Kontuen Ganberak Nafarroako udal eta gainerako toki entitateek jasotako kapital transferentziak aztertu ditu plazaratu berri duen txosten batean. Orain dela bi urte, Gobernuak enpresa, familia eta irabazi asmorik gabeko erakundeei emaniko laguntzak aztertu ziren. Oraingoa haren jarraipena da.

Txostenak dioenez, 2012an Gobernuak 45 milioiko kapital transferentziak eman zizkion toki administrazioari. Zenbatekoaren bilakaera ikusita, begi-bistakoa da krisiaren ondorioa. Izan ere, 2008an 140 milioiraino heldu zen, geroztik jaisten hasteko.

Kontuen Ganberak Parlamenturako azken hauteskundeetan ordezkaritza lortu zuten alderdi eta koalizioen kontuak aztertu ditu. Legeak aginduriko txostena da, emaitzengatik dagozkien diru-laguntzak kobratu ahal izateko.

Kontuen Ganberak argi dio fiskalizazioa mugatua dela: batetik, ezin duelako aztertu alderdien kontabilitatea, hori Madrilgo Kontu Epaitegiaren eskumena baita; eta, bestetik, hemen Parlamenturako Hauteskundeek eraginiko gastua aztertzen bada ere, udal hauteskundeak ere egin zirelako. Hortaz, askotan ez da erraza gastu bakoitza bietako zeini dagokion erabakitzea.

.

Nafarroako Kontuen Ganberak Arartekoaren iazko kontuak aztertu ditu. Jakina denez, Arartekoaren zeregina da biztanleriaren eskubideak defendatzea, bereziki administrazioen gehiegikerietatik. Oraingo Artartekoa Javier Eneriz da. 2007an aukeratu zuten, sei urterako, eta duela bi urtetik jardunean segitzen du, Parlamentuak ez baitu berria aukeratzeko prozesua martxan jarri.

Txostenak dioenez, erakundeak iaz 640.000 euro gastatu zuen, gehienak langilerian: 430.000 euro. Arartekoan zazpi lagun ari dira lanean, horietako lau arartekoaren konfiantzako profesionalak, aldi bateko kontratudunak.

Nafarroako Kontuen Ganberak Berriozarko Udalaren iazko kontuak aztertu ditu. Txostenak aurrekontu kitapena, ondare egoera, legezkotasuna eta finantza-egoera ditu aztergai.

Txostenak dioenez, Berriozarko Udalak iaz sei milioi eta erdi gastatu zuen. Diru-sarrerak, berriz, 6,3 milioikoak izan ziren. Gastu nagusiak honakoak dira: langileria (3,3 milioi), beste ohiko gastu eta zerbitzuen gastuak (1,6 milioi) eta inbertsioak (675.000 euro).

Diru-sarrerei dagokienez, transferentziek 2,9 milioi egin zuten, zuzeneko zergek 2,3 milioi eta udal prezio publikoek 900.000 euro.

Kontuen Ganberak Nafarroako Ubideak ureztaturiko zona handitzeko eginiko esleipena aztertu du. Txostena PSN, Bildu, Aralar-Nafarroa Bai eta Ezkerra parlamentari-taldeek eskatu zuten.

Kontratua INTIA sozietate publikoak egin zuen, itzalpeko ordainsaria sistemaren bidez, 15.000 bat hektarea ureztatzeko asmoz. Sistema horren arabera, esleipena irabazten duen enpresak egiten ditu obra-lanak, ureztaturiko zonak 30 urtez kudeatzen ditu, eta INTIAk eta laborariek ordainduriko kanonei esker berreskuratzen du inbertsioa.

Nafarroako Kontuen Ganberak Tuterako Udalaren iazko kontuak aztertu ditu. Txostenak honako gaiei buruzko iritzia eman du: aurrekontu-betetzea, ondare egoera, legezkotasuna eta udalaren finantza-egoera. Tuterako Udalak bi erakunde autonomo ditu: Uren Udal Batzordea eta Castel Ruiz Kultur etxea.

Tuterako Udalaren gastua 35 milioi izan zen; diru-sarrerak ere berdintsuak izan ziren: 35,5 milioi. Gastu nagusiak honakoak dira: langileria (15,9 milioi), ohiko ondasun eta zerbitzuak (12,8 milioi) eta finantza pasiboak (3,4 milioi).

Nafarroako Kontuen Ganberak Zizur Nagusiko Udalaren iazko fiskalizazio txostena argitaratu du. Bertan, honako gai hauek aztertzen dira: aurrekontu kitapena, ondare egoera, legezkotasuna eta udalaren finantza egoera.

Zizur Nagusikoa 14.100 biztanleko udalerria da. Udalaz gain beste hiru udal erakunde ditu: Musika Eskola, Kultur Patronatua eta Ardoi Kirol Patronatua. Guztira, 114 udal langile daude: 99 udalekoak eta 15 Musika Eskolakoak.

Nafarroako Kontuen Ganberak Foru Administrazioak baso-ustiapena sektoreko enpresa batzuetan eginiko inbertsioak aztertu ditu.

Txostena egiteko eskaera Parlamentuak egin zuen, Ezkerra taldeak bultzaturik. Parlamentuak honakoa aztertzeko eskatu zion Kontuen Ganberari: Deltor Green, F.I. Excavaciones y Reforestaciones eta Plantaciones Forestales enpresetan sarturiko diru publikoa eta Gobernuak eta enpresa publikoek aipaturiko enpresekin eginiko kontratuak.