Kontuen Ganberak Sodena sozietate publikoak, Enpresarien Elkarteak (CEN) eta Albyn enpresak pandemiaren hasieran maskarak erosteko egin zuten hitzarmenari buruzko txostena argitaratu du.

Txostenak gogoratzen duenez, 2020ko martxoan espainiar gobernuak alarma egoera ezarri zuen. Horren ondorioz, behar-beharrezkoa ez zen jarduera ekonomikoa bertan behera utzi zuen.

Kontuen Ganberak Gizain Fundazioari buruzko txostena argitaratu du, Navarra Suma parlamentu-taldeak eskatuta.

Gizain Nafarroako Gobernuak sorturiko fundazioa da. 2019an sortu zen gizarte zerbitzu batzuk kudeatzeko: zerbitzu sozialen zentroak, adingabeen harrera-zentroak, familien baloraziorako zerbitzuak eta gazte-justiziaren eguneko zentroa.

Kontuen Ganberako lehendakariak heldu den urteko fiskalizazio programaren proiektua aurkeztu du Parlamentuan, Mahai eta Eledunen Batzordearen aitzinean. Behin Parlamentuak egin ditzakeen eskaerak aztertuta, ofizial eginen da.

Ignacio Cabezak datozen egunetan argitaratuko diren txostenen berri ere eman du. Bi dira aste honetan berean argitaratuko direnak: Gizain Fundazioari buruzkoa eta pandemia garaian Sodenak, Enpresarien Elkargoak eta Albyn enpresak enpresa txiki, ertain eta autonomoendako maskarak erosteko egin zuten hitzarmenari buruzkoa.

Kontuen Ganberako lehendakariak Kontuen Ganberaren plan estrategikoa aukeztu du. Dokumentuak 2023tik 2028ra arteko helburuak finkatzen ditu. Bertan, helburu nagusiak ez ezik, horiek lortzeko ekimen zehatzak ere aipatzen dira. Planaren jarraipena egiteko modua ere zehaztu da. Horren guztiaren helburua da ahalik eta kontu-ikuskaritzarik eraginkorrena egitea, diru publikoaren kudeaketan aitzina egiten segitzeko.

Enrique Maya Iruñeko alkateak “Kontuen Ganberako topaketak” ekimenean parte hartu du gaur.  Ekimenaren helburua da politika, gizarte eta kultur arloetako pertsonaiak gurera ekartze, elkar ezagutzeko.

Egoitza bisitatu ondotik, Komunikazio arduradunak elkarrizketatu du, teknikarien aitzinean. Solasaldian Mayaren ibilibide profesionala eta politikoaz mintzatu dira. Gaur egungo egoera politikoaz ere hitz egin du.

Kontuen Ganberak 2021eko kontu orokorrei buruzko txostena argitaratu du

Kontuen Ganberak 2021eko kontu orokorrei buruzko txostena argitaratu du. Bertan Foru Administrazioaren finantza egoeraren ikuspegi orokorra eskaintzen da.

Iaz, Foru Administrazioak 5.064 milioi gastatu eta 5.072 milioi bildu zituen.

Gastuetan transferentzia arruntena da kapitulu nagusia, 1.750 milioirekin. Langileria da bigarrena, 1.550 milioirekin. Hirugarrena, ondasun eta zerbitzuen gastu arruntak: 744 milioi.

Begoña Herrera auditoreak eta Gemma Sanchez legelariak Auditoretzaren Kongresu Nazionalean parte hartu dute, hitzaldi bana emanez. Kongresua Tenerifeko Auditorioan egin da atzo eta gaur. Herrerak Kontuen Ganberak berririki eginiko txosten baten berri eman du: behar bereziak dituen ikasleriaren egoera. Sanchezek, berriz, kontratazio publikoa genero ikuspegitik aztertu du. Kongresuan bi urtean behin egiten da, Estatuko kontu epaitegi batek eta FIASEP fundazioak antolatua. Hurrengoa Iruñean eginen da, Kontuen Ganberaren zuzendaritzapean.  

Estatuko kontu epaitegietako ordezkariak Santiagon elkartu dira gaur goizean, teknikarien prestakuntza bultzatzeko hitzarmena sinatzeko. Kontuen Ganberaren izenean, Ignacio Cabeza lehendakariak parte hartu du. Hitzarmenaren helburu nagusia da kontu-ikuskaritza publikoaren kalitatea hobetzea. Horretarako, prestakuntza-plan berezia eskainiko zaie teknikariei.Bileran beste esparruetan bultzatu beharreko elkar-lana ere aztertu da, hala nola administrazio elektronikoan edo Nex Generation funtsen kontrol lanetan.

Donapea Lanbide Heziketako  ikastetxeko talde bat bisitan izan dugu Kontuen Ganberan. Goi mailako Administrazio eta Finantzak zikloko ikasleak ziren. Kontuen Ganberaren historia eta gaur egungo zereginaren berri eman diegu. Egoitzaren ezaugarriak ere azaldu dizkiegu. Ondoren, bisitariei jartzen diegun bideoa ikusi dute. Amaitzeko, argazkia egin diegu etxeko patioan. 

Kontuen Ganberako lehendakari Ignacio Cabezak etxeko eta merkataritzako hondakinei buruzko txostena aurkeztu du gaur Parlamentuan. Landa Garapena eta Ingurumen Batzordearen aitzinean egin du. Berriki argitaraturiko txostenen konklusio nagusiak azpimarratu ditu. Batetik, hondakinen kudeaketak sistema zentralizatuagoa behar duela. Iruñerriko eta Tuterako Mankomunitateetan atzemandako hutsak ere nabarmendu ditu. Iruñerriari dagokionez, "gainerakoa" frakzioa tratatu gabe lurperatzen dela zabortegian, Europako legedia urratuz. Tuterakoan, ez dela hondakin organikoa birziklatzen.