Heldu den asteartean, hilak 9, Helio Robleda Parlamentuko Kultura, Kirol eta Gazteria batzordearen aitzinean agertuko da. Agerraldiaren helburua da Pablo Sarasate Fundazioaren eta Santa Zezilia elkartearen arteko harramanaz berriki eginiko txostena aurkeztea. Aipaturiko bi entitateek Nafarroako Orkestra Sinfonikoa kudeatzen dute

Kontuen Ganberako presidenteak kontrol erakundeen aldaketaz mintzatu da gaur Madrilen, bertako Jurisprudentzia Akademia eta Kontu Epaitegiak antolaturiko jardunaldian. Helio Robledak azpimarratu duenez, Espainiako kontrol eredua ez da batere egokia oso politizatua dagoelako. Haren ustez, kontuen epaitegien sinesgarritasunak bestelako erakundeak behar ditu: independenteak, teknikoak eta eraginkorrak, kalitate handiko txostenak eginen dituztenak. Halaber, "arrisku handiko kudeaketa-arlo"ek arreta berezia behar dutela esan du: diru-laguntzak, herri-lanak eta hirigintza, besteak beste.

Jorge Urdanoz filosofia irakasleak "Kontuen Ganberako topaketetan" parte hartuko du bihar. Ekimenaren helburua da arlo ezberdinetako profesionalak gure egoitzara ekartzea, hemengo teknikariekin hitz egin dezaten. Urdanoz Nafarroako Unibertsitate Publikoko irakaslea da eta politikari loturiko zenbait saiakera argitaratu ditu, azkena "Veinte destellos de ilustración electoral (y una página web desesperada)". Ekitaldia eguerdiko ordu batean hasiko da.  .

Heldu den ostegunean, urtarrilak 29, Helio Robleda Parlamentura joanen da sindikatu eta enpresarien elkarteak jasotako diru-laguntzei buruzko txostena aurkeztera. Txostena Parlamentuak berak eskatu zuen, PP talde parlamentarioak eginiko eskaeraren ondorioz. Abenduan kaleratutako txostenak dioenez, UGT eta CCOO sindiaktuek eta CEN enpresarien elkarteak 2011tik 2013ra 54 milioiko diru-laguntzak jaso zituzten. Laguntza horiek enplegua bultzatzeko helburua zuten. Kontuen Ganberak 2012an antzeko txosten bat kaleratu zuen 2008 eta 2012 arteko laguntzak aztertzeko.

Nafarroako Parlamentuko Mahai eta Eledunen Batzarrak Kontuen Ganberako hurrengo lehendakaria aurkezteko bidea abiarazi du. Gaurko bileran martxoaren 4ra arteko epea finkatu du parlamentu taldeek hautagaiak aurkez ditzaten. Gogoratzekoa da Helio Robleda lehendakariak otsailaren 18an amaituko duela sei urteko agintaldia. Robledak ez du berriro kargua hartzeko hautagai izan nahi. Otsailaren 18tik, beraz, jardunean ariko da, hurrengo lehendakaria lanean hasi arte.

Telefonicako jubilatu talde bat gure egoitza ikustera etorri da gaur goizean. Etxea ikusi ondoren, Kontuen Ganberaren zereginak azaldu dizkiegu. Bkisita amaitu aurretik, argazki bat egin diegu barneko patioan.

Kontuen Ganberako teknikariek eta Gobernu eta udaletako teknikari batzuek aurrekontu-egonkortasunari buruzko ikastaro batean parte hartu dute. Ikastaroa Kontuen Ganberan egin da, atzo eta gaur. Ikastaroa Antonio Lopez Finantza Zuzenbideko katedradunak eta Eloy Moran kontu ikuskari galiziarrak eman dute.

Unibertsitate Publikoko EAZ (Enpresen Administrazio eta zuzendaritza) eta Zuzenbidea gradu bikoitzeko ikasleendako ikastaroa amaitu da. Ekimena Kontuen Ganberaren eta Unibertsitate Publikoaren arteko hitzarmenari esker burutu da. Graduko seigarren mailako ikasleei zegoen zuzenduta, eta 25 ikaslek parte hartu dute, bi taldetan banaturik. Kontuen Ganberako zein NUPko arduradunek oso positibotzat jo dute emaitza eta, beraz, hurrengo urteetan ere eginen delakoan daude.

Ignacio Cabeza Kontuen Ganberako auditoreak hitzaldi bat emanen du gaur Bartzelonan, "Arriskuaren kudeaketa sektore publikoan" lemapean antolaturikoo jardunaldian. Jardunaldia Kataluniako kontu-ikuskarien elkargoak antolatu du. Cabezasek auditoreek udal eta gainerako toki entatateak aztertzerakoan kontun hartu behar dituzten "arrisku-arlo"ez mintzatuko da.

Iruñeko Maria Inmaculada Lanbide Heziketako ikasle talde bat gure egoitza bisitatzera etorri da gaur, Maite Yarnoz irakaslearekin. Kontuen Ganberaren egoitzaren berri jaso ondoren, instituzioaren zeregina azaldu zaie. Ondoren, hori dena azaltzen duen bideoa ikusi dute. Bisita amaitu aurretik, patioan elkartu ditugu argazkia ateratzeko.