Kontuen Ganberako lehendakaria Sodena sozietate publikoak Parquenasa enpresari eginiko diru-ekarpenei buruzko txostena aurkeztu du Parlamentuan. Txostena EH Bildu taldeak eskatua egin zen. Parquenasa Senda Viva parke naturala kudeatzen du.
Ignacio Cabeza Kontuen Ganberako lehendakaria Xabier Alcuaz Nafarroako Udal eta Kontzejuen Federazioko lehendakariaren elkartu da gaur goizean. Bilera Alcuaz bere karguaz jabetu ondoren egiten ari den protokolo-bisitetako bat da.
Gaur eguerdian, amaiera eman zaio Sevillan udalen informazio finantzarioaren eta datuen kontrolari buruzko jardunaldiari. Bi eguneko prestakuntza saioa izan da. Atzo hasi zen, Pablo Arellano Estatuko kontu-hartzaile nagusiaren hitzaldiarekin. Sevillako jardunaldietan kontu interesgarriak izan dituzte hizpide, beste beste zibersegurtasuna, digitalizazioa, alogaritmoen erabilpena eta barne kontrola. Kontuen Ganberak lau ordezkari izan ditu: Ignacio Cabeza lehendakaria, Jose Contreras idazkari nagusia, Jose Javier Garcia auditorea eta Esperanza Garcia auditoretzako teknikaria.
Gure lehendakaria, Ignacio Cabeza, Estatuko kontu epaitegietako ordezkariekin eta Kontuen Auzitegiko Koordinazio Batzordearekin bildu zen atzo, toki-erakundeetako emisio gutxiko eremuen fiskalizazioaz hitz egiteko.
Gure lehendakaria, Ignacio Cabeza, Estatuko kontu epaitegietako ordezkariekin eta kontuen Auzitegiko Koordinazio Batzordearekin bildu zen atzo, autonomia-erkidegoetan etxebizitza babestuaren sustapenaren eta kudeaketaren fiskalizazioari buruz hitz egiteko. Garrantzi sozial berezia duen arloa.
Gaur goizean, gizarte-kontabilitateari buruzko prestakuntza saio bat egin dugu. Nafarroako Gizakia Helburu Fundazioko bi arduradun etorri zaizkigu horren berri ematera: Alfonso Arana gerentea eta Kristina Illescas zuzendari teknokoa. Hitzaldiaren helburua zen fundazioaren lana ezagutzea eta, batez ere, diru-laguntzen itzulera sozialaz egina duten azterketaren berri jasotzea.
Kontuen Ganberako lehendakari Ignacio Cabeza Parlamentuko Osasun Batzordearen aitzinean agertu da gaur goizean. Bertan, erakundeak berriki argitaraturiko txosten bat aurkeztu du: itxaron-zerrenden kudeaketa. Agerraldia UPNk eta EH Bilduk eskatu zuten.
Ignacio Cabeza, Kontuen Ganberako lehendakaria, Parlamentuko Osasun Batzordearen aitzinean agertuko da etzi, urriak 25, Osasunbideko itxaron zerrenden kudeaketari buruzko txostena azaltzeko. Txostenak itxaron zerrenden egoera aztertzen du, ikuspegi zabal eta orokorretik. Arazo korapilatsu eta orokortua gainditzeko gomendioak ere eskaintzen ditu. Batzordearen bilera goizeko 9:30ean hasiko da.
Kontuen Ganberako lehendakari Ignacio Cabezak Asocex elkarteko kideen bileran parte hartu du gaur eguerdian Sevillan, Andaluziako kontu epaitegiko egoitzan. Asocex Estatuko autonomietako kontu epaitegiek osatua da. Gaurko bileran presidente guztiak izan dira.
Presidenteek fiskalizazio gida batzuk onartu dituzte, honako gaiei buruzkoak: langileriaren gastuak, ondasun eta zerbitzuen erosketa, diru-laguntza, zibersegurtasuna eta informazio teknologiak. Energia-eraginkortasunaz eta hezkuntza arloko digitalizazioaz egin nahi duten lanen inguruan ere mintzatu dira.
Kontu auzitegi autonomietako ordezkariak Estatuko Kontuen Auzitegiko presidente Enriqueta Chicanorekin elkartu dira gaur arratsaldean. Bileraren helburua da erakunde bakoitza aurten egiten ari den lanaren berri ematea eta, batez ere, heldu den urteko helburuez hitz egitea. Kontuen Ganberaren izenean Ignacio Cabezak hartu du parte. Bilera amaituta, Enriqueta Chicanok kontrol erakundeek komunikazioaren aldeko apustua egin behar dutela adierazi du. Haren hitzetan, "oso garrantzitsua da biztanleriarengana heltzea, gure lanaren berri emateko".