Iruñeko Navarro Villoslada Institutuko bi talde bisitan etorri dira Kontuen Ganberara. Etxea erakusteaz gain, Kontuen Ganberaren berri jaso dute: historia eta gaur egungo zeregin eta osaketa.

Irudian, bigarren taldea bisita amaiturik.

Nafarroako Unibertsitate Publikoko ikasle talde bat bisitan izan da Kontuen Ganbera, Kudeaketa Publikoa ikasgaiko irakasle Fermin Cabasesekin. Bisitaren helburua zen ikasleek Kontuen Ganberaren berri jasotzea: zereginak, txosten motak, beste erakundeekiko harremanak... Karen Moreno auditoreak hitzaldi bat eman die, hori guztia azaltzeko. Horrela, erakundeak egiten duen fiskalizatze lana ezagutu ahal izan dute.

Irudian, ikasleak eta irakaslea Kontuen Ganberako patioan.

Estatuko kontu auzitegietako ordezkariak Madrilen elkartu dira gaur, administrazio elektronikoa bultzatzeko sortu zuten batzordearen bilera egiteko. Espainiako Kontu Epaitegietako ordezkariek zein autonomietakoek parte hartu dute. Kontuen Ganberaren izenean, Ignacio Cabeza lehendakariak parte hartu du.

Bileran auditoretza lanetan tresna digitalak erabiltzeko bidearen jarraipena ere egin da. Tresna horien artean bi dira nagusiak: FISCALICEx eta FISCONEx. Prestakuntza arloan kolaboratzeko bideak ere aztertu dira.   

Kontuen Ganberak Arguedaseko Udalaren 2021eko kontuak aztertu ditu. Horrez gain, legezkotasunaz ere iritzia eman du, langilerian zein kontratazio administratiboan.

2021ean, Valtierrako Udalak 3,2 milioi gastatu eta 3,6 milioi bildu zituen. Aurrekontu emaitza doitua  positiboa da 740.000 euroan. Gastuetan bi dira nagusi: ondasun eta zerbitzuen gastu arruntak, eta inbertsioak: 1,2 milioi eta ia milioi bat, hurrenez hurren. Langilerian 830.000 euro gastatu ziren. 

Kontuen Ganberak Cadreitako Udalaren kontuei buruzko txostena argitaratu du. Txostenak 2021eko kontu orokorra aztertu du. Legezkotasunaz ere iritzia ematen du, bi arlotan: langilerian eta kontratazioan.

2021ean, Cadreitako Udalak 2,9 milioi gastatu eta hiru milioi bildu zituen. Ondasun eta zerbitzuen gastu arruntetan 1,5 milioi gastatu zuen, inbertsioetan 593.000 euro eta langilerian 578.000 euro. Diru-sarreretan, transferentzia arruntetan milioi bat bildu zuen; zuzeneko zergei esker, 587.000 euro; eta finantza pasiboen bitartez (maileguak), 450.000 milioi.

Kontuen Ganberak Nafarroako Kontseiluari buruzko txostena kaleratu du. Bertan 2022ko kontuak eta erakundearen finantza jardueraren legezkotasuna aztertzen dira. 

Nafarroako Kontuen Ganberak Fundapa fundazio publikoari buruzko txostena argitaratu du.

Fundaparen helburua da pertsona ezinduei laguntzea, epaileak hala agintzen duenean. Laguntza mota bikoitza da: epaitegien aurrean defentsa egitea eta ondasunen administrazioa. Fundazioak pertsona ezinduen arreta, prebentzioa, errehabilitazioa, laneratze eta prestakuntza ere bultzatzen ditu.

Kontuen Ganberak Valtierrako Udalaren 2021eko kontuak aztertu ditu. Horrez gain, legezkotasunaz ere iritzia eman du, langilerian zein kontratazio administratiboan.

2021ean, Valtierrako Udalak 4,1 milioi gastatu eta 4 milioi bildu zituen. Aurrekontu emaitza doitua  positiboa da 363.000 euroan. Gastuetan bi dira nagusi: ondasun eta zerbitzuen gastu arruntak eta langileria: 1,4 milioi eta 1,2 milioi, hurrenez hurren. Inbertsioetan 700.000 euro gastatu ziren. 

Kontuen Ganberak Berreskuratze, Eraldatze eta Erresilentzia Plana ezartzeko Gobernuak hartu dituen neurriak aztertu ditu. Planak bidea ematen du pandemiaren eragina gainditzeko Europak ematen dituen funtsak hartzeko.

Europar Batasuna, estrategia horri jarraituz, 750.000 milioiko diru-laguntza emanen die batasuneko kideei, Next Generation funtsen bidez.

Aste honetan, Kontuen Ganberak hiru txosten argitaratuko ditu, honako gai hauei buruz: Next generation diru-funtsen kudeaketarako harturiko neurriak, Fundapa fundazioa eta Valtierrako Udala.