Nafarroako Kontuen Ganberako presidentea Parlamentuan izan da gaur goizean, udalerri nagusien kontuak azaltzeko. Helio Robleda Toki Administrazioaren aitzinean agertu da berriki kaleraturiko txostenaren berri emateko. Txostenaren konklusioak aztertu ondotik, udal zerbitzuen eraginkortasuna hobetzeko beharra azpimarratu du.

Iruñeko erraldoien konpartsa Antsoleaga karrikako egoitzatik pasatzen da urtero, parte-zaharrean egiten dituen ibilbideetan. Orain arte, ordea, inoiz ez zuten etxea ezagutzeko aukera izan, itxita egoten delako. Caravinagre eta Patata kilikiek Iruñeko etxerik zaharrena bisitatu nahi zutela adierazi zuten, eta Kontuen Ganberako komunikazio arduradunak plazer handiz zabaldu zien atea. Kilikiak ez ezik, haur talde bat ere arrapaladan sartu zen gure egoitzara, kilikien atzetik. Azkenean, barneko patioan lasterka ibili ziren, batetik bestera, kilikiengandik ihesi.

Burlatako San Blas elizako talde bat Kontuen Ganberaren egoitzara etorri da gaur goizean. Barneko patioa eta lehenbiziko solairua ikusi ondoren, erakundearen bideoa ikustera joan dira. Amaitzeko, argazkia atera dugu patioan.

Nafarroako Kontuen Ganberako presidenteak  Asturiaseko Ridea institutuak antolaturiko mahai-inguru batean parte hartu zuen atzo. Asturiaseko udal antolaketa hobetzeko ideiak biltzea du xede aipaturiko institutuaren ekimenak. Atzoko mahai-inguruan udalen kudeaketa eta kontrola aztertu zen. Robledaz gain, beste bi aditu mintzatu ziren: Begoña Sesma Oviedoko Unibertsitateko irakaslea eta Manuel Fueyo kontu-hartzailea. Robledak Kontuen Ganberak udal sektorean eginiko lana azaltzeaz gain, kontrol erakundeetako kideen independentzia bermatzeko beharra azpimarratu zuen.  

Kontuen Ganberak, Nafarroako Gobernuko Toki Administrazio Departamentuak, Udal eta Kontzejuen Federazioak eta Noaingo Udalak bultzaturiko udal kostuen gaineko azterketa amaitu egin da. Ekimenaren helburua zen  udal zerbitzu nagusien kostua ezagutzea eta kudeaketarako adierazle batzuk zehaztea, ondoren Noaingo Udalean onarturiko gida horren onurak beste nafar udaletan ere erabiltzeko. Azterturiko zerbtizuak honakoak izan dira: argindarra, kultura, kirola, har-eskola, udaltzaintza eta gizarte zerbitzuak.

Kontuen Ganberak amaiera eman dio 2012-2013 ikasturteko bisitaldi-zikloari. Urritik hona 40 talde etorri dira gure egoitzara, batez ere ikasleak, kultur taldetakoak, unibertsitariak, jubilatuen elkartekoak...

Hurrengo ikasturtean Kontuen Ganberaren egoitza ezagutu nahi duten guztiek zita har dezakete 848 421 400 telefonora deituta edo hurrengo helbide elektronikoan: camara.comptos@navarra.es .

Olayo Gonzalez Espainiako Kontuen Epaitegiko fiskal burua Kontuen Ganberara etorri da bi erakundeen arteko kolaborazio hitzarmen bat sinatzeko. Hitzarmenaren helburua da bi erakundeen arteko harremanak hobetzeko, batez ere komunikazioa arinagoa izan dadin, fiskalak Kontuen Ganberaren txostenen ondorioz har ditzakeen erabakiei dagokienez. Irudian, fiskal burua, Kontuen Ganberako presidente Helio Robleda eta Luis Ordoki idazkari nagusia.

Luis Ordoki Kontuen Ganberako idazkari nagusiak Auditoría Pública aldizkariak ematen duen saria irabazi du “Contenido y alcance de la opinión de legalidad en los informes de fiscalización de los Órganos de Control Externo”, izenburuko artikuluari esker. Artikulua aldizkariaren 54. zenbakian argitaratu zen. Ordokik 6.000 euroko saria jasoko du, apirilean toledon eginen den ekitaldian. 

Ordokik fiskalizazio erakundeen txostenak aztertu ditu, erakunde bakoitzak legezkotasunari ematen dion garrantziaz ohartzeko. Irizpide argirik ezean, batasunaren aldeko apustua egiten du.

Nafarroako Kontuen Ganberak "Osasungintzaren kudeaketa gaur egungo krisi ekonomikoan" izenburupean antolaturiko jardunaldiak arrakasta handia lortu zuen, partaideak berrehun bat izan baitziren.  Ekimena Osasunbidea eta Nafarroako Unibertsitate Publikoaren laguntzaz egin zen, erizainen eskolako areto nagusian. 

Nafarroako Kontuen Ganberak, Osasunbidea eta Unibertsitate Publikoarekin elkar lanean, "Osasungintzaren kudeaketa gaur egungo krisi ekonomikoan" izenburuko jardunaldia antolatu du. Jardunaldia martxoaren 21ean eginen da, arratsaldeko 4:30etan hasita, Unibertsitate Publikoko Erizainen Eskolako areto nagusian. Sarrera librea da.