Kontuen Ganberako lehendakaria Parlamentuko Mahai eta Bozeramaileen Batzordearen aitzinean agertu da 2016ko programa aurkezteko. Kontuen Ganberak 35 txosten eginen ditu 2016an, horien artean Osasunbideako laborategien bateratze-prozesua, Foru Administrazioiko langileriaren kontratazioaren bilakaera, zerbitzu informatikoen kontratazioa eta Miguel Induarain Fundazioak jasotako diru-laguntzak. Abiadura handiko trenbideak azken urteotan sorturiko gastua ere aztertuko da. Toki sektorean, ohi denez, 10.000 biztanletik gorako udal guztien fiskalizazioa eginen da.

Datorren asteazkenean, arazoak 4, Kontuen Ganberako presidentea Parlamentura joanen da, berriki Nafarroako Ubideko leku ureztarriez eginiko txostena azaltzeko. Agerraldia Landa Garapen, Ingurugiro eta Toki Administrazio Batzordearen aitzinen eginen da, goizeko 9:30etan hasita.

Elizondoko Lanbide Heziketako ikasle talde bat gure egoitzan izan da gaur goizean. Taldearen helburua zen etxea bisitatzea eta, ondoren, Kontuen Ganberak egiten duen lanaren berri jasotzea. Egoitza ezagutu ondotik, kontu-ikuskari batekin elkartu dira, auditoria publikoaz informazioa jasotzeko. Argazkian, baztandarrak kontu-ikuskariarekin.

Estatuko Kontu Epaitegietako presidenteek Asocex izeneko elkartea sortzea erabaki dute kontrol erakundeen arteko harremanak sendotzeko. Duela hogei urtetik argitaratzen den Auditoría Pública aldizkaria zuzentzeaz gain, elkarteak bestelako komunikazio tresnak eta teknikarien prestakuntza indartu nahi du.

Kontu-ikuskaritzaren gakoetako bat da diru publikoaren kudeaketan dauden arriskuei erreparatzea, horretan sakondu eta egin litezkeen irregulartasunak azalarazteko. Horixe aztertzen ari gara Kontuen Ganberan Julio Garcia Muñozen eskutik. Muñoz Gaztela Mantxako Unibertsitateko kontu hartzailea da, eta gai horretan aditua. Bihar arte iraunen duen ikastaroan era askotako arriskuak aztertuko dira: kontratazioan, langilerian edo nominen kudeaketa hobetzeko kontrol informatikoa.

Dos grupos de estudiantes del doble grado de ADE/Derecho de la UPNA han comenzado a realizar prácticas en la Cámara de Comptos a través de un acuerdo entre ambas instituciones. Son una treintena de estudiantes que acudirán a la Cámara de Comptos durante tres jornadas para recibir información sobre la labor de fiscalización del órgano de control y, sobre todo, poner en práctica lo aprendido. En las sesiones participan como docentes tanto el presidente Helio Robleda como varios auditores y letrados.

Nafarroako Udal nagusietako idazkari eta kontu-hartzaileak Kontuen Ganberaren egoitzan elkartu dira. Kontuen Ganberak antolaturiko bileraren helburua zen aurtengo fiskalizazio plana aurkeztea, bereziki udal arloan egin beharrekoa.

Helio Robleda presidenteak ideia bat nabarmendu du: Kontuen Ganberaren kontrola bitarteko egokia izan daitekeela kudeaketa hobetzeko. Ondoren, Jesús Muruzabal auditoreak aurtengo planaren berri eman die eta, azkenik, Nafarroako udaletxeetan martxan jarri nahi den Kostu eta adierazle sistemari buruz hitz egin da.

Kontuen Ganberako presidente Helio Robleda Parlamentuko Sustapen Batzordean agertu da, “itzalpeko bidesari”aren bidez eginiko azpiegiturak aztertzen dituen txostena azaltzeko. Bilera hasi aurretik, komunikazio arduradunak horrela laburbildu du txostena.

Parlamentuko Sustapen Batzordeak "Itzalpeko ordainsari"ei buruzko txostena aztertuko du bihar, goizeko 10etatan hasiko den bileran. Iazko abenduan kaleratutako txostenaren helburua zen "itzalpeko ordainsari"aren bidez eginiko inbertsioen emaitza aztertzea. Hiru dira: Bideko autobidea, Piriniokoa eta Nafarroako urtegiaren eremuan ureztaturiko eremuak. Txostenak dioenez, 2007-2013 epean Nafarroak 260 milioi ordaindu zituen hiru azpiegituren kanona ordaintzeko. 2013ko kostua 67 milioikoa izan zen, ohiko gastuen %12.

Kontuen Ganberako lehendakaria Parlamentuko Garapen Ekonomikorako Batzordearen aitzinean agertuko da heldu den asteazkenean, otsailak 24, Iberdrolaren akzioen salerosketari buruzko txostena azaltzeko. Agerraldia goizeko 9:30etan hasiko da.