Kontuen Ganberak En resumidas cuentas podkasta sortu du, diru publikoaren kudeaketari eta kontrolari buruzko edukiak eskaintzeko. Gai honen inguruko lehen podkasta da. Anne Martiarena eta Fermin Erbiti kazetariek egingo dute, Roberto Elizalderen laguntzarekin, edizio lanetan.
Kontuen Ganberako lehendakari Ignacio Cabeza Diputatuen Kongresuan agertuko da bihar, pandemia garaiko osasun-materialaren erosketa aztertzen ari den ikerketa batzordearen aitzinean. Batzordeak gaiari buruzko txostenak eginak dituzten zazpi kontu epaitegietako buruei deitu die. Cabeza agertzen lehena izanen da. Haren agerraldia arratsaldeko lauretarako dago iragarria.
Joan den ostiralean, Mari Paz Benito epaileak "Kontuen Ganberako Topaketan" parte hartu zuen. Ekimen honen helburua, gure egoitzara gure komunitateko bizitza sozial, politiko, ekonomiko eta kulturaleko pertsonaiak hurbiltzea da.
Ignacio Cabeza, Kontuen Ganberako lehendakaria, Akitania Berriko Eskualde eta Lurralde Kontuen Ganberako ordezkari nagusiekin bildu da. Bilera horren helburua erakundeen arteko lotura indartzea zen, bizipenak eta etorkizuneko misioak partekatuz. Kontrolen programazioa ere landu da.
Joan den ostiralean, Baionako Udaletxean egin zen bilkuran, Euskaltzaindiak ohorezko 21 akademiko izendatu zituen eta beste 9 euskaltzain urgazle.
Euskaltzain urgazleen artean, gure lankide bat dago: Fermin Erbiti, Kontuen Ganberako komunikazio-arduraduna.
Berrehun bat lagun elkartu dira Nafarroako Administrazio Publikoaren Institutuaren egoitzan, diru-laguntzen kudeaketa eta kontrola aztertzeko. Jardunaldia Kontuen Ganberak, Nafarroako Kontu-Hartzailetzak eta NAPIk antolatu dute. Gaur zortzi, jarripena izanen du.
Nafarroako Unibertsitate Publikoko ikasle talde bat bisitan izan da Kontuen Ganberan, Kudeaketa Publikoa ikasgaiko irakasle Fermin Cabasesekin. Egoitza erakusteaz gain, ikasleek erakundearen historia, funtzioak eta instituzioaren antolaketa ezagutu dituzte. Karen Moreno auditoreak horri buruzko hitzaldia eman die.
Kontu Epaitegiko Luis Rueda García fiskalak kontu-erantzukizunari buruzko hitzaldi bat eman du Iruñeko Kondestable jauregian. Kontuen Ganberak antolaturiko ekitaldian ehun bat lagunek parte hartu dute, gehienak foru Administrazioko, udaletako eta Kontuen Ganberako teknikariak.
Kontuen Ganberak kontabilitate-erantzukizunari buruzko jardunaldi bat antolatu du. Heldu den asteartean eginen dugu, apirilak 16, Iruñeko Kondestable jauregian. Hizlaria Espainiako Kontu Epaitegiko fiskal Luis Rueda izanen da. Jadunaldiak goizeko 9:30ean hasi eta 12:30ean amaituko da. Parte hartzeko izena eman behar da, Kontuen Ganberara deituta: 848 421 400
Sancho el Mayor elkarteko kideak bisitan izan ziren atzo Kontuen Ganberan. Barneko patioa eta lehen solairua erakusteaz gain, Kontuen Ganberaren historiaz eta gaur egungo zer eginez hitz egin genien.
Irudia, elkarteko kideak patioan.