Kontuen Ganberak Orkoiengo Udalari buruzko txostena kaleratu du. Txostena Parlamentuak eskatu zuen, Bildu-Nafarroa taldeak eginiko eskariaren ondorioz. 2013ko kontuak aztertzeaz gain, azken urteotako bilakaera ere aztertu da.

Orkoiengo udalak Iturgain hirigintza sozietatea du. 1998an sortu zen, etxebizitzak bultzatzeko. Gaur egun, ordea, alokairuan dituen etxebizitza batzuk kudeatu besterik ez du egiten.

Kontuen Ganberak Egues Ibarreko Udalaren Andacelay enpresak erositako partaidetza preferenteen erosketa aztertu du, gaur ezagutarazitako txosten batean. Txostena Parlamentuak eskatu zuen, PSN taldearen ekimenez. Txostenaren helburua hirukoitza da: batetik, erosketaren dokumentazioa aztertzea; bestetik, eragiketaren gardentasunaz iritzia ematea; eta, azkenik, emaitzaren berri ematea.

Eguesibarreko Udalak 2004an sortu zuen Andacelay enpresa, bereziki herriko hirigintza kudeatzeko.

Kontuen Ganberak Leotzeko Udalari buruzko txostena kaleratu du, bertako Hiru Erreka udal taldeak eginiko eskaerari erantzunez. Txosten mugatua da, honako hiru kontuok aztertu dituena: alkatea eta idazkariaren ordainsariak, Orbalan sozietatearen kudeaketa eta langileriaren kontratazioa.

Idazkariari dagokionez, 1989az geroztik ari da lanean. 2008an Baldorbako udaletako zerbitzuak batzeko elkartea sortu bazen ere, Leotzeko Udalak idazkariarekin segitu zuen. Zuzenbidean lizentziaduna ez denez, Udalak kanpoko aholkularitza juridikoa kontratatu behar du lege-kontuei aurre egiteko.

Nafarroako Kontuen Ganberak Baldizarbeko Mankomunitateari buruzko txostena plazaratu du. Mankomunitateko Batzorde Nagusiak berak eskaturiko fiskalizazioak honako gai hauek aztertu ditu: 12ko kontu orokorra, legezkotasuna eta finantza-egoera.

Baldizarbeko Mankomunitatea hondakin eta uraren kudeaketaz arduratzen da. Garesen du egoitza eta inguruko hamahiru udalerriri ematen dio zerbitzua. Batzorde Nagusiaz gain, beste bi organo nagusia Presidentzia eta Batzorde Nagusia dira. Zerbitzuen kudeaketarako enpresa bat sortu zen: "Servicios Arga Valdizarbe", gaur egun 23 langile dituena.

Nafarroako Kontuen Ganberak Moderna planari buruzko txostena kaleratu du. Txostena Parlamentuak eskatu zuen, Bildu-Nafarroa taldearen eskaeraren ondorioz. Txostenaren helburua da Gobernuak Moderna egitasmoan gastaturikoa zehaztea, eta haren jarduera eta kontuez iritzia ematea.

Txostenak dioenez, 2008an Nafarroako Gobernuak, Enpresarien Elkarteak eta UGT eta CCOO sindikatuek hitzarmen bat sinatu zuten lurraldeko garapen jasangarria bultzatzeko. Ezagutzan oinarrituriko ekonomia helburu nagusitzat harturik, Anain enpresaren esku utzi zuten planaren zehaztapena.

Kontuen Ganberak Nafarroako Kontseiluaren 2014ko kontuak aztertu ditu.

Nafarroako Kontseilua gure lurraldeko aholku-emaile gorena da. Zazpi kidek osatzen dute, bost Parlamentuak aukeratuak eta beste biak Gobernuak proposatutakoak. Estatuko beste antzeko erakundeetako kideak profesionalak badira ere, Nafarroan bestelako eredu baten aldeko apustua egin zen, kideek ez baitute soldatarik kobratzen, ordain-sariak baizik bileretara joateagatik. Kontseiluak bi langile ditu: legelaria eta idazkaria, biak Gobernuko funtzionarioak.

Kontuen Ganberak Gobernuak Nafarroako Kutxari eginiko ikuskaritza-lana aztertu du gaur kaleraturiko txosten batean. Parlamentuak eskatu zuen txostena, PSN eta Bildu taldeen eskariaren ondorioz.

Txostenak 1982tik 2011ra arteko epea aztertu du: Foru Hobekuntza onartu zenetik, Nafarroako Kutxa Banca Cívican sarturik finantza entitatea izateari utzi zion arte. Jakina denez, urte bete geroago desagertu egin zen, CaixaBankek bereganatuta. Orduan, gizarte-ekintza eta bere ondarea kudeatzen dituen fundazio bihurtu zen.

Nafarroako Kontuen Ganberak Erronkariko Mankomunitatearen 2012ko kontuak aztertu ditu kaleratu berri duen txostenean. Txostenak Parlamentuak eskatu zuen, UPN taldeak bultzatuta.

Erronkariko Mankomunitatea elkarte tradizionala da, ibarreko baliabideak kudeatzeko, batez ere larre eta zuhaiztiak. Halaber, Erronkariko ekonomia bultzatzea du helburu.

Nafarroako Kontuen Ganberak Atarrabiako Udalaren fiskalizazioa kaleratu du. Bertan, ohi denez, 2012ko kontu orokorra, legezkotasuna eta finantza egoera aztertu dira. Aurreko txostenetan emaniko gomendioen jarraipena ere egin da.

Txostenak dioenez, Atarrabiako Udalak 7,7 milioi gastatu zituen iaz, eta 8,8 bildu. Langileriarena da diru-sail handiena: 4,4 milioi. Ohiko ondasun eta zerbitzuetan bi milioi gastatu ziren, ohiko transferentzietan milioi erdia eta antzeko zerbait inbertsioetan.

Nafarroako Kontuen Ganberak 2012ko kontu orokorrei buruzko txostena plazaratu du. Bertan, ohi denez, nafar ogasunaren egoera aztertzen da. Txostenak Gobernuaren kontuak ez ezik, elkarte eta fundazio publikoenak, eta Parlamentuaren eta haren menpeko erakundeenak ere biltzen ditu.

Txostenak 2012ko aurrekontu betetzea, legezkotasuna eta Nafar Ogasunaren finantza-egoera aztertu ditu. Aurrekontu oreka lortzeko iragarritako aurreikuspenak zenbateraino bete diren ere aztertu da.