Kontuen Ganberako lehendakari Asun Olaetxea Parlamentuan agertuko da heldu den asteartean, urtarrilak 31, udal batzuen auditoria aurkezteko. 10.000 biztanletik gorako udalen txostenez gain, beste batzuk ere aurkeztuko ditu:Lerin, Izaba eta Ororbiako Kontzejuarena, hain zuzen. Udaletako kontu-hartzaileek aurkezturiko erreparoez ere mintzatuko da. Eta, azkenik, toki sektorearen egoerari buruzko txosten orokorra ere aurkeztuko du.

Nafarroako Gardentasun Kontseiluak sorrera bilera egin zuen atzo, Nafarrako Jauregian, organo sortu berriaren lan ildoak zehazteko. Gardentasun Kontseilua kontrol erakunde autonomoa da, biztanleriak informazio publikoa jasotzeko duen eskubidea bermatu nahi duena. Alde horretatik, biztanleen kexak jasoko ditu, gardetnasunari loturiko lege proiektuez iritzia emanen du, gardentasun egoerari buruzko azterketak bultzatuko ditu eta, azkenik, gardentasuna zabaltzeko prestakuntza eta sentsibilizazio kanpainak eginen ditu. .

Jardunalodien helburua da kontuen epaitegietako idazkari eta legelarien kezka, arazo eta erronkez hitz egitea, hortik aterako den gogoeta guztiendako onuragarria izan daitekeelakoan.

Angel Gonzalez Malaxetxebarriak hizlari izanen dugu Kontuen Ganberan datorren asteartean, otsailak 14. Malaxetxebarria ikuskaritzan eta diru publikoaren kudeaketan aditua da, ibilbide luzea eginikoa. Price Waterhouseko Ikuskaritzako kudeatzailea izan ondoren, Venezuelan lan egin zuen, Nekazaritza eta Ogasun ministeritzetan. Ondoren, Petrolio Partzuergoko auditore burua izan zen. Azkenik, Munduko Bankuan aritu zen,proiektuen ikuskaritza zuzenduz. Orain auditore eta kudeatzaileen prestakuntza lanetan dabil, hitzaldi eta ikastaroak emanez.

Iruñeko Julio Caro Baroja Institutuko ikasle talde bat Kontuen Ganberara etorri da gaur. Bisitaren helburua zen egoitza ezagutzea eta erakundearen zereginetan sakontzea. Dena den, argi dago gaia aurretik landua zutela Ana Beltran irakaslearekin. Izan ere, liburu eder bat ekarri digute opari "ABCDario de la Cámara de Comptos" izenburukoa, Kontuen Ganberari buruzko errefentziez beterik eta dotore ilustraturik.

Parlamentuko Ogasuneko eta Finantza Politikako Batzordeko kideek Kontuen Ganberaren egoitza bisitatu dute gaur goizean. Parlamentarien helburua zen egoitza ezagutzea eta erakundeko ordezkariekin elkartzea.

Parlamentariek Ansoleaga karrikako etxdeari buruzko informazioa jaso dute: XIII. mendeko eraikina da, Iruñeko zaharrena. Ondoren, Helio Robleda presidentearekin eta Kontuen Ganberako idazkari nagusi, auditore, legelari eta Komunikazio arduradunarekin elkartu dira. Parlamentuak lehendakari kargurako aukeratu berri duen Asun Olaetxea auditoreak ere bileran parte hartu du.

Nafarroako Parlamentuak heldu den ostegunean, apirilak 7, izendatuko du Kontuen Ganberako lehendakaria. Hautagaiak aurkezteko epea amaiturik, bakarra dago: Asun Olaetxea, Kontuen Ganberako auditorea. Olaetxearen hautagaiatza gobernuarei babesa ematen dioten lau koalizioek aurkeztu dute: Geroa Bai, EH Bildu, Podemos/Ahal dugu eta Ezkerra. Lau indarrok Parlamentuan gehiengoa dutenez, ustekaberik ezean Olaetxea izendatuko dute lehendakari. Kontuen Ganbera martxan jarri zenetik, lau lehendakari izan ditu: Mariano Zufia (1982-1991), Patxi Tuñon (1991-1996).

San Fermin Ikastolako 1. batxilergoko talde bat bisitan izan da gaur goizean Kontuen Ganberan. Ikasleak Patricia Epalza irakaslearekin etorri dira etxea ezagutzera eta, bidez batez, erakundearen berri jasotzera. Eraikineko barneko patioa eta lehen solairua ikusteaz gain, informazio zabala jaso dute: erakundearen sorrera eta ibilbidea, gaur egungo egoera, antolaketa... Kontuen Ganberatik katedralera joatekoak ziren. Hemendik alde egin aurretik, argazki bat egin dugu barneko patioan, bisitaren oroigarri.

Jaleando musika taldeak kontzertu bat eskainiko du Kontuen Ganberako patioan bihar zortzi, ekainaren 9an, arratsaldeko 8etan hasita. Ekimenaren helburua da Kontuen Ganberaren egoitza ezagutaraztea eta, bide batez, kulturarekin bat egitea. Jaleando taldea hiru gaztek osatzen dute: Luis Gil (gitarra), Jimena Ripa (kantaria) eta Iñaki Lero (perkusioa). Kantari eta talde ezagunen kantuak abesten dituzte, beti ere flamenkoaren ukitua emanez.

Kantaldia arratsaldeko 8etan hasiko da eta sarrera librea da aretoa bete arte.

Vicente Montesinos ekonomia finantziero eta kontabilitateko katedradunak kontabilitatearen etorkizunari buruzko hitzaldi bat eman du Kontuen Ganberaren egoitzan. Montesinos Valentziako Kontuen Ganberako lehendakaria ere izana da. Haren ustez, aldaketa garaia dator kontabilitate publikoan, eta horrek eraginen die diru publikoaren kontrolaz arduratzen direnei. Horrek ekarriko dituen aldaketak nabarmendu ditu gaur goizean Kontuen Ganberan. Kontuen Ganberako teknikariak ez ezik, Nafarroako Gobernuko eta udaletako batzuk ere parte hartzen dira prestakuntza saioan.