Nafarroako Comptos Ganberak toki sektoreari buruzko txostena ezagutarazi du. Txostenak udal egitura, araudia eta udal erakundeen finantza egoera aztertzen ditu. Datuak 2008ko abenduaren 31koak dira.

Comptos Ganberak dioenez, Nafarroako toki erakundeak 708 dira: 272 udal, 352 kontzeju, 84 udalaz gaindiko erakunde, 75 erakunde autonomo, 66 mankomunitate, 23 udal enpresa, 11 partzuergo eta 13 fundazio.

Txostenak emaniko datuen arabera, Nafarroako toki erakundeen diru-sarrerak 1.080 milioikoak izan ziren. Gastuek, berriz, 1.056 milioi egin zuten.

Nafarroako Kontuen Ganberak Lekunberriko Udalari buruzko fiskalizazio txostena plazaratu du. Txostenak kontu orokorra, legezkotasuna eta Lekunberriko Udalaren finantza-egoera aztertu ditu.

Lekunberriko udalak 4 milioi gastatu zituen 2010ean, eta bost milioi bildu. Gastuetan inbertsioak dira garrantzitsuenak: 1,6 milioi. Ondasun eta zerbitzu arrunten gastuak 650.000 eurokoak izan ziren, transferentzia arruntak 600.000 euro, eta finantza gastuetan beste horrenbeste. Langileriari dagokionez, milioi erdi euroko gastua izan zuen.

Nafarroako Kontuen Ganberak 500 biztanletik beherako udalerrien egoerari buruzko txostena kaleratu du. Horren bitartez, Nafarroako udal txikienen egoeraren berri emateaz gain, kudeaketa-arazo nagusiak ere ezagutu nahi zituen.

Txostenak udalen arlo gehienak aztertu ditu, hala nola zerbitzuak, langileria, zergak eta hirigintza. Informazio orokorraz gain, eranskin moduan udal bakoitzari dagokion fitxa dakar. Bertan udalerri bakoitzaren aurrekontu datu nagusiak, azken urteotako eboluzioa eta bataz bestekoarekiko konparazioa bildu dira.

Nafarroako Kontuen Ganberak Eguesibarreko Udalaren 2010eko fiskalizazio txostena kaleratu du. Txostenak kontu orokorra, legezkotasuna, udalaren finantza-egoera eta azken urteotan eginiko gomendioen jarraipena aztertu ditu.

Eguesibarreko Udalerriko biztanleria nabarmen handitu da azken urteotan. Duela bost urte 5.000 biztanleko udalerria zen eta gaur egun 16.000 langun bizi dira hango herrietan, gehienak Sarrigurren eta Gorraitzen.

Nafarroako Kontuen Ganberak Atarrabiako Udalaren fiskalizazio txostena ezagutarazi du. Txostenak 2011ko aurrekontu kitapena, ondare egoera, legezkotasuna eta finantza egoera aztertu ditu.

Txostenak dioenez, Atarrabiako Udalak 8,2 milioi gastatu eta 8,4 bildu zituen. Gastu nagusiak honakoak dira: langileria (%55), ohiko gastu eta zerbitzuak (%31), inbertsioak (%8) eta finantza-zama (%6). Diru-sarrerei dagokienez, %55 transferentziak dira, %43 zergen bidezko sarrerak eta %2 ondarearen salmentatik lortu da.