Helio Robleda Kontuen Ganberako presidenteak etzi, irailak 3, ospitaleetako sukalde zerbitzuari buruzko txostena aurkeztuko du Parlamentuan. Agerraldia Osasun Batzoarearen aitzinean izanen da, goizeko 10etan hasita. Robledak Kontuen Ganberak ekainean kaleraturiko txostenaren konklusio nagusiak azalduko ditu.
Kontu-ikuskaritzari buruzko aurtengo kongresua Palman eginen da, azaroaren 12tik 14ra. Antolatzaileak bertako Kontu Epaitegia eta Fiasep fundazioa dira. Honez gero, oso aurreratua daukate antolamendua eta izena eman nahi dutenek egin dezakete. Kongresuan Mariano Zufia saria ere emanen da. Sariaren helburua da diru publikoaren kontrolean ibilbide oparo eta luzea egina duen norbaiten lana nabarmentzea
Maria Ana Sanz Lanbide Heziketako ikastetxeko bi talde bisitan izan ditugu Kontuen Ganberan. Barneko patioa eta solairu nagusia ikusi ondoren, erakundearen berri eman zaie. Azkenik, patioan argazkia atera diegu.
Ismael Sánchez Bella, Nafarroako Unibertsitateko lehen errektorea, Kontuen Ganberaren egoitzan izan da bisitan. Aipagarria da Sanchez Bella berak negoziatu zuela orduko Diputazioarekin unibertsitatea Kontuen Ganberan kokatzea. Hala izan zen: 48 ikasle hasi ziren Zuzenbidean. Ondoren, Medikuntzak ere kurtso bat eman zuen gure egoitzan eta, azkenik, Kazetaritzaren Institututoa hasi zen. Nafarroako Unibertsitateak, guztira, hamar urte egin zituen gure egoitzan, 1962ra arte.
Kontuen Ganberako presidente Helio Robleda Parlamentuko Mahai eta Eledunen Batzordearen aitzinean agertu da, heldu den urteko fiskalizazio planaren berri emateko. 2014. urterako, 31 lan aurreikusi dira. Urtero egiten direnez gain, Osasunbidearen azpiegituren kudeaketa aztertuko da; Sodena enpresa publikoa; Gobernuak Ikerketa, Garapen eta Berrikuntzarako ematen dituen diru-laguntzak fiskalizatuko dira, bai eta sindikatu eta enpresarien elkarteek jasotakoak.
Heldu den asteazkenean, hilak 26, Kontuen Ganberako presidentea Parlamentura joanen da Sodenari buruz kaleratu berri dugun txostena aurkeztera. Agerraldia Ekonomia, Ogasun, Industria eta Enplegu Batzordearen aitzinean eginen da, goizeko hamarretan hasita.
Jorge San Miguel, enpresa publikoen taldeko zuzendaria Kontuen Ganberara etorri da sozietate publikoen egoeraz eta etorkizunaz hitz egitera. Kontuen Ganberako teknikariei emaniko hitzaldiak orain arte eginikoa eta etorkizuneko erronkak azaldu ditu. San Miguelek nabarmendu duenez, aldaketa planaren xede nagusia da enpresen talde eraginkorragoa lortzea.
Kontuen Ganberako presidenteak Egues Ibarreko udal sozietateen kudeaketaz hitz eginen du Parlamentuan heldu den astean, irailaren 11n. Izan ere, erakundeak ekainean plazaratu zuen txosten batek gogor gaitzesten zuen Egues Ibarreko Udalaren hirigintza kudeaketa. Txostena jaso ondoren, Parlamentuak Robledaren agerraldia eskatu zuen, eginiko lanaren berri eman dezan. Agerraldia, esan bezala, gaur zortzi eginen da, goizeko hamarretan hasita, Udal Administrazio Batzordearen aitzinean.
Donapeako Administrazio eta Finantzak zikloko ikasle talde bat etorri zaigu gaur Kontuen Ganberara. Egoitza bisitatu ondotik, Karen Moreno auditorearekin bildu dira, fiskalizaztze-lanaren kontu praktikoak ezagutu nahi zituztelako.
Datozen egunetan, Kontuen Ganberak hiru txosten karrikaratuko ditu: ostegunean, Egues Ibarreko udalari buruzkoa; ostiralean, Baldizarbeko Mankomunitateari buruzkoa eta heldu den astean Unibertsitate Publikoaz eginikoa.