Eguesibarko Udala, 2013
/

Nafarroako Kontuen Ganberak Egues Ibarreko Udalaren 2013ko fiskalizazio txostena argitaratu du. Txostenak aurrekontu-kitapena, legezkotasuna, finantza-egoera eta azken urteotako gomendioen jarraipena aztertu ditu.

Egues Ibarreko udalak hamar kontzeju ditu eta beste zortzi leku eta jaurerri. Azken urteotan, Egues Ibarreko biztanleria nabarmen handitu da. 2006koa halako hiru da gaur egun. Eguesek orain 18.400 biztanle ditu, gehienak Sarrigurenen eta Gorraitzen.

Antsoaingo Udala (2013)
/
Nafarroako Kontuen Ganberak Antsoaingo Udalaren 2013ko fiskalizazioa ezagutarazi du. Txostenak honako gai hauek aztertzen ditu: aurrekontu betetzea, ondare egoera, legezkotasuna eta Udalaren eta haren erakunde autonomoaren finantza-egoera. Antsoaingo Udalaren patronatu bakarra kirol eta kultur arloaz arduratzen den Gazte-Berria da. Antsoainek 10.976 biztanle ditu.

Kontuen Ganberak dioenez, udalak aurkezturiko kontu orokorrak ongi islatzen du urteko ekonomia jarduera. Salbuespen bakarra ondasun-zerrenda da, 1995etik gaurkotu gabe dagoelako.

Estella-Lizarrako Udala, 2014
/

Nafarroako Kontuen Ganberak Lizarrako Udalari buruzko txostena kaleratu du. Bertan honako gai hauek aztertzen dira: 2014ko kontu orokorra, legezkotasuna, finantza egoera eta azken urteotako gomendioen jarraipena.

2014ko ekitaldian, Lizarrako Udalak 10,8 milioi gastatu zuen. Diru-sarrerak, berriz, 11,5 milioikoak izan ziren. Gastuetan langileriarena da handiena: 5,5 milioi. Bigarrena ohiko ondasun eta zerbitzuen erosketa da, hiru milioirekin. Ohiko transferentzietan 1,2 milioi gastatu zen, eta inbertsioetan 900.000 euro.

Foru ogasunak Osasunarekin izaniko harremanak eta taldearen zorra kitatzeko 26/2014 Foru Legearen aplikazioa
/

Nafarroako Kontuen Ganberak Ogasun Departamentuaren eta Osasun futbol taldearen arteko harremanak aztertu ditu gaur Parlamentuan aurkezturiko txostenean. Iazko abenduan Osasunaren zorraren zati nagusia kitatzeko onartu zen foru legeak aurreikusia zuen txostena. Orduan, Nafarroako Gobernuak zein Parlamentuak lan hori egiteko eskatu zioten Kontuen Ganberari.

Parlamentuaren eta Gobernuaren eskaera 2005-2014 epera mugatzen bazen ere, Kontuen Ganberak 2015eko lehen hilabeteetan izaniko harremanak ere aztertu ditu. Horrela, legearen aplikazioa ere aztertzeko aukera izan du.

Atarrabiako Udala (2014)
/
Nafarroako Kontuen Ganberak Atarrabiako Udalaren fiskalizazioa kaleratu du. Txostenak, 2014ko kontu orokorra, legezkotasuna eta finantza egoera aztertu ditu. Aurreko txostenetan emaniko gomendioen jarraipena ere egin da.

Txostenak dioenez, Atarrabiako Udalak 7,3 milioi gastatu zuen, eta 8,2 bildu. Gastu nagusiak honakoak dira: langileria (4,4 milioi), ohiko gastuen eta zerbitzuen erosketa (1,8 milioi) eta ohiko transferentziak (540.000 euro).

Eguesibarko Udala (2012)
/
Nafarroako Kontuen Ganberak Eguesibarreko Udalari buruzko txostena argitaratu du. Txostenak honako gai hauek aztertzen ditu: 2012ko kontuak, legezkotasuna, finantza egoera eta azken txostenetan bilduriko gomendioen jarraipena.

Kontuen Ganberak, berriki, Udal enpresa batek erositako preferenteei buruzko txosten bat argitaratu du. Kontuen Ganbaera udal kudeaketaren beste arlo bat ere aztertzen ari da: udal enpresek hirigintza eta kontratazio arloan eginiko kudeaketa, hain zuzen. Horren emaitza aurten kaleratuko den beste txosten batek jasoko du.

Tafallako Udala (2013)
/
Nafarroako Kontuen Ganberak Tafallako Udalaren 2013ko fiskalizazio txostena plazaratu du. Txostenak honako gai hauek aztertzen ditu: kontu orokorra, legezkotasuna, finantza egoera eta azken urteotako txostenetan eginiko gomendioen jarraipena.

Txostenak dioenez, Tafallako Udalak eta haren erakunde autonomoek (Musika Eskolak, Kultura eta Kirol Patronatuak) 10,8 milioi gastatu zituzten. Diru-sarrerak ere berdinak izan ziren.

Foruzaingoa (2013)
/

Kontuen Ganberak Foruzaingoaren egoera aztertu du kaleratu berri duen txosten batean. Bertan, besteak beste, honako gai hauek aztertzen dira: langileria, Foruzaingoaren neurria, beste erkidegoetako poliziekin alderatuta eta azken urteotako gastuaren bilakaera.

Aezkoako Ibarra (2012)
/
Nafarroako Kontuen Ganberak Aezkoako Ibarraren 2012ko kontuak aztertu ditu, gaur Parlamentuan aurkezturiko txostenean. Parlamentuak berak eskatu zuen txostena, UPNren eskaria onartu ondoren.

Aezkoako Ibarra udal erakunde tradizionala da. Erakundea osatzen duten iparraldeko bederatzi herriek 954 biztanle dituzte.

Nafarroako Unibertsitate Publikoa (2014)
/
Kontuen Ganberak Unibertsitate Publikoari buruzko txostena kaleratu du. Txostenak honako gai hauek aztertu ditu: 2014ko kontuak, finantza egoera eta aurreko txostenetan eginiko gomendioen jarraipena.

2014an, NUPk 70,5 milioi gastatu eta 71,4 bildu zuen. Langileria da gastu handiena: 51 milioi. Bigarren gastu handiena ohiko ondasun eta zerbitzuena da: 13 milioi. Inbertsioetan 3,8 milioiko gastua egin zen.

Subscribe to