Santa Cecilia Elkartea 1879an sortua da, musika bultzatzeko. Bazkide zerrendarik ere ez du eta, beraz, Iruñea eta Tuterako kontzertuetara joaten direnak hartzen dira erreferentziatzat: 1.700 lagun.
Tasubinsa sozietate anonimoa da, minusbaliatuak lan-merkatuan sartzeko helburu duena. 1989an sortu zen, Anfasen eta Nafarroako Gobernuaren arteko hitzarmenak bultzaturik. Enpresaren jabeak Anfas eta ONCE itsu elkartearen fundazioa dira.
Tuterako Udealak iaz 34 milioi gastatu eta 35 milioi bildu zituen. Gastu nagusiak honakoak dira: langileria (15 milioi), ohiko ondasun eta zerbitzuak (13 milioi) eta inbertsioak (1,8 milioi). Aurrekontu emaitzak milioi euroko superabita eman zuen.
Nafarroako Kontseilua gure lurraldeko aholku-emaile gorena da. Zazpi kidek osatzen dute, bost Parlamentuak aukeratuak eta beste biak Gobernuak proposatutakoak. Beste antzeko erakundeetako kideak profesionalak badira ere, Nafarroan bestelako eredu baten aldeko apustua egin zen, kideek ez baitute soldatarik kobratzen, ordain-sariak baizik bileretara joateagatik. Kontseiluaren plantilla organikoan bi lanpostu daude: legelaria eta idazkaria.
Orkoiengo udalak Iturgain hirigintza sozietatea du. 1998an sortu zen, etxebizitzak bultzatzeko. Gaur egun, ordea, alokairuan dituen etxebizitza batzuk kudeatu besterik ez du egiten.
Eguesibarreko Udalak 2004an sortu zuen Andacelay enpresa, bereziki herriko hirigintza kudeatzeko.
Idazkariari dagokionez, 1989az geroztik ari da lanean. 2008an Baldorbako udaletako zerbitzuak batzeko elkartea sortu bazen ere, Leotzeko Udalak idazkariarekin segitu zuen. Zuzenbidean lizentziaduna ez denez, Udalak kanpoko aholkularitza juridikoa kontratatu behar du lege-kontuei aurre egiteko.
Baldizarbeko Mankomunitatea hondakin eta uraren kudeaketaz arduratzen da. Garesen du egoitza eta inguruko hamahiru udalerriri ematen dio zerbitzua. Batzorde Nagusiaz gain, beste bi organo nagusia Presidentzia eta Batzorde Nagusia dira. Zerbitzuen kudeaketarako enpresa bat sortu zen: "Servicios Arga Valdizarbe", gaur egun 23 langile dituena.