Fermin Erbitik "Kontuen Ganbera: Iruñeko etxe zaharrenaren eta ingurukoen istorioak" liburua aurkeztu du. Helio Robleda presidenteak eta Luis Ordoki idazkariak lagundurik, Kontuen Ganberako Komunikazio arduradunak liburuaren nondik-norakoak azaldu dizkie bertan bilduriko gonbidatu eta kazetariei. Erbitik azaldu duenez, Kontuen Ganberaren egoitza balio  handiko eraikina da. Batetik, hiriko etxe gotiko bakarra delako: eta, bestetik, istorio oso interesgarriak gordetzen dituelako.

Kontuen Ganberako presidentea Parlamentuko Osasun Batzodearen aitzinean agertu da, haurdunaldiaren eteteari buruzko txostena azaltzeko. Txostenaren helburua zen abortoaren kostuak aztertzea, Osasunbideak izanen lukeen kostua eta klinika pribatuari ordaindurikoa alderatzeko. Robledak haurduanldiaren etetea zentro publikoetan egiteko aukera aztertzeko eskatu dio Gobernuari eta, edozein kasutan, klinika pribatuetan eginez gero hitzarmen bat egin dezala.

Gaztela-Leongo etxeko hogei lagun bisitan etorri zaizkigu gaur arratsaldean. Taldeak Kontuen Ganberaren etxea ezagutzeaz gain, erakundearen berri jaso nahi zuen. Patioa eta lehen solairua ikusi ondoren, Kontuen Ganberari buruzko bideoa ikusi dute.

Nafar Ateneoko 35 lagun Kontuen Ganberaren egoitzara etorri dira gaur goizean, Ansoleaga karrikako etxea ez ezik, erakundearen historia eta gaur egungo egoera ezagutzeko asmoz. Barneko patioa eta lehen solairua ikusi ondotik, Kontuen Ganberari buruzko bideoa eta historian barnan egoitzatik pasatu diren erakundeei buruzko argazki erakusketa ikusi dituzte. Bisita amaitu aurretik, argazkia egin diegu barneko patioan.

Ramón Vilarroig Moya, Jaume I Unibertsitateko irakaslea finantza-produktu berriei buruzko mintegia ematen ari da Kontuen Ganberan. Ganberako funtzionarioez gain, beste erakundeetako teknikari batzuek ere parte hartzen dute. Kontuen Ganberak eta FIASEP fundazioak antolaturiko mintegian, azken urteotan sortu diren finantza-produktu berriak eta kontrol erakundeen ikuspegitik sortzen dituzten arazoak aztertuko dira. Mintegia bihar eguerdian amaituko da.  

Elizondoko institutuko ikasle talde bat gurean izan da gaur goizean, Kontuen Ganberaren etxea ezagutu eta erakundearen zereginak ezagutzeko asmoz.Ansoleaga karrikako eraikina bisitatu ondotik, Parlamentura joan dira. Aurretik, talde guztiekin egin ohi dugun bezala, patioan elkartu eta argazkia egin diegu.

Helio Robleda, Kontuen Ganberako presidentea, Parlamentuko Ekonomia eta Ogasun batzordearen aitzinean agertu da gaur goizean, 2011ko kontu orokorrei buruzko txostena aurkezteko. Ekitaldian gastu zein diru-sarrerak %8 gutxitu ziren. Urte amaierako zorra 1.917 milioikoa zen. Txostenaren datu eta konklusio nagusiak aztertu ondoren, parlamentarioen galderei erantzun die, horien artean enpresa publikoen egoeraz, ondasun-zerrendez eta zerbitzu publikoen kostuez.

El presidente de la Cámara de Comptos compareció ayer ante la Comisión de Economía, Hacienda, Industria y Empleo del Parlamento de Navarra para explicar el informe sobre el Servicio Navarro de Empleo, recientemente publicado. Al finalizar la exposición del mismo, Robleda leyó una declaración institucional en la que consideró "inaceptables" las críticas realizadas a dicho informe en sede parlamentario por los sindicatos UGT y CCOO.  

Helio Robleda Kontuen Ganberako presidentea Parlamentuko Ekonomia eta Lan Batzordearen aitzinean agertuko da gaur, eguerdiko 12:30etatik aurrera, Nafarroako Enplegu Zerbitzuari buruzko txostena aurkezteko. Lanaren datu eta konklusio nagusiak azpimarratzeaz gain, Robledak UGT eta CCOO sindikatuek Kontuen Ganberari eginiko kritikei ere erantzunen die. Jakina denez, aipaturiko sindikatuek profesionaltasun eta independentzia falta leporatu zioten Kontuen Ganberari, txostenaren atzean arrazoi politikoak zirela gaineratuz.

Nafarroako Kontuen Ganberak 33 txosten eginen ditu aurten, berriki onarturiko planaren arabera. Horiei Parlamentuak datozen hilabeteotan eska ditzakeenak ere gehitu behar zaizkie.
Urteroko txostenez gain (kontu orokorrak, udal nagusiak), Kontuen Ganberak fiskalizatuko dituenen arten daude, besteak beste, Unibertsitate Publikoa, Gobernuak ikerketa eta garapena bultzatzeko emaniko laguntzak, itzalpeko ordain-sariagatik iaz pagatutakoa, udalei azken urteotan emaniko diru-laguntzak, Moderna Fundazio eta iruzurraren aurkako plana.