krisi garaiko fiskalizazioa, osasungintza eta irakaskuntzaren kontrola, toki erakundeen fiskalizazioa, auditoria-lanak hobetzeko neurriak eta txostenen eduki juridikoa.
Osasun Kontseilari Marta Vera Kontuen Ganberaren egoitzara etorri da gaur goizean. Egoitza bisitatzeaz gain, Vera Helio Robleda Kontuen Ganberako presidentearekin elkarrizketatu da. Kontuen Ganberak Osasunbideak klinika pribatuekin sinaturik dituen itunei buruzko bi txosten karrikaratuko ditu datozen asteotan.
Luis Muñoz Garde Kontuen Ganberako presidente ohiak Madrilgo Gobernuak emaniko urrezko domina jaso du gaur goizean, 53 urteko lan-ibilbidea saritzeko. Ekitaldia Gobernuaren ordezkaritzan egin da, Muñozen senide, lagun eta lankideohi aurrean zirela. Luis Muñoz 12 urtez aritu zen Kontuen Ganberaren lehendakaritzan: 1997tik 2010era. Aurretik 40 urteko ibilaldia egina zuen enpresen aholkularitzan. Muñoz Gardek gobernuari domina eman izanagatik eskerrak emateaz gain, emazte eta seme-alabak izan ditu gogoan. Kontuen Ganberako teknikarien profesionaltasuna ere goraipatu du.
Nafarroako Comptos Ganbera lanean ari da kanpoko fiskalizazio erakundeen topaketaren antolaketan. Izena emateko epea amaiturik, aurreikuspenik hoberenak bete egin dira, 150 lagunek parte hartuko dutelako. Gehienak fiskalizazio erakundeetako teknikariak dira, baina badira, halaber, administrazioetako kudeatzaileak eta auditoria enpresetako ordezkariak. Topaketa intereseko gaiak aztertuko dituzten lan taldeen bitartez eginen da: krisi garaiko fiskalizazioa, hezkuntza eta osasungintzaren fiskalizazioa, azken urteotako esperientziarik aipagarrienak...
Gaur goizean, Nafarroako Parlamentuko Lehendakari berria, Alberto Catalán Higueras, Comptos Ganberara etorri da. Egoitza honetan bere Lehendakariarekin, Helio Robleda, eta beste teknikari batzuekin elkartu da.