ASOCEX
Tafallako Politeknikoko bi talde gure egoitzan izan dira gaur goizean, Kontuen Ganberaren berri jasotzeko asmoz. Lehen taldea Administrazio Kudeaketa ziklokoa eta bigarrena, berriz, Administrazio eta Finantza goi mailakoa. Eraikina bisitatu ondoren, kontu-ikuskari batekin elkartu dira, eguneroko lanaren berri jaso eta kontu zehatzak lantzeko. Irudian, goi mailako zikloko ikasleak, kontu-ikuskariarekin.
Iruñeko Maria Inmaculada Lanbide Heziketaren Ikastetxeko ikasle talde bat Kontuen Ganberara etorri da bisitan. Eraikinaren gune nagusiak ikusi ondoren, Kontuen Ganberaren historia eta gaur egungo zereginak azaltzen dituen bideoa ikusi dute. Bisita amaitu aurretik, patioan elkartu ditugu argazkia egiteko.
Heldu den asteartean, urtarrilak 19, Kontuen Ganberako lehendakaria Parlamentura joanen da Foru Administrazioaren bulegoetako garbiketa zerbitzuaren kontratazioaz eginiko txostena aurkeztera. Helio Robledaren agerraldia Lehendakaritza, Barne eta Justizia Batzordean eginen da, goizeko 9:30etan hasita.
San Francisco Javier Alargun elkarteko talde bat gurean izan da gaur goizean, Iruñeko etxe zaharrena ezagutu eta erakundearen berri jaso nahi baitzuten. Barneko patioa eta solairu nagusia bisitatu ondotik, bisitariei jartzen zaien bideoa ikusi dute. Bisita amaitu aurretik, argazki egin diegu etxeko patioan.
La Cámara de Comptos dará a conocer mañana un informe sobre la gestión de la Fundación Itoiz-Canal de Navarra desde su fundación en 2002 hasta su desaparición el año pasado. El informe lo pidió el Parlamento a instanacias del grupo Bildu Nafarroa.
Iruñeko Kondestable jauregian euskaraz mintzatzeko elkartzen den talde bat bisitan etorri zaigu gaur goizean. Xabier Mangado irakasleak lagundurik, gure etxea ezagutzera etorri dira. Barneko patioa eta lehen solairua ikusi ondoren, hitzaldi-aretora joan dira Kontuen Ganberari buruzko bideoa ikustera. Bisitaldia amaitu aurretik, patioan argazkia egin diegu. Hortxe dituzue.
Donapeako Administrazioa eta Kudeaketa zikloko bi ikasle talde gure egoitzan izan ziren atzo. Kontuen Ganberaren etxearen ezaugarrien berri jaso ondoren, erakundearen zereginak azaldu genizkien. Ondoren, Kontuen Ganberari buruzko bideoa ikusi zuten. Bisita amaitu aurretik, etxeko patioan argazkia egin genien.
Uxue Barkos lehendakariak "Kontuen Ganberako topaketak" izeneko ekimenean parte hartu du gaur eguerdian. Ekimenaren helburua da Nafarroako arlo ezberdinetako pertsonaiak gure egoitzara ekartzea, guk haiek ezagutzeko eta, aldi berean, haiek ere gu ezagutu gaitzaten. Hasteko, Ganberako komunikazio arduradunak elkarrizketa egin dio lehendakariari, haren ibilbide politikoa eta pil-pilean dauden gai batzuen inguruko iritzia ezagutzeko. Ondoren, funtzaionarioek ere lehendakariari galderak egin dizkiote.
San Fantzisko eskolako haur talde bi bisitan etorri zaigu gaur goizean. Haur Hezkuntzako bigarren kurtsoko berrogei neska mutiko ziren, lau irakaslek lagundurik.
Etxea ezagutu ondoren gure eraikinean eginiko txanponak ikusteko aukera izan dute.
Nafarroako Kontuen Ganberako lehendakari Helio Robleda Parlamentuan agertuko da datorren astean, erakundeak kaleratu berri dituen bi txostenen berri emateko: Nafarroako toki sektorea eta Iruñerriko Mankomunitatea, hain zuzen. Agerraldia asteazkenean, hilak 14, izanen da, goizeko 9:30etan hasita.